బాబా విభూతి మహిమ(దెబ్బకు రోగం మాయం)–Audio

This Audio Prepared by Mrs Lakshmi

తేదీ 23–09–2015 న రాత్రి 8 గంటలకు నా భార్యకు విపరీతమైన త్రేనుపులు రావడం జరిగింది. దిష్టి అని ఉప్పు తీసి బయట పడేసాను. తేదీ 24–09–2015 న గురువారం ఉదయం లేవగానే మళ్ళీ త్రేనుపులు రావడం మొదలయ్యాయి.

అయితే ఆ రోజు మా భజన మండలి వాళ్ళింట్లో 27–09–2015 న బాబా భజన పెట్టుకుంటున్నాను, మనిద్దరం వెళ్ళి చిట్టిబాబు గార్ని(సినీయాక్టర్ రాజబాబు తమ్ముడు) ని పిలుద్దాం అని నాకు ఫోన్ చేసారు.

వెళదాము అయితే ఆయన గురువారం నిజాంపేట బాబాగుడిలో ఉంటారని అక్కడికి వెళ్లాము.

అక్కడ చిట్టిబాబు గార్ని కలిసి భజనకు Invite చేసి, ఇలా నా భార్యకు రాత్రి నుండి ఆరోగ్యము బాగాలేదు అని ఫోన్లో మా ఆవిడతో మాట్లాడిచ్చాను. తను చాలా బాద పడుతుందని చెప్పి నన్ను గుడిలోపలికి తీసుకెళ్లి బాబా ముందు నన్ను నిలబెట్టి మీ ఆవిడ పేరేంటని అడిగారు. దుర్గారాణి అని చెప్పాను.

వెంటనే బాబా ఊదీ ప్రసాదము తీసుకొని ఒక రెండు నిమిషాలు సాయినామం జపించి నా నుదుట వీభూతి పెట్టి కొద్దిగా నా నోట్లో వేసిరి.  ఏమీ కాదు తగ్గిపోతుంది అని చెప్పారు.

అదే సమయానికి మా ఆవిడ కూడా బాదతోనే ఇంట్లో సాయిరాం, సాయిరాం అని జపించడం మొదలు పెట్టింది. ఒక్క పది నిమిషాల తర్వాత నాకు ఇంటి నుండి ఫోన్ వచ్చింది.

మా ఆవిడ నవ్వుతూ మాట్లాడి నాకు పూర్తిగా తగ్గిపోయింది ఒకసారి చిట్టిబాబుగార్కి ఫోన్ ఇవ్వండి అన్నది. అప్పటికే నేను కూకటపల్లి చేరుకున్నాను. నేనుండేది మేడ్చల్.

నాకు వీభూతి పెట్టింది నిజాంపేట బాబాగారి గుడిలో, నాకు విభూతి పెడితే మా భార్యకు తగ్గింది. ఇది ఎక్కడైనా, ఎప్పుడైనా విన్నారా.

ఒకవేళ విభూతి అందుబాటలో లేకపోతే రోడ్డు ప్రక్కన ఉన్న మట్టిని తీసుకొని సాయిరాం, సాయిరాం, సాయిరాం అని ధ్యానం చేసి నుదుటన పెట్టండి.

దెబ్బకు రోగం మాయం. అంతా సాయిమయం. అదే షిరిడీశ్వరుని వీభూతి మహిమ. జై సాయిరాం.

సాయి మూర్తి. 

Sai Baba…Sai Baba.

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• భక్తురాలి బాధను విజమర సేవ ద్వారా తొలగించిన బాబా వారు
• భవ్యష్యత్తుని ముందుగానే సూచించిన బాబా.
• నా కోరికను తీర్చిన బాబా.
• వ్యాధిని మాయం చేసిన బాబా
• సాయి వారసత్వం! …..సాయి@366 మే 3….Audio