అచేతనావస్థలో ఉన్న కుమార్తెను బాబా వారి రాతి వద్ద వదలి వెళ్ళుట…Audio

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

This Audio prepared by Mr Sri Ram

సాయి బంధువులకు బాబా వారి ఆశీస్సులు

అచేతనావస్థలో ఉన్న కుమార్తెను బాబా వారి రాతి వద్ద వదలి వెళ్ళుట.

1982 మే నెలలో శ్రీమురళీధర్ భికా సోనావనె తమ కుమార్తెకు వ్యాధి సోకడం వల్ల శ్రీసాయినాధ్ ఆస్పత్రిలో చేర్పించారు.

డాక్టర్లు పరీక్ష చేసి ఆమె జబ్బు మందులతో నయం కాదని, యిక చేసినా ఫలితం లేదని యింటికి తీసుకొనిపొమ్మని చెప్పారు.  ఎంతో బాధతో తల్లిదండ్రులు ఆమెను తిరిగి యింటికి తీసుకొని వచ్చారు.

మరలా యింకొక డాక్టరు వద్దకు తీసుకొని వెళ్ళి ఆయన అభిప్రాయం కూడా తెలుసుకొందామని డా.గొడేకర్ గారి దగ్గరకు తీసుకొని వెళ్ళారు.

ఆయన పరీక్షించి బాబా దయతోనే ఆ అమ్మాయి  బ్రతకాలి తప్ప యిక చేయగలిగిందేమీ లేదని చెప్పారు.  తల్లిదండ్రులు అమ్మాయిని యింటికి తీసుకొని వచ్చారు.

యింటికి తీసుకొని రాగానే ఆ అమ్మాయి అచేతనంగా కళ్ళు తెరచుకొని ఉండిపోయింది.  అమ్మాయి పరిస్థితి చూసి తల్లిదండ్రులు భయపడిపోయి ఏడుస్తూ ఆమెని ద్వారకామాయికి తీసుకొని వచ్చారు.

ఆమెను, బాబావారు ఎప్పుడూ కూర్చునే రాయి వద్ద క్రింద  పడుకోబెట్టారు.

నాడి కోట్టుకోవడం మెల్లగా తగ్గిపోతూ యిక ఆగిపోయే స్థితికి వచ్చింది.  బరువెక్కిన హృదయంతో వారు ఊదీ కలిపిన నీటిని, తీర్ధాన్ని ఆమె నోటిలో పోశారు గాని, ఫలితం లేదు.

పోసిన తీర్ధం బయటకు రాసాగింది. ఆమె శరీరాన్ని అక్కడే ఉంచి యిద్దరూ కూడా ధుని వద్ద ఉన్న బాబా ఫొటో వద్దకు వెళ్ళి ప్రార్ధించసాగారు.

ఆమెని బాబావారి ద్వారకామాయికి తీసుకునిరావడంతోనే అనారోగ్యంతో ఉన్న అమ్మాయికి కాస్త ఉపశమనం కలిగింది.

ఒక నిజమైన భక్తునిగా చేసిన ప్రయత్నాలన్న్నీ చేసి ఆఖరి ప్రయత్నంగా భారమంతా సాయి మీద వేశారు.  నీటిలో మునిగేవాడికి గడ్డిపరక అధారంగా దొరికినట్లుగా ఉంది వారి పరిస్థితి.

అరగంట తరువాత వారు తమ కుమార్తెని పడుకోబెట్టిన చోటుకి, బాబా వారి రాతివద్దకు వచ్చి చూశారు.  కాని అక్కడ వారికుమార్తె లేదు.

వారి కుమార్తె ద్వారకామాయికి దక్షిణం వైపు వున్న గోడవద్ద అక్కడ ఉన్న పిల్లలతో కలిసి ఆడుకొంటు కనపడింది.  ఆనందం పట్టలేకపోయారు. వారి ఆనందానికి అవధులు లేవు.

బాబావారు 15 అక్టోబరు  1918 న మహాసమాధి అయిన తరువాత, ఇప్పుడు మే నెల 1982 లో ద్వారకామాయిలో ఆ పాపని కాపాడారు.

ఆంబ్రోసియ ఆఫ్టర్ సమాధి (ఆధారం)
రామలింగస్వామి

సర్వం సాయినాథర్పాణమస్తు

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• బాబా వారి సటకా దెబ్బ–Audio
• సబూరి తో ఉన్న నాకు బాబా వారి కృపతో మెడనోప్పి, వెన్నునొప్పుల భాదలు తొలగిపోవుట
• సాయి మార్గములో పెద్దలు(శ్రీ నాంపల్లి బాబా, శ్రీ రామిరెడ్డి తాత)
• K. రాజుపాలెం గ్రామం వద్ద హైవే మీద ఉన్న శ్రీ శిరిడీ సాయిబాబా మందిరం
• బాబా “6 నెలలు వేచి ఉండు, అప్పుడు చూడు తప్పు చేసిన వారి పరిస్తితి” అన్నారు.—Audio