వినాయక చవితి నాడు బాబా ఫోటో రూపంలో భక్తురాలి ఇంటికి వచ్చుట…Audio

!!!శ్రీ సచ్చిదానంద సద్గురు సాయినాథ్ మహారాజ్ కీ జై!!!

!!!సద్గురు శ్రీ సాయి నాథుని శరత్ బాబూజీ కీ జై!!!

This audio has been prepared by Mr Sreenivas Murhty

సాయి బంధువులకి నమస్కారం

నా పేరు ఉమా, హైదరాబాద్.

నాకు బాబా వారు ఇచ్చిన ఒక అనుభవాన్ని మీతో పంచుకోవాలనుకుంటున్నాను.

నా ఈ అనుభవం హోళీ పండుగ నాడు ఫోటో రూపంలో హేమాడపంత్  ఇంటికి బాబా  వెళ్లిన లీల వలె ఉండటం,  నాకు చాలా ఆనందం వేసింది. 

పోయిన సంవత్సరం వినాయక చవితి రోజు మా ఇంట్లో కొన్ని సమస్యలతో నేను చాలా బాధ పడ్డాను.

ఎందుకో ఆ రోజు నాకు అనిపించింది మనం వినాయకునికి పెట్టుకోము కదా! అందరు వినాయకునికి పెట్టుకొని పూజలు చేసుకుంటారు కదా!  మన గృహ దేవత మన ఇలవేల్పు బాబా యే కాబట్టి మనం కూడా బాబాని ఇంటి గుమ్మం పైన పెట్టుకుంటే బాగుంటుంది అనుకున్నాను.

అప్పుడు నా దగ్గర బాబా లామినేషన్ ఫోటో లేదు. సరే బాబా అనేసి నేను మా గురువుగారి ఫోటో గుమ్మం పైన పెట్టుకున్నాను.

కాని బాబా లీలలు ఎంత కరుణ,  దయలతో వుంటాయో నిజంగా బాబా వారు  నాకు  ఇచ్చిన ఈ అనుభం ద్వారా అర్ధం అయింది.

ఉదయం ఆరు గంటలకు లేచి దీపారాధన చేస్తుండగా శ్రీనివాస మూర్తి గారు ఫోన్ చేసి,  అమ్మా last  week  quiz  winner  మీరే, మీకు బాబా photo Prize గా ఇస్తున్నాము అని చెప్పగానే,  నాకు ఎంతో ఆనందమేసింది. ఇది వినిన వెంటనే నేను బాబాకి సాష్టాంగ ప్రణామాలు చేసుకున్నాను.

బాబా మీరు మీ ఇష్టం తో మాత్రమే రాగల్గుతారు కాని,  మేము ఏదో క్విజ్ లో గెలుచుకోవడం అనేది ఒక మిష మాత్రమే.

మేము నిస్సహాయులం ప్రభూ ! మీ మీద ఆధార పడటం, మీ నామ స్మరణ తప్ప మా కింకేమి తెలియదు సాయి. 

మీరు ఎప్పుడూ మా తప్పొప్పులను సవరించి మమ్మల్ని సన్మార్గంలో అంటే “మీ ప్రేమ మార్గంలో నడిపించండి తండ్రీ”!

మీరు నాకు ఇచ్చిన ఈ  అనుభవాన్ని సాయిభక్తులందరితో పంచుకొనే ఒక అద్భుతమైన అవకాశం  ఇచ్చిన వారందరికి నా కృతఙ్ఞతలు.

Latest Miracles:

• గురుపౌర్ణమి రోజు భక్తురాలి ఇంటికి వెళ్లిన బాబా వారు.
• రాంబాబు గారికి దీపావళి రోజు శ్రీ కృష్ణా, వినాయక స్వామి గా బాబా దర్శనం–Audio
• భక్తురాలి అనారోగ్యానికి బాబా కలలో కనిపించి చేసిన వైద్యం
• బాబా అడిగి చెల్లించుకున్న దక్షిణ వైనం!!–Audio
• బాబా వారి సేవ చేసిన భక్తురాలి కుమార్తెకు సాయినాథుని దయతో బ్యాంకు జాబ్ వచ్చుట.