ఫోటో రూపంలో బాబా ఆగమనం – నాలో మార్పుకి ఆరంభం

భక్తుడు: బాలకృష్ణ

నాపేరు బాలకృష్ణ. సాయి బంధువులందరికి నమస్కారం.

మా తల్లితండ్రులు చాలా దైవభక్తులు. వారికి నేను ఒక్కడినే కొడుకుని అవడం వల్ల చాలా గారాబంగా చూసేవారు.

వాళ్ళకి నన్ను బాగా చదివించి మంచి ఉద్యోగం చేస్తుంటే చూడాలని ఆశ ఉండేది. కానీ, నేను ఎక్కువగా చదివేవాడిని కాదు.

ఎప్పుడు చుట్టూ ఉన్న పిల్లలను వెంటేసుకుని ఆడుతూ పాడుతూ, మా ఇంట్లో ఉన్నవి అన్ని తీసుకెళ్లి ఆ పిల్లలకు ఇస్తూ ఉండేవాడిని. మా వాళ్ళు నన్ను ఏమి అనేవాళ్ళు కాదు.

అలా చదువు లేకుండా, ఉద్యోగం లేకుండా కాలం గడుస్తున్న రోజులలో, ఒకరోజు ఎవరో సాయిబాబా ఫోటో ఇస్తే తీసుకొచ్చి ఇంట్లో పెట్టాను.

మా అమ్మ దైవ భక్తురాలు. తను  రోజు దేవుడిని నా కొడుక్కి  మంచి జీవితం ఇవ్వాలని కోరుకునేది.

అలా ఆ బాబా ఫోటో మా ఇంటికి వచ్చినప్పటి నుండి నాలో ఏదో మార్పు మొదలైంది. వెంటనే ఏదైనా ఉద్యోగం చేద్దామని హైదరాబాద్ కి వచ్చేసాను.

మాకు తెలిసిన వాళ్ళ సహాయంతో ఒక న్యూస్ ఛానల్ లో కెమెరామెన్ గా అవకాశం వచ్చింది.ఇప్పుడు కూడా అందులోనే చేస్తున్నాను.

ఇక్కడ అద్భుతం ఏమిటంటే కెమెరామెన్ పోస్ట్ రావాలంటే ఏవో కొన్ని కోర్సులు చేయాలి. ఏవో ఎగ్జామ్స్ ఉంటాయి. అవన్నీ పాస్ అయితే అప్పుడు ఇస్తారు.

కానీ ఎలాంటి చదువు లేని నేను ఎలాంటి అడ్డంకులు లేకుండా డైరెక్ట్ గా జాయిన్ అవగలిగాను.

అదంతా బాబా అనుగ్రహం వల్లనే సాధ్యంఅయింది. ఇంకా నా జీవితంలో ఏది జరిగిన అది మంచి కానీ, చెడు కానీ అది బాబా ఇచ్చింది.

              ~~~~సర్వం సాయినాధార్పణమస్తు~~~~

                   ***సాయిసూక్తి:

 

“నీ తెలివి తేటలని పక్కన పెట్టి నా నామాన్ని స్మరించు. అనుకున్నది సాదిస్తావు”.

Latest Miracles:

• బాబా ఆశీర్వాదంతో మంచి ఉద్యోగం లభించింది
• షిరిడీ వచ్చి వెళ్తే తప్పకుండ ఉద్యోగం దొరుకుతుంది
• ఊధీ మహిమ – ఊపిరితిత్తుల వ్యాది మటుమాయం–Audio
• సద్గురు కృప.
• కలకత్తాకి పోస్టింగ్ వచ్చేలా చేసిన బాబా