వినాయక చవితి రోజున కృష్ణ ప్రియకు ప్రత్యక్ష దర్శనం ఇచ్చిన సాయినాథుడు

కృష్ణ ప్రియ 9వ తరగతి వరకు చదివి తరువాత చదువు మానేసింది.ఆ కాలంలో అమ్మాయిలను అంతగా చదివించే వాళ్ళుకాదు. అమ్మాయి పెద్ద మనిషి కాక ముందే పెండ్లి చేసేవాళ్ళు.

మన కృష్ణ ప్రియకు కూడా అలాగే ఆమె 13 వ ఏట విజయనగర వాస్తవ్యులైన శేషగిరిరావు(తంతి తపాలా శాఖలో పనిచేసేవారు) గారికి ఇచ్చి వివాహం రంగ రంగ వైభవంగా జరిపించిరి.  పాపం కృష్ణ ప్రియకు పెండ్లి అంటె అసలు తెలీదు, ఇష్టం కూడా లేదు.

ఎప్పుడు శ్రీ గురుదేవులు సాయినాథులు, ఇష్టదైవం కృష్ణ పరమాత్మ ఇదే ద్యాస. అత్తవారి ఇల్లు ఉమ్మడి కుటుంబం. అంత వున్న వాళ్ళు కూడా కాదు. ఇంకా కృష్ణ ప్రియ పెద్దమనిషి కానందున తల్లిదండ్రుల దగ్గరే వుండెడిది.

కృష్ణ ప్రియకు చెల్లెల్లు, తమ్ముడ్లు వున్నారు. ఇంట్లో పెద్ద పిల్ల కావున అన్నీ తనే చూసుకునేది.

ఒక రోజు వినాయక చవితి పండగ. అమ్మకు ఆరోగ్యం బాగాలేదు. అది 1937 వ సంవత్సరం, కృష్ణ ప్రియనే పూజకు అన్నీ తయారు చేసింది. అన్నీ పిండి వంటలు చేసింది. ఇల్లు బాగా శుభ్రం చేసి పూజ చేయాలని తయారు అయింది.

ఇంతలో వాకిట్లో ఆజాను బాహుడు, కాషాయ వస్త్రాలు ధరించి, యోగ యోగీశ్వరుడైన ఒక సన్యాసి ఇంటిముందు భిక్షకై వచ్చెను.

కృష్ణ ప్రియ తల్లి ఎవరో అనుకోని ఏమి లేదు, ఇంకా పూజ కాలేదు, వేళ్ళు అని అతన్ని వేళ్ళమనింది. వచ్చింది సామాన్య  భిక్షువు కాదు వెళ్ళడానికి తన ప్రియమైన బిడ్డకై వచ్చిన ఆ పరమపిత పరబ్రహ్మ, పరమాత్మ సాయినాధుడు.

ఇంతలో కృష్ణ పరుగున బయటికి వచ్చింది.ఆశ్చర్య చకితురాలై అలా వుండిపోయింది. కళ్ళంబట నీళ్ళు.. కాళ్ళమీద పడిపోయింది. గురుదేవా! ఆ రోజు వెళ్ళిపోయి, మళ్ళీ ఇన్నిరోజులకు వచ్చావా! ఒక్కసారి అయినా నీ బిడ్డ గుర్తురాలేదా! అని మనసులో అనుకుంది.

అందరి అంతరంగాలు తెలిసిన అంతరాత్మ ఆయన. నవ్వినాడు తన చిన్న పాపను చూసి(ఆ దృశ్యన్ని ఒకసారి వూహించుకోండి, మన కళ్ళమ్మట నీళ్ళు రాక మానవు) తన వ్యధలన్ని చెప్పుకుంది మనసులోనే. ఆయన విన్నాడు మనసులోనే, నేను వున్నాను, భయపడకు, బంధాలలో ఇరుక్కున్నావు.నేను సమయానికి నీకు సలహాలు ఇస్తూవుంటాను, అని ఆశీర్వదించాడు.

ఇంతలో కృష్ణ తండ్రి, ఆ మహాత్ముడిని చూసి, పాదాభివందనం చేసి, భోజనానికి పిలిచి, వడ్డించి మరీ తినిపించాడు. వినాయక చవితికి సాయి వినాయకుడు వచ్చి స్వయంగా ఆరగించాడు.

కృష్ణ ప్రియ తల్లి! మీది ఏ కులం? అని అడిగింది. ఆ సన్యాసి రూపంలో వున్న సాయినాధుడిని. దానికి అయన “అమ్మ …సన్యాసిని కులం అడగరాదు, అయినా నేను పదహారణాల స్వచ్ఛమైన ద్రవిడ బ్రాహ్మణున్ని” అన్నారు.

ఆ అమాయకురాలు ఇంకా ఈ సాయినాథుడు తన బిడ్డను ఎంత సంరక్షించునున్నాడో తెలియదు పాపం.

ఆనాడు సాయినాథుడు కూర్చున్న బల్ల పీట తరువాత, తరువాత రోజులకు సాయినాథుడి పూజ పీఠం అయింది. దాని(పీఠం) మీద ఆ సాయినాథుడి పాద ముద్రలు (నేను చూశాను) కూడా వున్నాయి. .

భోజనం అయిన తరువాత కృష్ణను ఆశీర్వదించి, నేను నీ వెంట సూక్ష్మరూపంలో వున్నాను. ఏ కష్టం రాకుండా నేను చూస్తాను, అని చెప్పి , గురు మంత్రం నిరంతరం జపం చేయమని చెప్పి వెళ్ళిపోయెను.

కృష్ణ ప్రియ సంసార జీవితం, ఎలా భయంకరమైన చదరంగంగా మారిందో, రేపు భాగంలో

సర్వం సాయినాధార్పణమస్తు

ఈ బాబా వారి లీలను వ్రాసిన వారు : మాధవి, భువనేశ్వర్

                                                                                                                                                                                                                                                                                                                    …..సశేషం…..

Latest Miracles:

• ఆ గురుదేవులు(సాయినాథుడు) అందరికి పరీక్ష పెడతాడు. కృష్ణ ప్రియ లాంటి వాళ్ళు పరీక్షలో నెగ్గుతారు.
• బాబా మరల కృష్ణ ప్రియ కు దర్శనం ఇచ్చి నీకు త్వరలో మారకం వుంది, నేను రక్షిస్తాను
• కృష్ణ ప్రియకు గోపాలుని దివ్య దర్శనము
• ఎనిమిదేళ్ల పసి ప్రాయంలో కృష్ణ ప్రియకు గురోపదేశం ఇచ్చిన శ్రీ సాయినాధుడు
• మాతాజీ కృష్ణ ప్రియ జననం