నమ్మినవారు నవ్వులపాలు కారు! …..సాయి@366 మే 15….Audio

---

Voice Support By: Mrs. Jeevani

---

మోరేశ్వర్‌ వామన్‌ ప్రథాన్‌ సాయిని తన కుటుంబంతో దర్శించాడు. అందరూ సాయి భక్తులయ్యారు. వారు అప్పుడప్పుడు షిరిడీకి వెళ్ళి సాయిని దర్శించే వారు.

వారికి అనేక లీలలు అనుభవ మయ్యాయి. వారందరూ వారి కుమారునితో పాటు షిరిడీకి వెళ్ళ సంకల్పించు కున్నారు.

వారి కుమారునికి టైఫాయిడ్‌ వచ్చింది. ఇంకా పూర్తిగా కోలుకోలేదు ఆ అబ్బాయి. వారికి సాయిని దర్శిద్దామనే తీవ్ర వాంఛ కలిగింది.

మే 14న వారు షిరిడీ యాత్ర చేయాలను కున్నారు. ఆ దినం ఎందుకంటే అప్పుడు ఆ బాలునికి జ్వరం రాలేదు. అయితే డాక్టరు ప్రయాణం వద్దని హెచ్చరించాడు.

కానీ వారు షిరిడీ యాత్ర చేశారు. మార్గ మధ్యంలో ఆ బాలునికి జ్వరం వచ్చింది. ఆ తల్లి, చోటూబాయి తల్లడిల్లి పోయింది.

డాక్టరు వద్దన్నా షిరిడీకి పోతున్నందుకు. ఆ డాక్టరే కాదు, ఇరుగు పొరుగు వారు కూడా కోలుకోని పిల్లవానిని షిరిడీకి తీసుకు పోయిందని నవ్వుతారని ఆమె ఆలోచించింది.

సాయిని తలచుకున్నది. జ్వరం రాలేదు. అందరూ షిరిడీకి చేరారు. వారు షిరిడీ చేరిన రోజు మే 15.

సాయి ”ఇప్పుడు నిన్ను చూచి ఎవ్వరూ నవ్వరు” అన్నాడు చోటూబాయితో. ఆమె నివ్వెరపోయింది. మనలను చూచి ప్రపంచం నవ్వితేనేం?

పురందరే సాయిబాబాను గురించి విన్నాడు. అంతే సాయిని చూద్దాం అనిపించింది. ఆయన పెద్ద కుమార్తెకు 6 నెలల వయసు. అనారోగ్యంగా ఉన్నది.

ఆ పరిస్థితులలో షిరిడీ యాత్ర చేయటానికి అభ్యంతరం పురందరే తల్లే చెప్పింది. అతను తల్లి మాటను ఖాతరు చేయలేదు.

పాప జ్వరాన్ని లెక్క చేయలేదు.

బాబాపై భారం వేశాడు.

పట్టుబట్టి అందరూ షిరిడీ వెళ్ళారు. షిరిడీ వెళ్ళిన మూడు రోజులకు ఆ పసిగుడ్డుకు జ్వరం తగ్గింది. అక్కడ నలుగురూ నవ్వలేదు, పురందరేను చూచి. ఆయన భక్తి అది.

భక్తి అనేది మన మనసులో ఉండాలి.

బ్రతికించేది సాయియే! సాయిని నమ్ముకోవాలి – ముందడుగు వేయాలి – అడుగు తడబడ కూడదు భక్తిలో.

Compiled  By:- ముళ్ళపూడి పాండురంగ సాయినాథ్ & మున్నలూరి బోస్

Collected and Presented By: Mr: Sreenivas Murthy

Latest Miracles:

• నిన్ను చూడనీ! …..సాయి@366 డిసెంబర్ 12….Audio
• సాయిని పస్తులుంచిన డాక్టరు! …..సాయి@366 ఏప్రిల్ 28….Audio
• చీమల బారులు…. సాయి@366 ఫిబ్రవరి 18….Audio
• కథలు కంచికి – గాధలు సాయిలోకి…..సాయి@366 జనవరి 15….Audio
• శివమ్మతాయి…..సాయి@366 మే 29….Audio