నైవేద్యం స్వీకరించిన శ్రీ సాయి

భక్తురాలు: మాధవి గౌతమ్

నివాసం: భువనేశ్వర్

అఖిలాండ కోటి బ్రహ్మాండ నాయక రాజాధిరాజా యోగిరాజ

పరబ్రహ్మ సచ్చిదానంద సమర్థ సద్గురు సాయినాథ్ మహారాజ్ కి జై!

నా పేరు మాధవి గౌతమ్. మేము భువనేశ్వర్ లో ఉంటాం. నాకు కలిగిన మరో అనుభవాన్ని ఇప్పుడు తెలియజేస్తాను.

ఒకసారి నవగురువారం వ్రతం చేసుకుంటున్నప్పుడు జరిగిన ఒక లీలను మీకు వివరిస్తాను.

ఒకసారి ఆఫీసులో  కొంచం ప్రాబ్లెమ్ ఉండడం వలన మా గురువు గారు నన్ను నవగురువార వ్రతం చేసుకోమని చెప్పారు.

ఎనమిది గురువారాలు అయిపోయాయి. తొమ్మిదవ గురువారం రోజు గుడికి వెళ్లి అందరికి నవ గురువారవ్రతం పుస్తకాలు పంచాలి.

ఎనమిది వారాలు అయిపోయాయి. ఇంత వరకు నాకు ఎలాంటి లీలలను నువ్వు చూపట్లేదు, ఏదైనా నా పూజలో లోపం ఉంటే క్షమించు తండ్రి అని, నీ లీలలలో ఏదైనా ఒక లీల చూపు స్వామి అని బాబాని వేడుకొని బాబాకు రెండు లడ్డూలు నైవేద్యంగా సమర్పించాను.

కాసేపు కింద కూర్చొని లేచి చూసేసరికి లడ్డులో కొంత బాగం బాబా తిన్నట్టుగా స్పష్టంగా కనపడుతుంది.

ఒక సైడ్ కొంచెం కొరికి ఉన్నట్టుగా తెలుస్తుంది. నా ఆనందంకు ఇక అవధుల్లేవండి.

బాబా నా పూజను స్వీకరించి నేను పెట్టిన లడ్డు నైవేద్యంను నా కళ్ళ ముందే తిన్నారు.

ఇంతకన్నా అదృష్టం ఇంకేం ఉంటుంది. చాలా చాలా సంతోషపడిపోయాను.

ఈ లీలను మీతో పంచుకుంటున్నందుకు చాలా సంతోషంగా ఉంది.

~~~~సర్వం సాయినాధార్పణమస్తు~~~~

*** సాయిసూక్తి:

 “నా భక్తుల ఆధ్యాత్మిక ప్రాపంచిక అవసరాలన్నీ నేనే చేసుకుంటాను”

Latest Miracles:

• భక్తురాలి కోరిక – బాబా లీల
• భక్తురాలు నైవేద్యం గా పెట్టిన కిచిడి, దక్షిణను మారు రూపంలో వచ్చి స్వీకరించిన బాబా వారు
• స్వయంగా బాబా వారి పేరు మీద ఉన్న కాకడ ఆరతి టికెట్స్ మాకు ఇచ్చారు.
• కావాల్సిన మెటీరియల్ బాబా అందించిన లీల
• భక్తురాలి ఆర్తిని  అర్ధం చేసుకొని ఎండవేడిని వర్షం రూపంలో తగ్గించుట