సాయి సాయి.. స్మరణ తోనే పునర్జన్మ..

శ్రీ సాయినాథాయనమః

నా పేరు సాయి రాజ్ కుమార్.  మాది వరంగల్ జిల్లా.

నేను గత 30 సంవత్సరాలుగా బాబా వారి దివ్య ఆశీస్సులతో ఎన్నో మహిమలు అనుభవాలను చవిచూశాను ..

నేను చిన్నప్పుడే అమ్మ లేని పిల్లవాడిని. నాకు పద్దెనిమిదో ఏట అంటే కరెక్ట్ గా 24 సంవత్సరాల క్రితం షిరిడి సాయినాధుని దివ్య ఆశీస్సులతో, నాకు ఒక అత్తమ్మ గారి సహకారంతో బాబా దివ్య  దర్శనం జరిగింది.

నిలువెత్తు దీవించే సాయిబాబా ఫోటో నేను ప్రప్రధమంగా వారి ఇంట్లో నే చూశాను. ఆ రోజునే అత్తమ్మ చెప్పింది, బిడ్డ నువ్వు బాబాను మొక్కుకో, నీ జీవితం బాగుపడితే, బాబా దేవుడిని ఏలుకుంటావని. మంచిగా ఉంటావని అన్నారు..

నేను భక్తి తో శ్రద్ధ సబూరి తో సాయిబాబా ని నిత్య స్మరణ తో పూజిస్తున్నాను..

నాకు పునర్జన్మను ప్రసాదించిన ఒక గొప్ప అనుభవం

బాబా వారి ఆశీస్సులతో.. 2010వ సంవత్సరం జూన్ మాసం 30వ తేదీన వరంగల్ ఖమ్మం రహదారిలోని మామునూరు ప్రధాన హైవే మీద నాతో పాటుగా మరో ముగ్గురిని ఒక కారు వచ్చి ఢీకొట్టింది.

నేను మరో ఇద్దరం రోడ్డు పక్కన ఎగిరిపడటం తో నేను చనిపోయానని అందరూ అనుకునే లోపల సాయి సాయి..  బాబా సాయిబాబా అనే పిలుపు నేను స్మరణ చేస్తుండగా, నాదగ్గరికి సాయిబాబా వచ్చి నా తల మీద స్పర్శ తో దీవించి నట్టుగా అనిపించింది.

తల కి బాగా దెబ్బలు తగలడం తో  నేను కోమా లోకి పోవడంతో పోలీసులు వచ్చి, 108 లో మా అన్నయ్య రాజు, వాళ్లు హాస్పిటల్ కి తీసుకోని పోయారు.

నేను కోమా నుంచి బయటికి వచ్చేసరికి హాస్పిటల్ లో ఉన్నాను,  అప్పటికి నాకు శరీరం లో ఏమైనా అవయవాలు పోయాయేమో అనే భయం తో కళ్ళు తెరవాలంటే భయం అయ్యింది.

అందరూ వచ్చి నీ సాయిబాబా నిన్ను ప్రాణాలు పోకుండా పెద్ద ప్రమాదం నుంచి కాపాడారు. పునర్జన్మ ప్రసాదించారు సాయిదేవుడు అని చెప్పడం తో నేను.. సాయిరాం సాయిరాం నామస్మరణ తో బాబా మీద నమ్మకం తో ఉన్నట్లే ఏమీ కాలేదు.

ఒక 5 రోజులు హాస్పిటల్ లో ఉండి ఇంటికి వచ్చాను. సాయిబాబా లేకుంటే నేను అసలు బ్రతికే వాడిని కాదు.

సాయిబాబా దయతో మేజర్ ప్రాబ్లెమ్ ఏమీ లేకుండా నేను కోమా లో ఉన్నప్పుడు సాయిబాబా నా దగ్గర కి వచ్చి నా దెబ్బలు మాయం అయ్యే లాగా సాయి దివ్య మైన ఆశీస్సులు స్పర్శ తో దీవించారు.

నన్ను ప్రాణాలు పోకుండా కాపాడి పునర్జన్మ ప్రసాదించిన సాయి కి కృతజ్ఞతలు తెలుపు కోవడానికి అదే నెలలో నేను ఫ్యామిలీ తో కలిసి షిరిడీ కి బాబా దర్శనం కోసం వెళ్ళాము.

అక్కడ ఒక వయసు కలిగిన  పెద్ద మనిషి కలిశారు. సాయిరాం దయ వలన నేను అదృష్టవంతుడు గా పెద్ద ప్రాణాపాయం నుంచి బయట పడ్డావు అని షిరిడీ లో తెల్ల కలర్ డ్రెస్ వేసుకొని ఉన్న తెల్ల గడ్డం తో వచ్చిన బాబా లాంటి గురువుగారు చెప్పారు. నేను అయన తో మాట్లాడిన తర్వాత 2 నిముషాల లో మాయం అయ్యారు..

అంతా బాబా దయ.. సాయినాధుని కరుణా కటాక్ష వీక్షణాలు మాపై కురిపిస్తున్నందుకు సాయిరాం బాబా హృదయ పూర్వక కృతజ్ఞతలు ధన్యవాదములు సాయిరాం.

నాకు సాయి సాయి అంటే ఎనలేని మహిమలు చూపిన సాయి దేవుడు పూర్వ జన్మ సుకృతం అని ఎన్నో జన్మల బంధం అని అనిపించింది. సాయి శరణం..

నీవే కలవు నీవు తప్ప మరెవరూ లేరు ఈ లోకంలో.  నీవే కలవు నీవే తప్ప మరెవరూ లేరు. మాకు  అమ్మానాన్న అన్ని మీరే నాకు.

నా కుటుంబానికి. ఎల్లప్పుడూ మమ్మల్ని ఇలాగే దీవిస్తూ ఉండు సాయినాథ..

మీకు వేలకోట్ల ప్రణామాలు..  సాష్టాంగ నమస్కారాలు తెలియజేసుకుంటున్నాను..

సద్గురు శ్రీ సాయినాథార్పణమస్తు

Latest Miracles:

• సాయి స్మరణ – అనారోగ్య హరణం
• నామ స్మరణ…..సాయి@366 మార్చి 31….Audio
• బాబా స్మరణ మాత్రం చేతనే భయానకమైన Train Accident నుంచి రక్షించబడిన సాయి భక్తులు–Audio
• బాబా దయ వలన పునర్జన్మ
• సాయి లీలలు – పునర్జన్మ, నేత్ర శస్త్ర చికిత్స,,,!!!–Audio