సాయి స్మరణ – అనారోగ్య హరణం

భక్తురాలు: సుజాత

నివాసం: వలిగొండ

సాయిబాబా …సాయిబాబా…సాయిబాబా… సాయిబాబా… సాయిబాబా

సాయి బంధువులకి నమస్కారం. నా పేరు సుజాత వలిగొండ. బాబా గారు చేసిన ఒక చిన్న లీలను మీతో చెప్పాలనుకుంటున్నాను.

నా వయస్సు 52  సంవత్సరాలు. నాకు షుగర్ వ్యాది ఉంది. నా పిల్లలందరికీ  వివాహం అయింది బాబా దయ వల్ల సంతోషంగా ఉన్నారు.

ఒకరోజు రాత్రి రెండు గంటల అప్పుడు నాకు మెలుకువ వచ్చింది. ఒళ్ళంతా నొప్పులు, మంటలు అసలు తట్టుకునే స్థితిలో కూడా నేను లేను.

నా భర్త మంచి నిద్రలో ఉన్నారు. నాకు ఏం చేయాలో అర్ధంకావడం లేదు. నా రెండో కూతురు మంచి సాయి భక్తురాలు. ఎప్పుడు బాబా నామస్మరణ చేస్తూ ఉంటుంది.

ఎప్పుడు నాతో చెబుతుంది అమ్మ నీకు బాధ కలిగినా, సంతోషం కలిగినా బాబాని స్మరించు. బాబా నీకు సహాయం చేస్తారు.

బాబాకు రోజు మా అమ్మ, నాన్నలకు ఎలాంటి కష్టం కలగకుండా చూడు బాబా అని చెబుతా అని అన్న మాటలు ఆ రాత్రి రెండు గంటలకు గుర్తుకు వచ్చాయి.

అప్పుడు బాబాకు చెప్పాను. నా కూతురు చెప్పిందని నీ నామస్మరణ చేస్తున్నా నన్ను రక్షించు అని. “ఓం సాయి శ్రీ సాయి జయ జయ సాయి” అనే మంత్రంని జపిస్తూనే ఉన్నాను.

నాకు తెలిసి ఒక పది నిముషాలు శ్రద్దగా స్మరించి ఉంటా. అంతలోనే మత్తుగా నిద్ర పట్టింది.

తెల్లవారాక అర్ధం అయింది. నా బాధ అంతా బాబా స్మరణలో పోయిందని, బాబా నన్ను ఆ రాత్రి రక్షించారని. నాకు తోడుగా ఉండి నాకు ఉన్న అనారోగ్యం దూరం చేసారని.

ఆ రాత్రి బాబా నాతోనే ఉన్నారని నా నమ్మకం.

 

    ~~~~సర్వం సాయినాధార్పణమస్తు~~~~

 

***సాయిసూక్తి:

 

 “నీలోని ప్రతి  చర్యకు నా ప్రతి చర్య అనుభవమవుతుంది”.

Latest Miracles:

• సాయి సాయి.. స్మరణ తోనే పునర్జన్మ..
• సంకట హరణం – సాయి నామ స్మరణం
• బాబా స్మరణ మాత్రం చేతనే భయానకమైన Train Accident నుంచి రక్షించబడిన సాయి భక్తులు–Audio
• నామ స్మరణ…..సాయి@366 మార్చి 31….Audio
• బాబా గారు నా  అనారోగ్య సమస్యని స్వయంగా బాగుచేసిన లీల