నాకు తెలిసిన మాతాజీ కృష్ణ ప్రియ జీవిత గాధ(సాయి మయం)

మాతాజీ కృష్ణ ప్రియ జీవితం అంతా సాయిమయం. ఆమెకు 9 సంవత్సరాల వయస్సులో బయట ఆడుకుంటూ వుంటే బాబా ఆమెకు దర్శనం ఇచ్చారు.

నేను నీకు గత ఎన్నో జన్మల గురువును అని చెప్పారు. ఆ పసి మనసుకు ఏమి అర్థంకాక అమ్మ దగ్గరికి పరుగులు పెట్టింది భయంతో అమ్మ, “ఆ సన్యాసి ఏదో ఇలా అన్నారు” అని చెప్పింది.

అమ్మ చిన్న పిల్లలే, ఏదో అంటూవుంది అని వూరికే వుండిపోయింది. ఆ కాలంలో చిన్న పిల్లలకే పెళ్ళి చేసేవాళ్ళు. ఈమెకు కూడా 10 వ ఏటనే పెళ్ళి,  మళ్ళీ బాబా కనపడి నీకు పెళ్ళి చేస్తారు, అయినా నేను నీ తోనే వున్నాను. “ఓం శ్రీ సాయినాథాయ నమః” మంత్రం జపం చేసుకో అని చెప్పారు. ఆమె అలాగే చేసింది.

పెళ్ళి అయింది,  అత్తవారింటికి వెళ్ళింది. చాలా కష్టాలు, అంటే వర్ణింప నలవి కాని కష్టాలు పడింది. ఆ కాలంలో చిన్నపిల్లలను, పెద్ద ఆయనకు ఇచ్చి పెళ్ళి చేసేవారు. ఆమె భర్త ఆమె కన్నావయసులో చాలా పెద్దవారు.

తంతి తపాలా శాఖలో ఉద్యోగం. దైవ భక్తి అసలు లేదు. ఈమె మూర్తిభవించిన దైవభక్తురాలు అది ఆయనకు నచ్చదు. ఇంకేముంది సంసారం ఒక చదరంగం అయింది ఆమె పరిస్థితి.

అప్పుడు మళ్ళీ సాయినాధుడు కనపడినాడు. అప్పటికి ఆమెకు జ్ఞానం కొంచెం వచ్చింది.సంసారం అంటే ఏంటో తెలిసింది.సాయినాధుడు నేను నీతోనే వుంటాను. నిదానంగానే కష్టములన్నీ గట్టెక్కిస్తాను చింతింపకు అన్నారు.

ఆమె తెల్లవారి 3 గంటలకు లేచి నామ జపం చేసేది. ఒక రోజు ఆమె జపం చేస్తూ వుంది సమాధి స్థితిలోకి వెళ్ళిపోయింది. భర్త కు office time 8 గంటలకు అయింది. ఈవిడ ఎంతకు రాదు. ఆయనకు సహనం పోయింది.

ఇంతలో బాబానే ఆమెరూపంలో వచ్చాడు.(ఒక్కసారి ఆలోచించండి, దైవం మానుషరూపేణ అంటె ఇదే, మనతో ఆడతాడు,పాడతాడు, మనలో ఒకనిగా వుంటాడు, కాని పై నుంచి దిగివచ్చిన అవతారం అది), ఆయనకు తాంబూలం అలవాటే. ఆయనకు తాంబూలం డబ్బా కట్టించాడు, shoes clean చెయ్యవే తొందరగా అని అరుపు ఆ భర్తగారు. మన మారు వేషములో వున్న ఆ పరాత్పరుడు shoes కూడా clean చేసి ఇచ్చాడు.

భగవంతుడు భక్తురాలి కోసం ఏమైన, చేస్తాడు.(నేను ఇవన్నీ చదివినప్పుడు నా కళ్ళలో నీళ్ళు ఆగలేదు. చతుర్భవ భువనాలకు ఏకైక చక్రవర్తి, ఒకే ఒక్క వూపిరి, ఈ 14 భువనాలను నిలిపి వుంచింది, అయన ఉచ్చ్వాస , నిశ్వాసలు ఒక్క క్షణం గతి తప్పిన, అల్ల కల్లోలం జరుగుతుంది. ఆలాంటి పరాత్పరుడు సాయినాథుడు భక్తురాలి  కోసం పడిన వేదన) ఆయన office వెళ్ళిపోయినాడు.

ఈమె సమాధిస్థితి నుంచి బయటికి వచ్చి చూస్తే, తన భర్త office కు వెళ్ళిపోయినాడు. హతవిధి: ఇంక ఈరోజు నా పని అంతె అనుకుంది. ఇంటికి వస్తె ఎంత పెద్ద గొడవ అవుతుందో, నేను ఆయన వెళ్ళేటప్పుడు తాంబూలం ఇవ్వలేదు,  ఆయనతో లేను, బాబా . ఏమి చేస్తావో అనుకుంది.

సాయంత్రం రానే వచ్చింది మహాప్రళయం ఇంకో విధంగా అయితే. అయన ఇంటికి వచ్చి ఈ రోజు తాంబూలం చాలా బాగా చేశావు. చాలా రుచిగా వుంది(ఎందుకుండదు, భగవంతుడు కదా తయారు చేసింది) రోజు ఎందుకు అలా ఎందుకు చేయవు? అని గోల.

ఈవిడాకు అర్థంకాలేదు. ఈ రోజు నేను మీకు ఇవ్వలేదండి  అనింది ఆయన వినడు లే అనుకోని గమ్మున అయిపోయింది. తరువాత రోజు మళ్ళీ అలాగే ఆమె 3 గంటలకు లేచి పూజలో వుంది. పొరపాటున నిన్నలా సమాధి స్థితికి వెళ్ళిపోతానేమో,  అనుకుంది.

ఇంతలో మళ్ళీ బాబా ఆమె వేషంలో వచ్చి ఆయనకు TEA చేసి ఇచ్చారు. చాలా బాగా చేశావు TEA రోజు ఇలా చెయ్యవచ్చుగా అని మళ్ళీ మొదలు పెట్టాడు, వెంటనే పైకి చూశాడు. అక్కడ ఆమె నిలబడివుంది. పక్కకు చూశాడు, పక్కన వుంది. ఇదేంటి, రెండు చోట్ల వుంది అనుకున్నాడు.

ఇంతలో పక్కనే వున్న బాబా మాయం. ఆమె పై నుంచి క్రిందికి పరుగున వచ్చింది. అరే, TEA ఎవరు పెట్టిచ్చారు! అని అడిగింది.నువ్వే కదవే, ఇచ్చావు, అన్నాడు. అలా ఆమె భర్తను మార్చడానికి బాబా ఆమెలాగే కనపడేవాడు.

ఇలా ఆమె జీవితం మొత్తం బాబా మయం. ఇంతకీ అసలు విషయం చెప్పనా, ఆమె కృష్ణ భక్తురాలు. కృష్ణ సందర్శనాభిలాషి. ఆమెకు బాబా గురువు మాత్రమె. గురువు ప్రసన్నుడు అయితే ఇష్టదైవ దర్శనం అవుతుంది.

ఇంకా చాలా వుంది మాతాజీ కృష్ణ ప్రియ కధ. ఇది ఒక చిన్న నీటి బిందువు మాత్రమే.

సర్వం సాయినాథార్పణమస్తు

 మాధవి, భువనేశ్వర్

Latest Miracles:

• మాతాజీ కృష్ణ ప్రియ జననం
• బాబా మరల కృష్ణ ప్రియ కు దర్శనం ఇచ్చి నీకు త్వరలో మారకం వుంది, నేను రక్షిస్తాను
• నా మీద బాబా కు చాలా కృప ఉంది, నా పిల్లలు కూడా నాకు ఇంత సంతోషం ఎప్పుడూ ఇవ్వలేదు.
• ఆ గురుదేవులు(సాయినాథుడు) అందరికి పరీక్ష పెడతాడు. కృష్ణ ప్రియ లాంటి వాళ్ళు పరీక్షలో నెగ్గుతారు.
• మాతాజీ కృష్ణ ప్రియా ను బాబా తాను పాదాలు చెంతకు చేర్చుకొనుట.