బాబావారి సద్బోధలు , మనిషిని తీర్చిదిద్దగల ఒక మహా ఆయుధం.

సాయి బాబా     …     సాయి బాబా     …     సాయి బాబా     …     సాయి బాబా

Author:Kota Prakasam Garu

ఆయన సద్బోధలు , మనిషిని తీర్చిదిద్దగల ఒక మహా ఆయుధం.
*******

విత్తనాన్ని చూసి , ఇది పలానా చెట్టుకు సంబంధించింది అని ఆరితేరినవారుతప్ప అందరూ నిర్ధారించలేరు ….

మనిషి మాటలబట్టి వారి వారి మానసిక స్వభావాన్ని గుర్తించడం కూడా అంత కష్టమే ..

ఎంతటివారైనా ఇంటా , బయటా వ్యవహరించే తీరు ఒకలా ఉండదు ..

అంతవరకూ మామూలుగా ఉన్న వ్యక్తి , పరిస్థితుల ప్రభావంతో అతి ఉద్రేకానికి లోనైనప్పుడు , బలహీనతకు లోనై మందుకొట్టి మత్తులో తూలేవాడినోట అసలైన మనిషిలోపలి , మనిషి అంతర్భావాలు బయటకొస్తుంటాయి.

సమాజంలో సభ్యతకోసం వ్యవహరించేతీరుకు , సంసారంలో మనిషి నిత్యము వ్యవహరించేతీరుకు నేలకూ , ఆకాశానికి ఉన్నంత తేడా కనిపిస్తుంది ..

మనిషి ఉన్నది ఉన్నట్టుగా , ముక్కుసూటిగా అన్నిచోట్లా వ్యవహరిస్తే యిటు సమాజంలోనేకాదు , సంసారంలోనూ కొన్ని ఇక్కట్లు పడకతప్పదు , కొంత శత్రుత్వాన్ని కొనితెచ్చుకొన్నట్టవుతుంది ..

నిజం నిష్కర్షగా చెప్పే అలవాటు ఉండొచ్చు అది ఉద్రేకాని కలిగించే విదంగా కాకుండగా , సౌమ్యంగా వ్యక్తపరిచే విదంగా వ్యవహరిస్తే , వినేవారిలో కూడా ఉద్రేకపడకుండా సహనాన్ని ప్రదర్శించగలరు ..

బాబా అంటారు ” పరిస్థితి అనుకూలించనప్పుడు , నీదికానిచోట వాదాలకుదిగక , తలవొంచుకొని ప్రక్కకు పోయినంతమాత్రాన నీకు పోయేది ఏముంది ” అని ..

ఆధ్యాత్మికం , మనిషి నడవడిని తీర్చిదిద్దే మహా ఆయుధం .. శ్రద్దగా దానిని అనుసరిస్తే , మనసును ప్రక్షాళన చేసి , అంతఃకరణశుద్ధిని ప్రసాదిస్తుంది …

ఒక సద్గురువు ఉపదేశానుసారం అంచెలంచలుగా ఒక స్థాయికి ఎదిగే వర్గంతోపాటు , ఆ ఉపదేశాల ఆధారంగా , మాటల చాతుర్యంతో తామే ఒక గురువులుగా చలామణి అవుతూ ,అంధకారంలో ముంచే వర్గమూ  తారసపడుతుంది ..

విత్తనం మొలకెత్తి , మొలకగా ఎదిగేంతవరకూ ఏ ఫలజాతికి సంబంధించినదో లోకం గుర్తించలేనట్టు ఒక గురువును ఆశ్రయించిన శిష్యుల వైఖరినిబట్టి , ఆ గురువు తీరుతెన్నులు లోకానికి వెల్లడౌతుంటుంది ..

సమర్థుడైన సద్గురువు లోకహితంకోసం ప్రకటితమౌతాడు ..

మహిమములు చూసి ఆశ్రయించి , అక్కడికే పరిమితమయ్యేవారుకొందరు , జారీ శ్రేయాశ్రేయాల బారం గురువుకి అప్పజెప్పి , నిమిత్రమాత్రులుగా బోధలను తమ జీవితానికి అన్వయించుకొని , జన్మరాహిత్యానికి ప్రయత్నించేవారు కొందరు .

ఆశ్రయించిన ప్రతి పుష్పం పలమై , సిద్ధిపొందాలని యెదురుచూసే ఆయన మహాసమాధికి , తగిన రీతిలో సాధన చేస్తూ , ఆయన వారసులుగా మిగిలిపోవడమే ఆయన శతాబ్ది వేడుకల్లో , ప్రతి వారూ ఆయన ఋణం తీర్చుకునే మార్గమని పెద్దలమాట …

Latest Miracles:

• మనిషిరూపంలో- శిరిడీ సమాధిమందిరములో వుండే బాబావారి విగ్రహంముఖములా…Audio
• బాధే సౌఖ్యం…..సాయి@366 అక్టోబర్ 31….Audio
• మనిషిని ఆనంద స్వరూపుడిగా చేసే శక్తి ఒక్క గురువుకు మాత్రమే ఉంది అని బోధించిన బాబా వారు.
• నాకు ఒక బంగారు చైన్ దొరికింది,అది ఎవరిదో నా దగ్గరికి వచ్చి సరియైన ప్రమాణం చూపించి తీసుకెళ్లు వచ్చు
• ‘‘రాత్రి కలలో నేను చెప్పిందంతా నిజమే! వెళ్ళు, శివుడొస్తున్నాడు. త్రిశూలాన్ని గియ్యి.’’