మనసెరిగిన బాబా – పంపిన ఊధీ ప్రసాదం

భక్తురాలు: విజయ రాణి సురేష్

నివాసం: యల్.బి.నగర్

పిలిస్తే పలికే దైవం అయిన కలియుగ ప్రత్యక్ష దైవం ఆ శిరిడీ సాయినాథునకు పాదాభివందనం. నా పేరు విజయ రాణి సురేష్. మేము LB  నగర్ లో ఉంటాము.

బాబా గారు ఎప్పుడు నా మనసులోని కోరికను తెలుసుకుని వాటిని నెరవేరుస్తూ నేను క్షణక్షణం సంతోషంగా ఉండేలా చేస్తున్నందుకు ధన్యవాదాలు.

బాబాగారు సజీవంగా ఉన్నప్పుడు తన దగ్గరకు వచ్చిన భక్తుల మనసులోని కోరికలను తీర్చివారిని సంతోషపరిచేవారు.

మామూలుగా మా కుటుంబ సభ్యులందరం కలిసి శిరిడీ పుణ్యక్షేత్రం దర్శించేవాళ్ళం. కానీ, ఒకసారి కొన్ని కారణాల వల్ల  మా వారు సురేష్ ఒక్కరే శిరిడీ కి వెళ్లారు.

మా ఇంట్లో ఎప్పుడు బాబా వారి ఊధీ ఉంటుంది. కానీ మా వారు వెళ్ళేటప్పుడు ఊధీ ప్రసాదం ఎక్కువగా తీసుకునిరా అని చెబుదాం అనుకుని మర్చిపోయాను.

ఫోన్ అస్సలు కలవట్లేదు. బాబా గారికి చెప్పాను. బాబా ఊధీ అయిపోయింది. ఎలా మళ్ళీ శిరిడీ వెళ్లే వరకు ఒకటో, రెండో ఊధీ పాకెట్ లతో సరిపెట్టుకోవాలి అని కేవలం మనసులో అనుకున్నాను.

విశ్వం అంతా వ్యాపించిన బాబా నా మనసులోని కోరికను మన్నించారు. మా వారు శిరిడీనుండి 30 , 40 ప్యాకెట్లు తెచ్చారు. ఇలా ఎలా సాధ్యం అయిందని అడిగా.

ఒకసారిలైన్ లో నిలబడితే ఒక ప్యాకెట్ మాత్రమే ఇస్తారు కదా! 40 సార్లు నిల్చున్నారా అని అడిగా!

కాదు ఒక తెలియని వ్యక్తి వచ్చి ఇదిగో ఊధీ ప్రసాదం తీసుకో తీసుకో అని ఇచ్చారు, నేను తీసుకున్నాను అని చెప్పారు.

చూసారా బాబా నా మనసులోని మాటను గ్రహించి నాకు ఊధీ ప్రసాదం ఇచ్చారు.

అంతే కాదు ఇంకోసారి  నా మనసులో బాబా బండమీద కూర్చున్న ఫోటో కావాలని అనిపించింది.

బాబా ఆ ఫొటోకు పూజ చేస్తే బాగుంటుంది కదా అనుకున్న అంతే. మూడు రోజుల తరువాత మా బంధువులలో ఒకరు రాయిమీద కూర్చున్న ఒరిజినల్ ఫోటో తీసుకొచ్చి నా ముందు ఉంచారు. నా ఆనందానికి అవధుల్లేవు.

అరే బాబా అలా అనుకుంటే ఇలా నీకు తెలిసిపోతుందా! అని ఆనందంగా అనిపించింది.

ఆ శిరిడీ సాయినాథుడే ఫోటో రూపంలో వచ్చారు. నా చేత పూజలు అందుకుంటున్నారు.

      ~~~~సర్వం సాయినాధార్పణమస్తు~~~~

  ***సాయిసూక్తి:

 

        “నేను నీ దగ్గరికి వస్తే నన్ను గుర్తుపట్టగలవా”?.

Latest Miracles:

• బాబా తన భక్తురాలికి తానే ప్రసాదం పంపిన అద్భుత లీల(ఇందిరా గారి అనుభవాలు)–Audio
• పాద దర్శనం – పాప హరణం
• భిక్షుని రూపంలో అన్న ప్రసాదం స్వీకరించిన బాబా!
• శిరిడి యాత్రకు బాబా ధన సహాయం
• సమాధి మందిరములో 5 నిమిషాలైనా గడపాలనుకున్నా భక్తుని, 3 గంటలపాటు అనుగ్రహించిన బాబా వారు–Audio