సాయి దివ్య పూజ మహత్యం

భక్తుడు: రాంబాబు

నివాసం: కర్నూలు

“ఓం శ్రీ సాయినాథాయ నమః”

అందరికీ సాయి రామ్, నా పేరు రాంబాబు. నా జీవితంలో ఎన్నో సాయిలీలలు చూసాను.

వాటిలో ఇటీవల మా వదిన గారి విషయంలో జరిగిన, నేను చూసిన సాయిబాబా గారి లీలను మీ అందరికీ షేర్ చేసుకోవాలనుకుంటున్నాను.

నేను “శ్రీ సాయిసచ్చరిత్ర పారాయణ” తోపాటు, “ శ్రీ సాయి దివ్యపూజ” కూడా చేస్తుంటాను.

మా వదిన గారి కొడుకు అభిలాష్ ఎంతో తెలివైనవాడు, బుద్దిమంతుడు. వాడు 3 సంవత్సరాల ముందు MBBS పూర్తి చేసాడు. తనకి MD చదవాలని ఎంతో ఇష్టం.

ప్రవేశ పరీక్ష కోసం ఢిల్లీలో కోచింగ్ కూడా తీసుకున్నాడు. రెండు సార్లు ఒక్క మార్క్ తేడాతో అపజయం పొందాడు.

మా వదిన గారు అతని భవిష్యత్తు గురించి ఎంతో ఒత్తిడికి గురయ్యారు. ఇది చూసిన నేను మా వదిన గారికి సాయిబాబా వారి దివ్య పూజ గురించి తెలియచేశాను.

తాను నియమ నిష్ఠలతో బాబా వారికి ఐదు వారాలు పూజ చేసింది.

దయామయుడైన సాయిబాబా వారి దయా వర్షం ఆ కుటుంబంపై కురిసింది. 3 సంవత్సరాల నుండి అందని ద్రాక్ష పళ్ళలా ఉన్న సీట్ ను బాబా సునాయాసంగా వచ్చేలా చేసారు.

పాండిచ్చేరి (తమిళనాడు) లో MD సీట్ వచ్చింది. ఇప్పుడు మా వదిన గారు బాబా వారి అనన్య భక్తురాలు. మనస్సు పెట్టి ప్రార్థిస్తే మన కనీసపు కోరికలు తీర్చే కల్పతరువు మన సాయిబాబా.

     ~~~~సర్వం సాయినాధార్పణమస్తు~~~~

 ***సాయిసూక్తి:    

 “నా ఆజ్ఞ లేనిదే ఆకైనా కదలదు”.

Latest Miracles:

• భక్తురాలికి బాబా వారు ప్రసాదించిన దివ్య పూజ అనుభవములు
• బాబా మహత్యం కథల్లో చదవటమే కానీ, స్వయం గా చవి చూడటం ఇదే మొదటిసారి.
• బాబా కనపడ్డాడు. తెల్లని బట్టలు వేసుకున్నాడు. నా వీపు మీద తట్టి ” ఏం పూజ మానేశారు, పూజ చెయ్యరా ? ”
• బాబాని పరిచయం చేసిన శ్రీ షిరిడీ సాయి మహత్యం ……!
• గృహమే సాయి మందిరం!…..సాయి@366 జూన్ 22….Audio