పాద దర్శనం – పాప హరణం

భక్తుడు: సురేష్ గౌడ్

నివాసం: హైదరాబాద్

జయదేవ జయదేవ దత్తావదూత – ఓ సాయి అవదూత!

జోడుని కర తవచరని ఠెవితో మాధా – జయదేవ జయదేవ!!

“శ్రీ సాయీశ! కృపాసాగరా! జనులందరి కోర్కెలు తీర్చేవాడ! శరత్ కాలంలో చంద్రుని వంటి ప్రకాశం గల ఓ సాయినాథ నీకు నా సాష్టాంగ  నమస్కారం. నా మనసులోని కోరికను తీర్చే సాయినాధ నీకు నా సాష్టాంగ నమస్కారం. నా మనసులోని కోరికలు తీర్చే సాయినాథ నీకు ఏమిచ్చి ఋణం తీర్చుకోను”.

నా పేరు సురేష్ గౌడ్. శిరిడిలో జరిగిన ఒక అనుభవం మీకు వివరిస్తాను. ఆరతి జరుగుతుంది. అందరూ లైన్ లో  నిలబడి ఉన్నారు.

సూర్యుడి కన్నా ప్రకాశవంతమైన ముఖారవిందంతో – విగ్రహ రూపంలోన నిగ్రహంగా కూర్చున్న ఆ దత్త సాయిని చూడడానికి ఈ రెండు కళ్ళు సరిపోవడం లేదు.

కానీ నా మనసులో ఒకే కోరిక బాబా నీ పాదాలపై పడి మొక్కాలని ఉంది అని. కానీ అది సాధ్యమా! అలా శిరిడి బాబా ముఖారవిందంను  తీక్షణంగా చుస్తూ మనసులో ధ్యానిస్తూ బయటకు వచ్చాను.

గురుస్థానం దగ్గర ఒక బాబా గారి విగ్రహ మూర్తిని  తీసుకొచ్చారు. దానికి శిరిడిలోని పంతులు గార్లు వచ్చి  పూజ చేస్తున్నారు.

ఆ మూర్తిని శిరిడిలో పూజ చేయించి వాళ్ళ గ్రామంకి తీసుకుని పోతారట. నేను సమాధి మందిరం నుండీ బయటకు రాగానే అక్కడి శిరిడి పంతులుగారు నన్ను “బాబా పాద నమస్కారం” చేస్కోండి అన్నారు.

యెంత సంతోషం కలిగిందంటే మాటల్లో చెప్పలేను. నిజంగా బాబా లీల కదూ! సమాధి మందిరంలోన కోరుకుంటే గురుస్థానంకి వచ్చే సరికి నా కోరిక తీర్చేసారు బాబా.

అందరి కోరికలు తీర్చే కల్పతరువు మనకు ఉండగా! అంతా పండగే కదా అందరికి.

~~~~సర్వం సాయినాధార్పణమస్తు~~~~

*** సాయి సూక్తి:

   “నీ దృష్టి నాపై నిలుపు నా దృష్టి నీపై నిలిచే వుందని నీకు తెలుస్తుంది”

Latest Miracles:

• సెక్యూరిటీ గార్డుకి అభయ హస్తంతో నిజ దర్శనం
• సాయి స్మరణ – అనారోగ్య హరణం
• సంకట హరణం – సాయి నామ స్మరణం
• శ్రీ సాయి దత్తావతారం మూడవ బాగం – శ్రీ పాద శ్రీ వల్లభుడు, సాయి ఒక్కరే
• బాబా మరల కృష్ణ ప్రియ కు దర్శనం ఇచ్చి నీకు త్వరలో మారకం వుంది, నేను రక్షిస్తాను