సచ్చరిత్ర పారాయణ ఫలితం – కలలో వచ్చి వైద్యం చేసి ఆపరేషన్ అవసరం లేకుండా చేసిన బాబా గారు.

భరత్ రావు గారి అనుభవములు రెండవ భాగం

మాకు తెలిసినాయనకి ఒంట్లో నలతగా ఉండి డాక్టర్ కి చూపించుకున్నాడు. అన్ని టెస్టులు చేసిన తర్వాత ఆయనకీ కిడ్నీలో పెద్ద రాయి ఉందని తేలింది.

అది మందులకి లొంగదు. ఆపరేషన్ చేసి ఆ రాయి తీసి వేయాలే గానీ వేరే మార్గం లేదని డాక్టర్ చెప్పకనే చెప్పారు.

అయినా ఇంక చేసేది లేక ఆపరేషన్ కి సిద్ధ పడిపోయాడు. ఆపరేషన్ కి రూ. 20, 000/- ఖర్చు అవుతుంది అన్నారు.

అంత మొత్తం వారి దగ్గర లేక బ్యాంకు లోన్ పెట్టారు. ఆయన బ్యాంకు లోనే పని చేస్తాడు కాబట్టి లోను త్వరగానే వచ్చింది.

హైదరాబాద్ కిడ్నీ సెంటర్ లోనే పరికరాలన్నీ ఉన్నాయి కాబట్టి, అక్కడే ఆపరేషన్ చేయించుకోవాలి. ఒక సోమవారం తేదీ నిర్ణయించారు.

ఆదివారం నాడు ఆయనకీ బాబా కలలో కనిపించారు. ఈయన లేవబోయారట బాబా తన మోకాలితో ఆయన కడుపులో ఒక తన్ను తన్నారట.

“అదేంటి బాబా అలా తన్నావు నాకు కడుపులో నొప్పి వస్తుంది” అని అన్నాడట ఈయన.

పెద్దగా వెలుతురు కూడా వచ్చిందట. ఈ వెలుతురులో కడుపులోంచి షటిల్ కాక్ పువ్వు లాగ ఒకటి పైకి ఎగిరిపోయిందట.

వాళ్ళ ఆవిడ వచ్చి “ఏమిటి బాబా బాబా అని అరుస్తున్నారు” అంటూ లేపిందట.

ఆయన కళ్ళు తెరిచి “అంతా చీకటిగా ఉంది వెలుతురు ఏది? లైట్స్ ఎందుకు ఆపేసావు” అని అడిగాడట.

“మీకు కల వచ్చినట్లు ఉంది, నేను లైట్స్ వేయనూ లేదు ఆపేయనూ లేదు. తెల్లవారలేదు కూడా అన్నదట”.

మరునాడు రిపోర్ట్స్ తీసుకుని హాస్పిటల్ కి వెళితే డాక్టర్ కి ఎందుకో అనుమానం వచ్చి మళ్ళీ టెస్టులు చేయిస్తే ఆ రిపోర్ట్స్ లో ఈయనకి కిడ్నీ లో ఎటువంటి రాయి లేనట్లుగా ఉంది.

మూడవ రోజు ఆయనకీ ఆపరేషన్ అయింది అనుకుని, నేను నా భార్య ఆయనని పరామర్శించడానికి హాస్పిటల్ కి వెళితే ఆయన నాకు ఎటువంటి ఆపరేషన్ జరగలేదు,

బాబా నా కనిపించి మోకాలితో నా కడుపులో కొట్టారు అంతే రాయి పోయింది,

మీరు ఇంతకుముందు నాకు ఒక బాబా పారాయణ పుస్తకం ఇచ్చారు. అది నేను ఈ మధ్యన పారాయణ చేశాను, దాని ఫలితం ఇది. నాకు చాలా ఆనందం గా ఉంది.

ఇలా బాబా “తన” అనుకున్న వాళ్ళని ఎలా కాపాడుతారో తెలుసుకున్నాము అన్నాడాయన కళ్ళ నీళ్ళ పర్యంతమై.

The above miracle has been typed by: Shiva Kumar Bandaru

భరత్ రావు గారి అనుభవములు మూడవ భాగం తరువాయి…..

Latest Miracles:

• భక్తురాలి ఆపరేషన్ జరుగుతున్నంత సేపు, భయం తెలియకుండా షిరిడి దర్శనం చేయించిన బాబా వారు
• ఆపరేషన్ లేకుండా ఆరోగ్యం ప్రసాదించిన బాబా
• ఆరాత్రి కలలో బాబా కన్పించి ఎందుకు భయపడతావు?–Audio
• బాబా ఆపరేషన్ తన మీద వేసుకొని,తన భక్తుడిని రక్షించారు.
• సుధా మాధవి గారి తండ్రి కి సాయి చేసిన ఆపరేషన్–Audio