‘‘ఈ తొమ్మిది నాణెలూ తొమ్మిది విధాల భక్తికి ప్రతి రూపాలు. జాగ్రత్తగా దాచుకో.’’

అనంతకోటిబ్రహ్మాండ నాయకరాజాధిరాజయోగిరాజపరబ్రహ్మశ్రీసచ్చిదానందసమర్థసద్గురుసాయినాథ్మహరాజ్కీజై!!

ముందు భాగం కోసం ఇక్కడ  క్లిక్ చేయండి

(సాయి బాబా వారి భక్తులకి మనవి : బాబా జీవిత చరిత్రను చిన్న చిన్న కథల రూపం లో పిల్లలకు అందచేసే విధముగా రచయిత వ్రాశారు. కల్పితాలు అనుకోవద్దు అని మనవి.)

 

నిశ్శబ్దంగా ఉందప్పుడు. తన గుండెల్ని రాస్తున్న లక్ష్మీబాయి షిండేను అభిమానంగా ఆత్మీయంగా చూశారు బాబా.

ధరించిన కఫనీ జేబులో చెయ్యి పెట్టి పిడికిలిగా బయటికి తీశారు. పిడికిలి విప్పి చూశారు. తొమ్మిది రూపాయి నాణెలు ఉన్నాయి అందులో.

‘‘తల్లీ’’‘‘చెప్పండి బాబా’’ చేతులు జోడించింది లక్ష్మీబాయి షిండే.

‘‘ఆనాడు నీకు నవవిధ భక్తిమార్గాలు బోధించాను. ఆ మార్గాల్ని అనుసరిస్తూ నన్ను ఇన్నాళ్ళుగా సేవిస్తూ వచ్చావు. నీ ఋణాన్ని ఉంచుకోలేను తల్లీ, తీసుకో ఇవి.’’ అన్నారు బాబా.

అందుకునేందుకు ఆనందంగా దోసిలి పట్టింది లక్ష్మీబాయి షిండే. ఆమె దోసిట్లో ముందు అయిదు రూపాయి నాణెలు వేశారు బాబా. తర్వాత మరో నాలుగు వేశారు.

మొత్తం తొమ్మిది నాణెలు జార విడిచారు.‘‘ఈ తొమ్మిది నాణెలూ తొమ్మిది విధాల భక్తికి ప్రతి రూపాలు. జాగ్రత్తగా దాచుకో.’’ అన్నారు బాబా.

నాణెల్ని కళ్ళకద్దుకుని కన్నీరు పెట్టుకుంది లక్ష్మీబాయి షిండే.శ్యామాని చూశారు బాబా.‘‘నేను ఎవరి ఋణం ఉంచుకోనయ్యా.’’ అన్నారు.

అప్పుడెప్పుడో చాలా కాలం క్రితం నవవిధ భక్తి మార్గాలు లక్ష్మీబాయికి బోధిస్తున్నప్పుడు, తాను మనసులో అనుకున్న దానికి ఇప్పుడు బాబా సమాధానం చె ప్పారు. ఆశ్చర్యపోయాడు శ్యామా.

తరువాత భాగం కోసం ఇక్కడ క్లిక్ చేయండి

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• అంతిమ అంతరార్థ చర్య …..సాయి@366 జూన్ 2…Audio
• తొమ్మిది ఉండల గుఱ్ఱపులద్ది నీతికథ (నవ విధభక్తి)
• నవవిధ భక్తి సూత్రాలను వివరంగా చెప్పండి బాబా…లక్ష్మీబాయి.
• సాయి తొమ్మిది గురువారముల వ్రతము – శివ–Audio
• ‘‘చరాచర జీవకోటినంతా రక్షించే మీకేమిటి బాబా ఈ బాధ?