సచ్చరిత్ర పారాయణ సమయములో వచ్చిన కలకు, చాగంటి గారి ప్రవచనం ద్వారా అర్ధం తెలుసుకుని సంతోషించిన భక్తురాలు

ఇందిరా దేవి గారి అనుభవములు రెండవ భాగం

మా ఇంటి ఓనర్ చాలా తన్మయత్వంతో ఇదంతా చెప్పుకుపోయింది. ఎందుకు ఈవిడ చదువుకొనిదానిలాగా బాబా అంటుంది.

ఆయనేమన్నా దేవుడా? పైగా ముస్లిం. ఈయన్ని పూజించటమేంటి? పైగా ఈ పారవశ్యం ఏమిటి?

ఇంతమంది దేవుళ్ళను కాదని ఈయన్నే ఎందుకు పూజించాలి అని నేను అనుకుని అయినా ఈవిడ ఇంతగా చెపుతోంది అసలీయన ఉన్నాడా?

ఒకసారి చేసి చూద్దాం అనుకుని నువ్వు నిజంగా కనుక ఉంటే నాకు నిదర్శనం కావాలి అనుకుంటూనే పద్ధతిగా 3 గంటలకే లేచి అన్నీ రూములు శుభ్రం చేసుకుని తలారా స్నానం చేసి పూలు తెచ్చుకుని, నియమంగా, నిష్టగా బాబా పారాయణ వారం రోజులు చదివి పూర్తి చేశాను.

నేను పారాయణ చేసినన్ని రోజులు మధ్యాహ్నం మాత్రం నిద్రపోకూడదు అని నియమం పెట్టుకున్నాను.

ఒక రోజు సోఫా లో అలా మధ్యాహ్నం ఒరిగాను. నిద్ర పట్టేసింది. ఆ నిద్ర లో నాకో కల వచ్చింది. ఆ రోజు పారాయణ అయిపోయింది. ఆ కల లో మా వారు చనిపోయినట్లుగా కనపడింది.

నేను బాగా ఏడుస్తున్నాను. నేను వెక్కిళ్ళు పెట్టి బయటకే ఏడుస్తున్నాను.

ఆ సమయంలో మా ఇంట్లో మా అత్తగారు ఉంది. ఆవిడ చెప్పిందా విషయం ఆ బాధతోనే భయంకరంగా ఏడుస్తున్నాను.

నా గుండె చప్పుడు నాకు బాగా తెలుస్తుంది. ఇలా కల వచ్చాక నేను మూడు రోజులయినా నేనీ లోకం లోకి రాలేకపోయాను.

నాకెందుకిలాంటి కల వచ్చింది అని నేను అనుకున్నానే కానీ ఎవరికీ చెప్పలేదు. ఈనాటిదాకా ఎవరికీ విషయం తెలియదు.

ఈ మధ్యనే శ్రీ చాగంటి కోటేశ్వరరావు గారు ఆయన ప్రవచనంలో నేను వినటం జరిగింది. అందులో ఆయన ఏమి చెప్పారంటే

భగవంతుడు మనమేదయినా కర్మఫలం అనుభవించవలసి వస్తే అది నిద్రలో కల రూపం లో అనుభవింపజేస్తాడు. అని చెప్పారాయన.

అది విని నాకు చాలా సంతోషం వేసింది. ఎందుకంటే నేను దాదాపు 20 సంవత్సరాలుగా ఈ విషయాన్ని ఎవరికీ చెప్పుకోవడానికి వీలులేక మానసికంగా నలిగిపోతున్నాను.

రెండవసారి పారాయణ చేసినపుడు నాకింకా మొదటిసారి పారాయణ చేసిన తర్వాత వచ్చిన కల నేనింకా మర్చిపోలేను. ఈలోగా రెండవసారి పూర్తి అయింది.

ఈ సారి కూడా నేను పారాయణ పూర్తి చేయంగానే మళ్ళీ మధ్యాహ్నం పూట నాకో కల వచ్చింది.

ఆ కలలో నేను ఎవరిదో ఇల్లు, మా ఇల్లయితే కాదు. ఆ ఇంట్లో నేను కట్టెల పొయ్యి మీద అన్నం వండుతున్నాను. ఈలోపు ఆ గుమ్మంలోకి బాబా వచ్చాడు. “నాకు ఆకలి వేస్తోంది అన్నం పెట్టమని అడిగాడు”

నేను కుండలో అన్నం వండి కలుపుతున్నాను. ఆయన అలాగే అన్నం పెట్టమని అడిగే సరికి నేను సగం ఉడికిన అన్నం పెట్టమంటావేంటి? అంటూ విసుక్కున్నాను.

ఆయన అయినా సరే పెట్టమన్నాడు. ఉడికే అన్నం కుండలోనుండి తీసి ఒక ప్లేట్ లో వడ్డించి తీసుకువచ్చి బాబా చేతికిచ్చి ఆయన పాదాల దగ్గర కూర్చున్నాను.

ఆయన ఆ ప్లేట్ అందుకుని నన్ను ఆశీర్వదిస్తున్నాడో శపిస్తున్నాడో కానీ, ఎదో గొణుగుతున్నాడు.

బాబా నువ్వేం అంటున్నావో కానీ వేరే వేరే ఆశీర్వచనాలు నాకు వద్దు దీర్ఘసుమంగళీభవ అని ఆశీర్వదించమని స్పష్టంగా చెప్పాను.

ఆయన నన్ను దీవించాడో లేదో కానీ బాబా అక్కడ నుండి లేచి బాల్కనీ లో ఉండే గ్రిల్స్ చిన్న సన్నని సందులో నుండి పెద్దగా ఉన్న బాబా చిన్నగా అయిపోయి బయటకు వెళ్లిపోయి పైన విమానంలో చాలా దూరం వెళ్ళిపోవటం నేను కలలో చూసాను.

దాని అర్ధం ఏంటో నాకు తెలియదు కానీ బాబా తన పిల్లలకు అన్యాయం మాత్రం చెయ్యడని నేను గాఢంగా నమ్ముతాను.

The above miracle has been typed by: Shiva Kumar Bandaru,

ఇందిరా దేవి గారి అనుభవములు మూడవ భాగం తరువాయి…..

Latest Miracles:

• సమస్యలలో ఉన్న తన తోటి సాయి భక్తులకు సచ్చరిత్ర, సహస్రనామ పారాయణ ద్వారా పరిష్కారం చూపించిన రాజేశ్వర రావు గారు
• ఆరోగ్యానికి సాయి సచ్చరిత్ర పారాయణ–Audio
• సచ్చరిత్ర పారాయణ మొదలు పెట్టుటకు కారణము-బాబాగారు ఇచ్చిన నిదర్శనము.
• సచ్చరిత్ర పారాయణ ఫలితం – కలలో వచ్చి వైద్యం చేసి ఆపరేషన్ అవసరం లేకుండా చేసిన బాబా గారు.
• అంత విచారించకపొతే ఒక్కసారి నా సచ్చరిత్ర పారాయణ చేయరాదా?–Audio