కబీరు – సాయి…..సాయి@366 జూన్ 30…Audio

Voice Support By: Mrs. Jeevani

సాయిబాబాకు, కబీరుకు ఉన్న సంబంధం ఎట్టిది? అనే విషయం నాటి నుండి నేటిదాకా తేలని ప్రశ్న.

ఈ ఇద్దరికి ఎన్నో పోలికలు.

తల్లితండ్రులెవరో తెలియదు.

ఇరువురూ గురువుకు పెద్దపీట వేశారు.

ఇద్దరూ బ్రహ్మచారులే.

ఇద్దరూ ధన సేకరణకు వ్యతిరేకులే.

ఇద్దరి దేహత్యాగానంతరము వివాదములు సంభవించినవి. సాయి బాబా ”నేను పూర్వం కబీరును. నూలు వడికేవాడిని” అని పలికారు.

దాసగణు సాయిబాబా గత జన్మలో కబీరని, ఆయన గురువు గోపాలరావ్‌ దేశ్‌ముఖ్‌, గత జన్మలో కబీరుకు గురువైన రామానందుడని అన్నాడు.

మరొకసారి సాయిబాబా ”కబీరు నా గురువు” అన్నారు. వేప చెట్టు క్రింద సమాధి కబీరుదని భావిస్తారు.

కబీరుకు సమాధి కాశీలోను, మాఘర్‌లోను, అయోధ్య సమీపములోని రతన్‌పూర్‌లోను, ఇంకను పూరీలో కూడా కలదని ప్రచారము ఉంది.

ధూలియా నుండి వచ్చిన జడ్జితో తన మతము కబీరు అని సాయి చెప్పారు. దీని దృష్ట్యా సాయిబాబా కబీరు పంథాకు చెందిన మహనీయునిగా భావించటం జరుగుతోంది.

సాయిబాబా, కబీర్‌ పలుకులు అంతరార్ధాలతో కూడి ఉండి, తొందరగా అర్థం కావు అనే అభిప్రాయం కూడా ఉన్నది.

సాయిబాబా తాను గురువుకోసం అన్వేషించు గాథలో ఒక చెట్టుకు తలక్రిందులుగా వ్రేలాడ తీయబడినట్లు తాను మహదానందము పొందినట్లు సచ్చరిత్రలో ఉంది.

కబీరు ”ఆకాశంలో ఒక బావి తల క్రిందులుగా ఉంది. ఒక చక్కని చుక్క ఆ మాయా జలమును పైకి తోడుచున్నది, ఆ నీటితో దాహార్తిని తీర్చుకొనగలిగిన వాడే అదృష్టవంతుడు” అని వ్రాసారు.

ఏది ఏమైనా ఇద్దరి గమ్యం మూఢ నమ్మకాలతో, మత కలహాలతో సమసిపోతున్న వారిని కలుపుటయే.

ఆ లక్ష్యసాధన కోసం ఆ ఇరువురి జీవితాలు సంకేతాలుగా నిలిచిపోతాయి.

జ్యేష్ట పూర్ణిమను కబీరు జన్మదినంగా పాటిస్తారు (సామాన్యంగా జూన్‌ మాసంలో వస్తుంది).

సాయిబాబాకు జన్మదినం అనేది వివాదాస్పదమే.

Compiled  By:- ముళ్ళపూడి పాండురంగ సాయినాథ్ & మున్నలూరి బోస్

Collected and Presented By: Mr: Sreenivas Murthy

Latest Miracles:

• రాముడైన ….రహిమైన ….దేవుడొక్కడే …. మహనీయులు – 2020… అక్టోబరు 1
• దేహమే దేవాలయం …. మహనీయులు – 2020… మార్చి 10
• భక్తి సామ్రాజ్యం … .మహనీయులు – 2020… అక్టోబరు 7
• కారుణ్య మేఘమా! వర్షింపుమా!! …..సాయి@366 సెప్టెంబర్ 5…Audio
• సాయి స్పీడ్ పోస్ట్…..సాయి@366 జూన్ 27…Audio