కొరడా దెబ్బలే సరి! …..సాయి@366 మే 16….Audio

---

Voice Support By: Mrs. Jeevani

---

శ్రీ యం. హిదాయతుల్లా, సుప్రీం కోర్టు ప్రథాన న్యాయమూర్తి, భారత దేశ ఉపరాష్ట్రపతిగా పేరు ప్రఖ్యాతులు గడించారు. ఆయన మే 16, 1991న సాయిబాబాను గురించి వ్రాశారు.

”మా పవిత్ర గ్రంధం ఖురాన్‌ ఔలియా (యోగులను) గురించి చెబుతుంది. వారిని భక్తి ప్రపత్తులతో గౌరవించాలని నిర్దేశించింది” అని ఆయన తన జీవితంలో జరిగిన సంఘటనలను తెలిపారు.

సాయిబాబా ఎంతో పేరొందిన, ధార్మిక చింతనా పరుడైన యోగి. ఎంతో స్ఫూర్తి శ్రద్ధలతో, భక్తి మహిమలతో కూడిన ధర్మనిష్ట గల ఆ యోగిని (సాయి) దర్శించే భాగ్యం ఆయనకు కలుగ లేదు.

యోగులను గౌరవించాలి. ఆయన సాయి సమకాలికుడైన తాజుద్దీన్‌ బాబా సగం కాల్చిన బీడీని హిదాయతుల్లా గారికి పంపుతూ అది తన కలం అని, తాను (హిదాయతుల్లా) ఏనుగును అధిరోహిస్తారని చెప్పి పంపారు.

అది తాజుద్దీన్‌ బాబా బహుమతి. జీవిత కాలం భద్రపరుచుకొన దగిన బహుమతి. అలాగే ఆయన భారతదేశ చరిత్రలో అత్యున్నత పదవులను అలంకరించారు.

జస్టిస్‌ హిదయతుల్లా సుప్రీంకోర్టు న్యాయమూర్తిగా ఉన్నప్పుడు ఒక కేసును విచారించారు. ఆ కేసును ఇలా తెలిపారాయన:

”ఒక మహమ్మదీయుడు (మాంసం వ్యాపారి) సాయిబాబాలా వేషం ధరించి ప్రజల నుండి ధనం వసూలు చేశాడు.

బాబాలా వేషధారణ చేసుకొని ప్రజలకు కనిపించే వాడు. అమాయక ప్రజలు అతనిని బాబాలా భావించి అతని ముందు సాష్టాంగ నమస్కారాలు చేసి దక్షిణలు సమర్పించుకునే వారు.

అతని మోసం తెలుసుకుని జైలు శిక్ష విధించారు. ఆ కేసు హిదాయతుల్లా వద్దకు వచ్చినప్పుడు శిక్ష తగ్గించమని అభ్యర్ధన వచ్చింది.

ఒక మహమ్మదీయుడు ఇటువంటివి చేయటం భరించ లేనిదిగా ఉన్నదని, కొరడా దెబ్బలను రద్దు చేయటం తగదని (అప్పటికే భారత శిక్షాస్మృతిలో కొరడా దెబ్బలను రద్దు చేశారు)

ఇటువంటి నేరాలకు నిజమైన శిక్ష జైలులో పెట్టటం కాదని, కొరడా `దెబ్బలే సరైనవి” అని చెప్పాను.

సాయిబాబా వలె నటించటం, ఆ నటనను సమర్ధించటం ఎంతటి నీచమో గ్రహించాలి.

సాయి చూస్తూనే ఉన్నాడు. ఇటువంటి మోసాలను ఎంతో కాలం సాగనివ్వడు. మోసం చేసిన వాడు ఎంతటి వాడైనా శిక్ష అనుభవించి తీరవలసిందే.

Compiled  By:- ముళ్ళపూడి పాండురంగ సాయినాథ్ & మున్నలూరి బోస్

Collected and Presented By: Mr: Sreenivas Murthy

Latest Miracles:

• చోర్ – పోలీస్…..సాయి@366 అక్టోబర్ 14….Audio
• సాయియే శివుడు…. సాయి@366 ఫిబ్రవరి 16….Audio
• వికటించిన కషాయం….సాయి@366 సెప్టెంబర్ 16….Audio
• సాయి – శ్రామికుడు …..సాయి@366 మే 1…..Audio
• అమ్మ ఎవ్వరికైనా అమ్మే! …..సాయి@366 మే 25…Audio