అన్నదాన మహిమ

భక్తురాలు: సాయి వీణ

నివాసం: యూ.ఎస్.ఏ

సాయి బంధువులందరికీ నమస్కారం.

నా పేరు సాయి వీణ. నేను ప్రస్తుతం అమెరికాలో ఉంటున్నాను.  నాకు జరిగిన ఒక లీలను మీతో పంచుకునే అవకాశం ఇచ్చిన బాబాకి పాదాభివందనాలు.

నాది  బి.టెక్ బోజిరెడ్డి  కాలేజీలో కంప్లీట్ అయింది. MS చేయాలని అమెరికా వెళ్ళాను. అది కూడా బాబా గారి దయ వలన.

నాకు మంచి జాబ్ చూపించు బాబా అని ప్రార్ధించాను.నా తల్లితండ్రులు బాబా భక్తులు.

నాకు జాబ్ వచ్చింది చాలా సంతోషంగానే ఉన్నాను. కానీ, కొన్ని అనారోగ్య కారణాల వలన నాకు జాబ్ పోతుందని తెలిసింది.

దేశం కానీ దేశంలో ఉన్నాను. ఏం చేయాలో అర్ధం కాలేదు. మా అమ్మ గారికి ఫోన్ చేసి జరిగిన విషయమంతా చెప్పాను.

మా అమ్మ “అన్ని దానాల్లో కెల్లా అన్నదానం గొప్పది అన్నదానం చేయిస్తా,  నా జాబ్ నాకు ఉండేలా చేయి అని బాబాను ప్రార్ధించు” అని చెప్పింది.

మా అమ్మ 9 సంఖ్యా అంటే ఏంతో అదృష్టంగా భావిస్తుంది. అందుకే బాబాకు “బాబా 9 నెలలు నీకు అన్నదానం కోసం డబ్బులు పంపుతా” అని చెప్పుకున్నాను.

బాబా నామాట, నా తల్లితండ్రుల మాట విన్నారు. నా ఉద్యోగం నాకు తిరిగి వచ్చింది.

ఒక లీలగా నేను నా జీతం నుండి 108 డాలర్లు ఇండియాకి పంపిస్తున్నాను.

108 లో సంఖ్యలు కలిపితే తొమ్మిది అవుతుందిగా (1 +0+8). మా అమ్మ సెంటిమెంట్ తో ప్రతి నెల 108 డాలర్లు పంపుతూ ఉన్నాను.

బాబాభిక్ష వల్లే నాకు ఉద్యోగం దొరికింది. నా చేత అన్నదాన కార్యక్రమం ప్రతి నెల నిర్వహించేలా చేస్తున్నందుకు   బాబాకు  ఋణగ్రస్తురాలిని.

    ~~~~సర్వం సాయినాధార్పణమస్తు~~~~

   ***సాయిసూక్తి:

 

“నన్ను ఆశ్రయించిన వారిని, శరణు జొచ్చిన వారిని నిరంతరం కాపాడటమే నా కర్తవ్యం”.

Latest Miracles:

• బాబా తెలియచేసిన అన్నదాన మహిమ….Audio
• విభూది మహిమ
• ఊధీ మహిమ – ఊపిరితిత్తుల వ్యాది మటుమాయం–Audio
• 9 గురువారాల వ్రత మహిమ–Audio
• బాబా మహిమ – సరస్వతి కటాక్షం