ఓం శ్రీ దత్త స్వామినే నమః …. మహనీయులు – 2020…ఫిబ్రవరి 7

సాయిబాబాను దత్త పంచకంలో ఒకరిగా భక్తులు పూజిస్తారు.

దత్త పంచకంలో మరొకరు అక్కల్ కోట మహారాజు. అక్కల్ కోట మహారాజు శిష్యుడే కృష్ణ సరస్వతి. ఈయననే దత్తస్వామి అని కూడా పిలుస్తారు. కొల్హాపూర్ లో ఉండేవాడాయన.

కృష్ణ సరస్వతికి ఎందరో శిష్యులు. శిష్యులు ఎంత దూరంలో ఉన్నా ఆయన కరుణ వెన్నంటి ఉండేది.

గణపత్  యొవలూజ్(Yeolooj)లో ఉండేవారు. పండరీపుర యాత్ర చేసేవారు. పండరీపురానికి వెళ్ళేవారికి ఆతిధ్యం ఇచ్చేవాడు, ఉన్నంతలో, అతడు ధనికుడు కాదు.

ఒకసారి రెండు వందల మంది పండరీపురానికి వెళ్తూ, భోజన వసతికై ఆ ఊరిలో ఆగారు. ఎవరూ భోజనాలు ఏర్పాటు చేయలేదు.

గణపత్ తానే అందరికి భోజనానికి ఏర్పాటు చేస్తానన్నాడు. తుకారాం అనే వర్తకుని సరుకులు అడిగినాడు గణపత్.

వడ్డీకైతే ఇస్తానన్నాడు. సరే, అని గణపత్ అంగీకరించి, వంటకు ఏర్పాట్లు చేసి వడ్డన చేయించసాగాడు.

రెండు వందల మంది తినగా, ఇంకా ఆహార పదార్దాలు మిగిలినాయి. ఆ ఊరి వారినందరిని పిలిచి భోజనం పెట్టాడు.

ఇంకా ఆహార పదార్దాలు మిగిలినాయి. చుట్టుప్రక్కల గ్రామాల వారికి కూడా భోజనం పెట్టాడు. కుక్కలు, పిల్లులు, ఇతర జీవులు కూడా తిన్నాయి.

రెండు వందల మందికి వండిన వంట రెండు వేలమందికి సరిపోయింది. ఈ అద్భుతం చూచిన ఆ ఊరి వారందరు తలా కొంత డబ్బు ఇవ్వబోగా, గణపత్ నిరాకరించాడు.

తుకారాం మనస్సు మారింది. వడ్డీ ఇవ్వనక్కరలేదు. అసలు డబ్బును నీకిష్టమైన, వీలున్నప్పుడు, ఎంతైనా ఇవ్వవచ్చును అన్నాడు.

ఇదంతా దత్తరూపుడైన తన గురువు దత్తస్వామిదని విన్నవించుకున్నాడు. ఇటువంటి లీల సాయి సచ్చరిత్రలో కూడా ఉంది.

సమర్థ రామదాసు భక్తుడొకడు కొల్హాపూర్ లో ఉంటున్న స్నేహితుని వద్దకు వెళ్ళాడు.

ఆ స్నేహితుడు దత్తస్వామి మఠానికి పోతుంటే, సమర్థ రామదాసు భక్తుడు “సమర్థ రామదాసు వంటివారు ఉండరు” అని, అతనితో దత్తస్వామి మఠానికి బయలుదేరాడు.

సమర్థ రామదాసు భక్తుడు ఒక టెంకాయను కొన్నాడు దత్తస్వామికి సమర్పిద్దామని. కానీ మనసులో “ఇదో దండగ” అనుకున్నాడు.

స్నేహితులిద్దరు దత్తస్వామి వద్దకు వెళ్ళారు, రామదాసు భక్తుని చూసి “ఇదో దండగ” అన్నారు దత్తస్వామి

భక్తుని పైప్రాణాలు పైనే పోయాయి. “నేను సమర్థ రామదాసును కాను. నిజమే, రామదాసు హనుమంతుని అవతారం. ఇదిగో నాకు తోక ఉన్నది చూడు” అని వెనుదిరిగి తోకను చూపించారు అందరకూ.

దత్తస్వామి ముందుకు తిరిగాడు, దత్తస్వామికి బదులుగా నిలువెత్తు హనుమంతుడు సాక్షాత్కరించాడు. అందరు ఆనందించారు.

కొద్దిసేపటికి దత్తస్వామి చిరునవ్వుతో కనిపించారు. రామదాసు భక్తుడు నిండు మనసుతో దత్తస్వామికి టెంకాయను సమర్పించాడు.

నేడు ఫిబ్రవరి 7, దత్తస్వామి జన్మదినం.

స్వామిని స్మరిద్దాం! ఓం శ్రీ దత్తస్వామినే నమః

Written by: Mullapudi Panduranga Sainath &  Munnaloori Bose.

Collected and Presented By: Mr: Sreenivas Murthy

Latest Miracles:

• జయ జయ శ్రీరఘవీర సమర్థ …. మహనీయులు – 2020…ఫిబ్రవరి 22
• రామ లీల … మహనీయులు – 2020… జూలై 25
• అద్భుతం కేశవం…..మహనీయులు – 2020 – జనవరి 22
• ఓం చితంబరాయ నమః…. మహనీయులు – 2020… మార్చి 7
• అల్లుడే సద్గురువు …. మహనీయులు – 2020… సెప్టెంబరు 1