బాబా మహిమతో దొరికిన ముక్కుపుడక

భక్తురాలు: లక్ష్మీ జనార్దన్ 

నివాసం: హైదరాబాద్

నా పేరు లక్ష్మి, మా వారి పేరు జనార్దన్. నాకు జరిగిన ఒక అనుభవాన్ని మీకు తెలియజేస్తాను.

ఒకరోజు మా చిన్న అమ్మాయి శ్వేత తన జీతంతో ఒక డైమండ్ ముక్కు పుడక కొని మదర్స్ డేకి గిఫ్ట్ గా నాకు ఇచ్చి, ఇది ఎప్పుడు పెట్టుకునే ఉండాలి, ఎప్పుడు తీయొద్దు అని చెప్పింది.

నేను పెట్టుకున్నాను కానీ, సరిగా సెట్చేసుకోలేదు. ఆరోజే బాత్ రూమ్ లో స్నానం  చేసేటప్పుడు అది పోయింది.

నేనుతరువాత ఎప్పటికో చూసుకునే సరికి ముక్కుపుడకలేదు. బాత్ రూమ్ లో చూసాను కనపడలేదు. మొత్తం ఇల్లంతా అడుగడుగునా చూసాను. కానీ ఎక్కడా కనిపించలేదు. నాకు చాలా బాధేసింది.

పాపం అమ్మాయి స్వంతంగా సంపాదించుకున్న డబ్బులతో తాను ఏమికొనుక్కోకుండా, మదర్స్ డేకి నాకు గిఫ్ట్ గా ఇచ్చింది.

ఇచ్చిన రోజే ఇలా పోయిందే అని నాకు బాధనిపించింది. ఆఫీస్ నుండి వచ్చాక మా ఆయనకి చెపితే బాబాని, గురువు గారిని అడుగు వాళ్ళు ఇవ్వాలనుకుంటే ఇస్తారు.

ఇవ్వకపోయినా, మనదికాదేమోలే అనుకో అని చెప్పారు. నేను బాబాని బాబా ఇలా అయిందేంటి బాబా. పాపం శ్వేత బాధపడుతుందేమో.

సరే ఆ ముక్కు పుడక నాకు మంచిదైతే, ఇవ్వాలనుకుంటే ఇవ్వు, దానివల్ల నాకు మంచిది కాదు అనుకుంటే వద్దు అనిచెప్పుకున్నాను.

ఎందుకంటే డైమండ్ అనేది అందరికి పడదు అంటారు. కానీ, ప్రేమతో బిడ్డ ఇచ్చింది కదా!అని పెట్టుకున్నాను.

ఒకవేళ దొరికితే ఇంట్లో బాబా నామం పెట్టుకుంటాను అని మొక్కుకున్నాను. అప్పటిదాకా అంతకు ముందు రోజు ఎంత వెతికినా కనపడని ముక్కు పుడక నేను అలా మొక్కుకున్న కొంత సేపటికే, శ్వేత బాత్ రూమ్ లో చూస్తాను అని వెళ్ళి చూసేసరికి అక్కడే వాటర్ అన్ని పోయే దగ్గర పక్కకు కనిపించింది.

అప్పటిదాకా నేను అక్కడ ఎంత వెతికినా అది కనిపించలేదు. అప్పటి వరకు ఇంట్లో ఉన్న వాళ్ళం అందరం స్నానం చేసాము. ఆ వాటర్లో పడి ఆ చిన్న ముక్కు పుడక కొట్టుకుపోకుండా అలా ఎలా ఉందో! అర్ధం కాలేదు.

బాబానే అలా నేను అడగగానే ఆ ప్లేస్ లో ముక్కు పుడకను మళ్ళీ పెట్టారు అనుకున్నాను.

      ~~~~సర్వం సాయినాధార్పణమస్తు~~~~

                                                    

   *** సాయిసూక్తి:

 “ఇంకా నన్ను నమ్మవా”?

Latest Miracles:

• బాబా మహిమతో దొరికిన ముక్కుపుడక-Audio
• సాయి అనుగ్రహం: కొబ్బరికాయ లో దొరికిన ముక్కుపుడక–Audio
• బాబా ఊదీ మహిమతో ఇంట్లో ఉన్న దృష్ట శక్తులు మాయమగుట.
• ఊధీ మహిమతో భక్తురాలి అనారోగ్యాన్ని తగ్గించి ‘గౌరి గణపతి’ పూజ నిర్విఘ్నంగా జరిపించిన బాబా వారు
• పోయిన సొమ్ము బాబా అనుగ్రహంతో 72 గంటలలో దొరికిన లీల