వివేక వైరాగ్యాలు ….సాయి@366 డిసెంబర్ 9….Audio

---

Voice Support By: Mrs. Jeevani

---

కాకా సాహెబ్ కుమార్తె పేరు వత్సల. ఆ పాప తల్లితో విల్లీపార్లేలో ఉంటంది. తండ్రి కాకా షిరిడీలో సాయి సన్నిధిలో ఉన్నాడు.

వత్సల ఏడూ ఏండ్ల పాప, ఆడుకుంటూ బీరువాపై నున్న బొమ్మలను బీరువా పైకెక్కి తీస్తుంటే, కాలుజారి క్రిందపడ్డది. అంతే కాదు ఆమెపై బీరువాపడ్డది.

అయినా ఆ పాపకు ఏమి కాలేదు. ఎందుకు? ఆమె సంరక్షకుడు సాయి షిరిడీలోనే ఉండి కాపాడుతున్నాడు ఆ బాలికను.

ఆ సమయంలో తన దగ్గరే ఉన్న కాకాతో “నీ బాధ్యత అంతా నాది” అనే అభయాన్ని ప్రసాదించాడు సాయి కాకాకు.

కాకా సాహెబ్ కుటుంబం షిరిడీకి వచ్చింది. తండ్రి కట్టించిన వాడాలో ఉంటంది.

సాయి వత్సలకు స్వప్నంలో కనిపించి “ఈ వాడాలో ఎందుకు ఉంటున్నావు? పద మనం వెళ్లి వేప  చెట్టు క్రింద (గురుస్థాన్ లో) ఉందాము” అన్నారు. ఉదయాన్నే ఆ స్వప్నాన్ని అందరకు చెప్పింది.

సాయి ద్వారకామాయిలో శ్యామాతో “కాకా కూతురు చనిపోయిందా?” అని అడిగారు.

“దేవా! ఎందుకు అపశకునంగా మాట్లాడతారు?” అన్నాడు. సాయి “మధ్యాహ్నం చనిపోతుంది” అన్నారు.

వత్సల డిసెంబరు 9 , 1911 మధ్యాహ్నం తనువు చాలించింది.

“ఆ పాపకి ఏడేండ్లు చాలా అందంగా ఉండటమే కాక, చనిపోయినా ఆ పాప మొహం విచిత్రమైన అందంతో మెరిసిపొతొంది. ఆ మొహం నేను ఇంగ్లాడులో చూసినా చిత్రాన్ని గుర్తు చేసింది” అంటారు కపర్డే.

కాకా సాహెబ్ దీక్షిత్ ఆ దెబ్బను ఎంతో నిబ్బరంతో భరించాడు. సాయి ఎందరెందరినో మృత్యుబారి నుండి రక్షించారు.

సాయి అలా ఎందుకు చేసారు? ఎందుకు రక్షించలేదు. కాకా ఈ విషయమై సాయిని ప్రశ్నించలేదు.

కాకా సాహెబ్ కు ఆ సమయంలో భావార్ధరామాయణం గ్రంధం వచ్చింది, దానిని సాయి వద్దకు తీసుకు వెళ్ళాడు  సాయి ఠక్కున ఒక పేజి తెరచి ఇచ్చారు కాకాకు. “చదువు” అన్నారు సాయి.

వాలి పార్ధివ దేహం ముందు కూర్చొని విలపిస్తున్న తారతో శ్రీరాముడు “అమ్మా! నీవు దేనికోసం విలపిస్తున్నావు? దేహం కోసమైతే అది నీ ముందరే ఉంది. ఒకవేళ ఆత్మ కోసమైతే అది నాలోనే లీనమైంది” అన్నారు. ఆమెకు వివేక వైరాగ్యాలు కలిగాయి.

వత్సల ఆత్మ సాయిలో లీనమైంది. అది చాలు. ఆ బాలికకు పునర్జన్మ  లేదు. వివేక వైరాగ్యాలు కాకాలో కూడా ఇనుమడించాయి.

Compiled  By:- ముళ్ళపూడి పాండురంగ సాయినాథ్ & మున్నలూరిబోస్

Collected and Presented By: Mr: Sreenivas Murthy

Latest Miracles:

• సాయి లెక్క తప్పదు!…..సాయి@366 నవంబర్ 2…Audio
• సాయి చూస్తున్నాడు జాగ్రత్త!…..సాయి@366 అక్టోబర్ 24….Audio
• ప్రాపంచికమా? ఆధ్యాత్మికమా? …..సాయి@366 జనవరి 22…Audio
• దీక్షిత్ వాడా …..సాయి@366 ఏప్రిల్ 7….Audio
• తీరని కోర్కెలు ….. సాయి @366 ఫిబ్రవరి 9….Audio