పూల దండ మీరైనా ఇవ్వొచ్చుగా బాబా

భక్తురాలు: మాలతి

నివాసం: హైదరాబాద్

ఓం సాయి నమో నమః-  శ్రీ సాయి నమో నమః జయ జయ సాయి నమో నమః – సద్గురు సాయి నమో నమః

ఓ సద్గురు నాథ మీకు ప్రణామాలు. సాయి బంధువులందరికి సాయిరామ్. నా పేరు మాలతి. దిల్ సుఖ్ నగర్ నివాసిని. బాబా భక్తురాలిని అని చెప్పుకోవడం చాలా సంతోషం కలిగిస్తుంది. ఒక చిన్న బాబా లీలను మీతో పంచుకోవాలనుకుంటున్నాను.

అవి దసరా నవరాత్రులు. బాబా దర్శనం చేసుకుని పక్కనే ఉన్న దుర్గా దేవి గుడికి వెళ్ళా. అమ్మవారి శేష వస్త్రాలు దండలు తొమ్మిది మంది ముత్తైదువులకు పంచిపెడుతున్నారు. అయితే నాకు కూడా అమ్మవారి దండ కావాలని మనసులో అనిపించింది.

కానీ నా వరకు వచ్చేసరికి నా సంఖ్య పది అయింది. విచారంగా అక్కడి నుండి లేచి మళ్ళీ బాబా గుడికి వచ్చి కూర్చున్నాను.

నా స్నేహితురాలు వచ్చి రా మనం బాబాకి అర్చన చేయిద్దాం అని  తీసుకు వెళ్ళింది.

బాబాను తదేకంగా చూస్తూ ఒక పూలదండ  నీవైనా ఇవ్వచ్చుగా బాబా! అని బాబాని అడిగాను.

బాబా గారు పిలిస్తే పలికే దైవం కదా! నేను పిలిస్తే పలికి నా కోరికను తీర్చారు. అర్చన తర్వాత అక్షింతలు వేసి అయ్యగారు నాకు బాబా మెడలో నుండి దండను తీసి ఇచ్చారు.

నాకేనా? అని అడిగా.. బాబా ఇస్తుంటే  ఆలోచిస్తున్నారా? బాబా నీకు ఇవ్వమన్నారు అని అన్నారు అయ్యగారు.

నా కళ్ళ వెంబడి ఆనందభాష్పాలు వచ్చాయి. కొద్దిసేపటి వరకు నా పరిస్థితి ఏమిటో నాకు అర్ధం కాలేదు. నా ఆనందానికి అవధులు లేవు.

అందుకే మనకు ఏమి కావాలన్నా ఇవ్వడానికి బాబా ఉన్నారుగా! అన్న ధైర్యం నాకు కలిగింది.

అది చిన్న కోరికనే అయి ఉండవచ్చు కానీ ఆ పరిస్థితులలో నాకు అదే ఎక్కువ. ఎందుకంటె నా మనసు అప్పుడు బాబా దండను కోరుకుంది.

ప్రతిసారి బాబా నా కోరికను తీరుస్తూ, నా మనసు తేలుసుకోని తిరుగుతున్న కలియుగ ప్రత్యక్ష దైవం మన సాయిబాబా.

   ~~~~సర్వం సాయినాధార్పణమస్తు~~~~

***సాయిసూక్తి:

 

“ఆకలి సమయంలో ఎవరైనా పెట్టిన ప్రసాదాన్ని వద్దనవద్దు అది కూడా నా ప్రసాదంగానే భావించి తీసుకోవాలి”.

Latest Miracles:

• బాబుకు ఆరోగ్యం … బాబా నిదర్శనo
• బాబా నాకు బహుమతిగా ప్రసాదించిన దండ
• బాబా గుడిలో బాబాకి దండ వేయలేకపోయాననే బాధలో ఉన్న నాకు, తమ్ముడి ఇంటిలో అవకాశము ఇచ్చిన బాబా వారు.
• ఊధీ మహిమతో భక్తురాలి అనారోగ్యాన్ని తగ్గించి ‘గౌరి గణపతి’ పూజ నిర్విఘ్నంగా జరిపించిన బాబా వారు
• బాబా చరిత్ర వినుటతో కంటి చూపు పెరుగుట