బాబా మరల కృష్ణ ప్రియ కు దర్శనం ఇచ్చి నీకు త్వరలో మారకం వుంది, నేను రక్షిస్తాను

కృష్ణ ప్రియకు రెండవ సారి గర్భం దాల్చినది. సాయిబాబా కనపడి నీకు డిసెంబరు 26 న ఒక మగపిల్లవాడు కలుగును అని చెప్పిరి.

ఆమెది అతి చిన్న వయసు ఒక కొడుకు మృతి చెందినాడు, మనసులో ఆ బాధ అలాగే వుంది.

బాబా సంసారంలో పడకు అంటారు, మళ్ళీ పిల్లలు పుడతారని ఆయనే చెప్తారు.

కృష్ణ ప్రియ మానసిక పరిస్థితి చిత్రవిచిత్రంగా వుంది. ఆరోగ్యం అసలు బాగాలేదు, అందుకని 5 వ నెలనే తల్లిదండ్రుల దగ్గరికి వెళ్ళింది.

బాబా చెప్పినట్లుగా డిసెంబర్ 26 1942 న కృష్ణ ప్రియకు ఒక అబ్బాయి పుట్టాడు, చూడముచ్చటగా ముద్దులొలుకుచు వున్నాడు. తెలియకుండానే అమ్మ ప్రేమ మరి లాగుతుంది బిడ్డవైపు, ఒక వైపు బాబా సంసారంలో పడకు పడకు అని హెచ్చరిస్తూనే వున్నాడు.

తన మనసు మాత్రం కొడుకు పైన ప్రేమ ఒక వైపు, బాబా కు ఇచ్చిన మాట ఒక వైపు 18 ఏండ్ల వయసులో ఏది మంచి, ఏది కాదు ఎలా నిర్ణయించు కుంటుంది? బాబా ఎవరికి ఏమి చెప్పకు అని హెచ్చరిస్తూనే వున్నారు.

ఆమెకు గురుసందర్శనా భాగ్యం అని సంతోష పడాలో, నిర్మోహిగా వుండాలో అర్ధం అయ్యేది కాదు(ఒక్కసారి ఆలోచించండి, మీరు ఆ స్థానంలో వుండివుంటే) .

అప్పుడు ఒక మహాపురుషుడు, గురుసమానులు రామమూర్తి గారు వాళ్ళ ఇంటికి వచ్చారు. కృష్ణ ప్రియ పడే అగచాట్లు చూశారు.ఆమెకు గాయత్రి మంత్రం ఉపదేశించారు. కృష్ణ ప్రియ ఆ మంత్రం జపించేటప్పుడు గాయత్రి దేవి దర్శనం అయ్యేది. పిల్లవానికి రాధాకృష్ణ అని పేరు పెట్టారు.

3 నెలల బాబును తీసుకొని భర్త దగ్గరికి నాగపూర్ వెళ్ళి పోయింది. అక్కడికి వెళ్ళిన వెంటనే భర్తకు లాహోర్ transfer అయింది. చంటి పిల్లాడిని తీసుకొని భర్తతో పాటు లాహోర్ వెళ్ళింది .

అక్కడ మళ్ళీ బాబా దర్శనం ఇచ్చి నీకు త్వరలో మారకం వుంది, నేను రక్షిస్తాను, ఈ సంసారం అ శాశ్వతం, దీని యందు మమత పెంచుకో వద్దు.

నేను నీకు దర్శనం ఇస్తానని ఎవ్వరికి చెప్పకు, సమయం వచ్చినప్పుడు నేనే చెపుతాను, ఇలా ఎప్పుడు ఆమెను హెచ్చరిస్తు వుండేవాడు.

గురువు కాదు ఆయన సమర్థ సద్గురువు. తన బిడ్డను ఎలా కాపాడాలో ఆయనకు కాక ఎవ్వరికి తెలుస్తుంది? కొన్ని బాబా చేసే పనులు ఎవ్వరి తర్కానికి అందవు, చాలా నిగూఢంగా వుంటాయి.

మనం ఎందుకు ప్రయత్నించడం, వేచి చూద్దాం … ఏమి జరుగుతుందో …

సర్వం సాయినాధార్పణమస్తు

ఈ బాబా వారి లీలను వ్రాసిన వారు : మాధవి, భువనేశ్వర్

                                                                                                                                                                                                                                                                                                                                                                                                                                                                                                        …..సశేషం…..

Latest Miracles:

• మాతాజీ కృష్ణ ప్రియ జననం
• నాకు తెలిసిన మాతాజీ కృష్ణ ప్రియ జీవిత గాధ(సాయి మయం)
• ఆ గురుదేవులు(సాయినాథుడు) అందరికి పరీక్ష పెడతాడు. కృష్ణ ప్రియ లాంటి వాళ్ళు పరీక్షలో నెగ్గుతారు.
• కృష్ణ ప్రియకు గోపాలుని దివ్య దర్శనము
• వినాయక చవితి రోజున కృష్ణ ప్రియకు ప్రత్యక్ష దర్శనం ఇచ్చిన సాయినాథుడు