కేవలం నామస్మరణ భక్తుల్ని కాపాడుతుంది—Audio

అనంతకోటి బ్రహ్మాండ  నాయక రాజాధిరాజ యోగిరాజ పరబ్రహ్మ శ్రీ సచ్చిదానంద సమర్థ సద్గురు సాయినాథ్ మహరాజ్ కీ జై.

This Audio Prepared by Mrs Lakshmi Prasanna

అచంచల భక్తి విశ్వాసాలు, దైవనామస్మరణ, భక్తులని భయం, భాదల నుండి కాపాడుతుందనే నగ్నసత్యం స్వానుభవమై నీరూపిస్తుంది.

కేవలం నామస్మరణ భక్తుల్ని కాపాడుతుంది అనేందుకు మచ్చుకు ఈ సంఘటన.

నేను చెన్నైకి మా చెల్లెలి వద్దకు బయలుదేరాను. ట్రైన్ బేసిన్ బ్రిడ్జి దగ్గర ఆగింది.

ఆరోజు రైల్వే లోకల్ సమ్మె అని తెలిసింది. మరి ట్రైన్ ఎప్పుడు కదులుతుందో తెలియదు.

చాల మంది ట్రైన్ దిగి వెళ్తున్నారు. నేను కూడా ట్రైన్ దిగి పద్మనాభ థియేటర్  బస్టాండ్ దగ్గర కెళ్దామనుకున్నాను.

కానీ బ్రిడ్జి దగ్గరకు వచ్చే సరికి ఒక చేతిలో బ్యాగు, మరో చేతిలో స్విట్ల బుట్ట! అందరి వెనుక నేను వెళ్తున్నాను. కాని బ్రిడ్జి దగ్గరకు వచ్చేసరికి నాకు కొంచెం భయం వేసింది.

కిందికి చుస్తే కళ్ళు తిరిగేట్టుగా ఉన్నాయ్. వెనక్కి వెళ్లేందుకు లేదు. ప్రక్కకు  వెళ్లేందుకు లేదు. అప్పటికి బ్రిడ్జి మీద ఐరన్ షీట్ మీదకి వచ్చేశాను.నడవలేనేమో అనిపించింది.

అప్పుడు షిర్డీ సాయి గుర్తుకువచ్చాడు. పిలిస్తే పలికే సాయి అని ఓం సాయి, శ్రీసాయి జయ జయ సాయి అనే మంత్రాన్ని మననంచేసుకుంటూ ముందుకు అడుగులేశాను.

అంతే! ఎంతో తొందరగా బ్రిడ్జి దాటాననిపించింది. ఇదో ఉదాహరణ మాత్రమె…!

1998 సంవత్సరంలో నాకు హార్ట్ ప్రాబ్లమ్ ఉన్నందున బైపాస్ సర్జరీ చేయించుకోవలసి వచ్చింది.

స్ర్లెచ్చర్ లో ఆపరేషన్ థియేటర్ లొకెళ్ళెటప్పుడు మా బంధువులు సాయి విభూదిని నా నొసటన పెట్టారు.

నేను సాయిని ఓం సాయి, శ్రీ సాయి, జయ జయ సాయి అని స్మరిస్తూ ఆపరేషన్ థియేటర్ లొకెళ్ళాను. సర్జరీ అయిన తరువాత తొందరగానే కోలుకున్నాను.మరలా ఇంతవరకు ఎలాంటి ఇబ్బందులు లేవు.

అంతేకాదు జీవితంలో ఎలాంటి కష్టాలెదురైనా సాయిని స్మరిస్తే నేనున్నానంటూ సునాయాసంగా  కష్టాల నుండి గట్టెక్కించేస్తాడు.

అయన భక్తులకు అభయ దాతగా కోర్కెలు తిరుస్తున్నా, మనకార్యం నెరవేరిన తర్వాత ఆయన్ని మరచి పోతున్నాం!

మరచిపోయేలా మన దైనందిన కార్యక్రమాలు చేస్తున్నాయి… అలాకాక ..బాబామీదే భారముంచి, ఆ దివ్యనామం స్మరించే వారిని ఆ సాయి సర్వకాల సర్వావస్థలయందు కాపాడుతాడు!

జై సాయిబాబా!

గుర్రాల రమణయ్య,
రిటైర్డ్ శానిటరీ ఇన్ స్పేక్టర్,
నెల్లూరు.
సెల్: 9963921943

సంపాదకీయం: సద్గురులీల (డిశంబర్ – 2007)
ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• బాబా దయ వలన పునర్జన్మ
• నీ సమస్యలకి సమాధానాలు దొరుకుతాయి, బాబాయే నీకు అన్నీ చూపిస్తాడు, అని భక్తున్ని దీవించిన కృపా నిధి గురువు గారు
• బాబాకి పేద, ధనిక, కులం, మతం, తేడాలు లేవు, కావలసింది కేవలం బాబా మీద భక్తి, ప్రేమ, శ్రద్ధ మాత్రమే!
• బాబా ప్రేరణ
• నా దారికి అడ్డుపడి మరీ నన్ను తన దారికి తెచ్చుకున్నారు బాబా.