ఒకే ఒక్కడు …. మహనీయులు – 2020… మార్చి 23

సేవలందుటేగాని సేవించుటెరుగని కృష్ణమూర్తితో ఏకబిగిని 12 ఏండ్లు సేవలొందిన ఏకనాథుడు మహాభక్తుడు.

గృహస్తాశ్రమం ఆధ్యాత్మిక మార్గానికి అడ్డుకాదని చూపాడు ఏకనాథుడు.

కుమారుని ఇష్టం కోసం మరాఠీ భాషలో రచనలు చేయనని, ఇతరులు చేతి భోజనం చేయనని వాగ్దాన మిచ్చిన ఆదర్శ పిత.

తనకు లభించిన పుణ్యాన్ని ధారపోస్తే, ఒక వ్యక్తి కుష్టురోగం తొలగుతుందని తెలిసిన మరుక్షణం, ఆ పుణ్యాన్ని ధారపోసిన మహాత్యాగి.

అన్ని దానములలోను అన్నదానము శ్రేష్టమైనదిగా భావించి, జీవించినంతకాలం అన్నదానం చేసిన అన్నదాత.

దండవత్ స్వామి మరణానికి కారణభూతుడవని సమాజం విధించిన ప్రాయశ్చిత్తం (రాతి నందిచే గడ్డి తినిపించటం) చేసుకున్న ఏకనాథుడు సంఘజీవి.

ఇక ఆ నందిని జనులు చమత్కారాలు చేసి చూపమని బాధిస్తారని, జలసమాధి చేసుకొనిన ఏకనాథుడు మానసిక శాస్త్రవేత్త.

ఎన్నిసార్లు తనపై ఉమ్మివేసినా అన్నిసార్లు గోదావరిలో స్నానం చేసి, ఉమ్మివేసిన వ్యక్తికి కృతఙ్ఞతలు చెప్పిన ఏకనాథుడు సహనశీలి.

బాల్యంలోనే గురుప్రాశస్త్యం తెలిసి, గురువు కోసం  గృహాన్ని వదిలి అన్వేషణ చేసిన ఏకనాథుడు సద్గురు చరణ శరణాభిలాషి.

గురువు నిర్దేశించిన జమా లెక్కల పద్దులో వీసము వ్యత్యాసమును సరిదిద్దుటకై అహోరాత్రాలు నిద్రాహారములు లేకుండా శ్రమించిన ఏకనాథుడు శ్రద్ధాళువు.

గురువు జనార్ధనుడు ధ్యానములో నుండగా, దండెత్తిన విరోధులతో గురు దుస్తులు ధరించి, సైన్యమును నడిపించి విజయము పొందిన వీరాధివీరుడు ఏకనాథుడు.

గంగా జలాన్ని రామేశ్వరానికి తీసుకుపోతూ, మార్గములో శోషించిన గాడిదపై పవిత్ర గంగా జలాన్ని ప్రోక్షించి, గాడిద దాహమును తీర్చిన ఏకనాథుడు కారుణ్యశీలి.

సేవలుచేసి గురుకటాక్షముతో, దత్తాత్రేయ దర్శనము పొందిన ఏకనాథుడు భాగ్యశాలి.

జ్ఞానేశ్వరుని సమాధిని సరిచేసి, శుద్ధ జ్ఞానేశ్వరిని లోకమునకు అందించిన ఏకనాథుడు పుణ్యమూర్తి.

ఇలా.. ఇలా …ఎన్నోన్నో ఏకనాథుని జీవిత సాగరంలోని అలలు.

“ఆ పైఠాన్ బ్రాహ్మణుడు నాకు బాగా తెలుసు. అంతటి శ్రేష్టమైన బ్రాహ్మణుడు ఈ రోజులలో ఎవరు కనిపిస్తారు?” అని ఏకనాథుని గూర్చిన సాయి పలుకులకంటే ఎవరు ఏకనాథుని దర్శించగలరు?

నేడు మార్చి 23. తపాలా శాఖవారు ఏకనాథుని స్మారకంగా తపాలా బిళ్ళను విడుదల చేశారు.

ఏకనాథుని స్మరించి తరించెదము గాక!

Written by: Mullapudi Panduranga Sainath &  Munnaloori Bose.

Collected and Presented By: Mr: Sreenivas Murthy

Latest Miracles:

• రమ్య భవనం …..సాయి@366 మే 20….Audio
• ఆనందదాయకుడు…. మహనీయులు – 2020 – జనవరి 23
• ఒకే మాట! … మహనీయులు @2020 – జనవరి 7
• బాల గురువు … …. మహనీయులు – 2020… మార్చి 30
• ఒక్కడు చాలు! .. …. మహనీయులు – 2020… డిసెంబరు 27