భక్తురాలి ఇంట్లో జ్యోతి వెలిగించినప్పటినుండి ఎన్నో రూపాలలో పూజ గది గోడ మీద కనిపించిన బాబా వారు.

మేము సైట్లు కొని కట్టి అమ్ముతుంటాము. సైట్లు మాకు దొరకడం లేదు, మేము చాలా బాధల్లో ఉన్నామప్పుడు.

”రామ్ రతన్ జీ” గురువుగారు అందరి ఇళ్లల్లో జ్యోతులు పెడుతూంటే మా ఇంట్లో జ్యోతి ఎలాగో పెట్ట లేని పరిస్థితి కనీసం వేరే ఇంట్లో జ్యోతులు పెడుతూంటే సేవ అయినా చేద్దాము అనిపించి వెళ్ళాను.

పూజ జరిగే చోట పూజకి కావాల్సిన వస్తువులు సర్దటం, అన్ని పనులు ఉంటాయి కదా అందుకని వెళ్ళాను. అన్ని ఏర్పాట్లు చూస్తుండగా గురువుగారు వచ్చారు.

‘‘గాయత్రి నువ్వు కూడా జ్యోతి పెట్టుకో” అని అన్నారు. ”నా వల్ల కాదండీ గురువుగారూ నేను పెట్టుకోలేను, నేనీ కార్యం చేయాలంటే నాకు ఎటువంటి స్థోమతా లేదు, పైగా మా ఇల్లు 5 వ ఫ్లోర్ లో ఉంటుంది, లిఫ్ట్ కూడా లేదు, ఏదైనా అవసరం అయితే అన్ని మెట్లు ఎక్కాలి, దిగాలి.

అయినా పారాయణం కోసం రోజూ అన్ని మెట్లు ఎక్కి ఎవరు రారు, రాలేరు” అన్నాను నేను.

”ఏమి ఫరవాలేదు 80 ఏళ్ల ముసలివాళ్ళు వచ్చి చదువుతారు. నేను చెబుతున్నాను” అని అన్నారాయన.

”కొత్త సైట్ ఏదైనా దొరికితే నేను పెట్టుకుంటాను” గురువుగారూ అన్నాను. ”నువ్వు జ్యోతిని పెట్టకపోతే నీకు ఇల్లు మారడానికి కూడా దొరకదు” అని అన్నారు.

ఎందుకంటే లిఫ్ట్ లేకుండా 5 అంతస్తులు ఎక్కడం దిగడం కష్టంగా ఉంది, అందు కోసం ఆ ఇల్లు మారిపోదాం అనుకుంటున్నాము.

అలా ఒక ఏడాది పాటు గురువు గారు నేను ఎక్కడ కనపడితే అక్కడ నన్ను జ్యోతి పెట్టుకోమని అడిగేవారు.

ఒక చోట సేవకి వెడితే అక్కడ గురువుగారు నా నెత్తిన సటకా పెట్టి ”నువ్వు జ్యోతి పెట్టుకుంటావా లేదా” అని సటకా నా నేతి మీద నుండి తీయనేలేదు.

మా ఇంటి కింద ఉన్న ఆవిడ జ్యోతి పెట్టుకోవడానికి పాపం ఇల్లంతా బూజులు దులుపుకొని అన్ని ఏర్పాట్లు చేసుకుంటోంది. కానీ, గురువు గారు మా ఇంట్లో పెట్టుకోమన్నారు.

నేను ఎలాగైనా తప్పించుకోవడానికి అక్కర లేదు అని అన్నాను.

మేము ముగ్గురం అక్క చెల్లెళ్ళం. అందరమూ ఒకే దగ్గర ఉంటూ ఒకళ్ళకి ఒకళ్ళు చేదోడు వాదోడుగా ఉంటాము.

”ఏం అక్క లేకపోతే అవ్వదా” అని అడిగారు గురువుగారు, ఇంక తప్పించుకోవడానికి దారి లేక సరే అని అనాల్సి వచ్చింది.

మా ఇంట్లో గురువుగారు జ్యోతి వెలిగించారు. జ్యోతి పెట్టిన మూడవ రోజు నుండి గోడ మీద రూపాయి కాయిన్ లాగా వచ్చాయి.

అలా చాలా ఆకారాలు, రూపాయిలాగా వచ్చాయి. ఆ తరువాత రాత్రి పది గంటలకి తలుపు (పూజ గది) తీస్తే గోడ మీద ఏదో బొమ్మ కనపడుతూండేది,

ఏదో డ్రాయింగ్ జరుగుతోందని అనిపించి మళ్లీ పూజ గది తలుపు దగ్గరికి వేసి మళ్ళీ గంట తరువాత చూస్తే మొహం, కళ్ళు , తలపాగా అంతా బాబా క్లియర్ గా కనపడేది.

The above miracle has been typed by: Mrs. Raja Rajeswari Sainathuni

Latest Miracles:

• మా ఇంటిలో జ్యోతి (పూజ) పెట్టించుకోమని వేరే భక్తురాలి రూపంలో వచ్చి చెప్పిన బాబా వారు….
• నా ప్రశ్నకి గురువుగారు ఫోన్ లో సమాధానమిచ్చారు.
• గురువుగారి పాదుకలు చూస్తే గురువుగారిని చూసినంత ఆనందం కలిగింది.
• నా మనసులోని కోరికను గురువు గారి ద్వారా బాబా తీర్చిన వైనం
• అడగగానే సందేశమిచ్చిన గురువుగారు.