Sai Baba ... Sai Baba ... Sai Baba ... Sai Baba (click here)
Those who chant my name repetedly, I will protect them always...Sai Baba
Voice support by: Mrs. Jeevani
సాయిబాబా చిత్రాతి చిత్రాలు చూపే వారు. సాయిబాబాయే కాదు, ఆయనకు ప్రతిరూపం అయిన సాయి చిత్రం కూడా చిత్రాలను చూపుతుంది.
ఒకసారి శివనేశన్ స్వామి గారికి ద్వారకామాయిలోని బాబా బండపై ఆసీనుడైన సాయి చిత్రంలో ఒక వ్యక్తి ముఖం కనిపించింది. ఎవరా ఆయన అని ఆశ్చర్యపడ్డారు శివనేశన్ స్వామి.
కొద్ది రోజుల తరువాత ఆ వ్యక్తి శివనేశన్ స్వామి వారికి ఖండోబా మందిరంలో కనిపించాడు.
ఆ వ్యక్తిని గుర్తుపట్టి శివనేశన్ స్వామి తనను తాను పరిచయం చేసుకున్నారు. అవతల వ్యక్తి పేరు త్రివేది. ఆయన కూడా బాబా భక్తుడే. ఇద్దరు మంచి మిత్రులయ్యారు.
అయితే కొన్ని చిత్రాలు భయంకరంగాను ఉండవచ్చును. అది 1940వ సంవత్సరం జూలై 11వ తేదీ.
స్వామి కేశవయ్య సాయి బాబా పూజ చేసు కుంటున్నారు. సాయిబాబా పటములో మహీష వాహనారూఢుడయిన యమధర్మరాజు కనిపించాడు.
ఆయన భయభ్రాంతు డయ్యాడు. ఎలాంటి విపత్తు రానున్నదో అని దిగులు చెందారు. ఆ దిగులుతోనే ఆఫీసుకు వెళ్ళటం జరిగింది.
ఆఫీసులో ఒక మిత్రునకు ఈ విషయం చెప్పగా ”బాబా ఉన్నారు” అని ధైర్య వచనాలు చెప్పాడు.
స్వామికి మాత్రం భయం తగ్గలేదు. ఆఫీసులో పని ముగించుకుని, రోజూ కంటే ముందుగానే ఇంటికి చేరి భోజనం చేసి తలుపులు బిగించి పడుకున్నారు. ఎంతకూ నిద్ర రాలేదు.
భయం ఎక్కువై శరీరం కంపించ సాగింది. రాత్రి మూడు గంటలైంది. ఆయన చంటి బిడ్డకు అకస్మాత్తుగా ఊపిరి సలపక ఉక్కిరిబిక్కిరి అయ్యాడు. బాధతో దగ్గాడు.
శరీరం చల్లబడింది. బిడ్డకు ఊపిరి పీల్చే శక్తి కూడా లేకుండా పోయింది.
కేశవయ్య గారు ‘అయ్యో!’ అని ఆక్రందన చేసి బాబా ఊది తెచ్చి ”బాబా మా బిడ్డను రక్షించే భారం నీదేనయ్యా!” అని ఆర్తితో బాబాను అర్ధించి, బిడ్డ నోట్లో ఊది ఉంచటానికి ప్రయత్నం చేశారాయన. ఊదీ లోపలకి పోలేదు.
అయినా ఆయన బాబాపై పూర్తి నమ్మకం ఉంచి బిడ్డ శరీరమంతా ఊదిని పూసి సాయిని స్మరిస్తున్నారు.
తర్వాత 15 నిముషాలకు బిడ్డలో కదలిక వచ్చింది. నోట్లోఊదిని ఉంచారు. బిడ్డ ఊదిని గుటక వేసింది.
అరగంట తరువాత బిడ్డ పూర్తిగా కోలుకుంది. షిరిడీకి ఒక రూపాయి దక్షిణగా పంపాలనుకుని ఏ మాత్రం ఆలస్యం చేయకుండా ఆ మరునాడే ఆ దక్షిణను షిరిడీకి పంపారాయన.
”ఈ గండమును సూచించుటకే సాయి యమ ధర్మరాజు రూపంలో ప్రత్యక్షమయ్యారు” అంటారు స్వామీజీ.
ఓం కాలాయ నమః
Compiled By:- ముళ్ళపూడి పాండురంగ సాయినాథ్ & మున్నలూరి బోస్
Collected and Presented By: Mr: Sreenivas Murthy
Latest Miracles:
- శ్రీ సాయిబాబా నివేదన శివనేశన్ స్వామికి భోజనమగుట.
- సబ్ కా మాలిక్ సాయి …. మహనీయులు – 2020… ఏప్రిల్ 12
- సాయిని సేవించిన తెలుగు వెలుగు…..సాయి@366 ఏప్రిల్ 12…Audio
- బాబా దయతో ఉబ్బసం వ్యాధి నయం
- బాబా వారి వస్త్రములను శివనేశన్ స్వామికి ఇప్పించుట.
Sai Baba ... Sai Baba ... Sai Baba ... Sai Baba (click here)
Those who chant my name repetedly, I will protect them always...Sai Baba
Recent Comments