ఆమె కడుపు నొప్పి ఎలా తొలిగిపోయింది?–Audio

---

This Audio Prepared by Mrs Lakshmi Prasanna

---

సుశీలా నానా వడేకర్ బొంబాయిలో నివసించేది. ఇరవై ఏడు సంవత్సరాలుగా ఆమె బాబా కి అచంచల మైన భక్తురాలు.

ప్రతి వుదయమూ, సాయంకాలమూ ఆమె బాబా కి సకల ఉపచారాలతో పూజ చేసేది. పూజ ముగిసిన తర్వాత విభూతి ని ప్రతి కుటుంబ సభ్యునికీ పెట్టి వారిచేత విభూతితో కలిపిన నీటిని త్రాగించేది.

ఆమె కానీ, ఆమె కుటుంబం కానీ బాబా విభూతి దగ్గర లేకుండా బయటకు ఎప్పుడూ వెళ్ళేవారు కాదు.

సుశీల సుఖవంతమైన జీవితాన్ని గడిపేది కానీ ఆమె కి అప్పుడప్పుడూ వచ్చె కడుపు నొప్పి ఆమె ని విపరీతంగా బాధించేది. ఎందరో వైద్యుల్ని సంప్రదించారు,

ఎన్నో వైద్య పరీక్షలు నిర్వహించారు, కానీ ఆమె కడుపునొప్పికి కారణం మాత్రం తెలిసికోలేకపోయారు. ఏ వైద్యమూ పనిచేయకపోవడం తో కడుపునొప్పితో జీవించడం నేర్చుకుంది.

బాబా పట్ల ఆమె విశ్వాసం అచంచలం మరియూ ఆమె షిరిడీకి ఎన్నోసారులు వెళ్ళింది. ఒకసారి అలాగే ఆమె 1979 లో షిరిడీకి వెళ్ళినప్పుడు తాను ఒక ముసిలాయనతో పాటుగా ఒక స్త్రీతో కలిసినట్లుగా స్వప్నాన్ని గాంచింది.

తన తో వున్న మరో స్త్రీకి సుశీలను చూపుతూ ఆ ముసిలాయన ఈమె విపరీతమైన కడుపునొప్పితో చాలా కాలంగా బాధపడుతోంది. ఆమెని నువ్వు జాగ్రత్తగా చూసికోవాలి అనడంతో స్వప్నం ముగిసిపోయింది.

చాలా సార్గు సుశీల సమాధిమందిరానికి వెళ్ళినప్పుడు ఆ స్త్రీని (కలలో కనిపించిన) ఆమె చూస్తూ వుండేది. సుశీల ఆమె ఎవరో అడగాలని అనుకున్నా, మొహమాటం వలన అడగలేకపోయింది.
సుశీల ఆ తరువాత షిరిడీకి వెళ్ళినప్పుడు సమాధిమందిరంలో కలలో కనిపించిన స్త్రీ సుశీల పక్కనే కూచునుంది.

అవకాశాన్ని వినియోగించుకున్న సుశీల ఆమెని ఎవరని అడిగింది. ఆమె తాను సాయినాధ్ ఆసుపత్రిలో పనిచేసున్నానని చెప్పింది.

అప్పుడు సుశీలకి తట్టింది బాబా ఎందుకు ఆమెతో తనని జాగ్రత్తగా చూసికోమ్మని చెప్పారో. ఆ స్వప్న దర్శనం తర్వాత సుశీల కి మరెప్పుడూ కడుపునొప్పి రాలేదని చెప్ప నవసరము లేదు. .
ఇది బాబా తన భక్తురాలి కర్మల్ని తాను స్వీకరించి ఆమె కడుపునొప్పిన స్వప్నంద్వారా తగ్గించిన స్వప్నాదృష్టాంతము.

కాలాతీతుడైన బాబా ఇలాటి వెన్నో చేయగలరు. కలలో కనిపించిన ఆ స్త్రీ సాయినాధ్ ఆసుపత్రిలో పని చేస్తున్నది, కానీ సుశీల ఆమె దగ్గరికి ఆసుపత్రికి ఎప్పుడూ వెళ్లలేదు. ఆసుపత్రి విధులను బాబా స్వీకరించారు,

సుశీల కడుపునొప్పిని తొలగించారు.

శ్రీ సాయి లీల పత్రిక సంపుటి: 67, సంచిక: 10, జనవరి 1989.
విన్నీ చిట్లూరి సంకలీకరించిన బాబాస్’ డివైన్ సింఫనీ గ్రంధం నుండి సేకరణ మరియూ అనువాదం
సాయిబాబా చాగంటి
csaibaba@gmail.com, csai@saimail.com.
whatsapp 7033779935, 9178265499
Voice call: 9437366086, 8270077374.

సంపాదకీయం: సద్గురులీల ( ఫిబ్రవరి – 2016)

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• ఊదీ లీల – తగ్గిన కడుపు నొప్పి
• తిట్టినా వరమిచ్చు కరుణామయుడు శ్రీ సాయి–Audio
• బాబా ఆమె ప్రక్కనే తన చేతితో లాంతరు పట్టుకుని నిలబడ్డారు–Audio
• ” ఊదీ ” మహిమతో ఎంతటి నొప్పి అయినా మటుమాయం …………………!
• నిన్ను చూడనీ! …..సాయి@366 డిసెంబర్ 12….Audio