చద్ది కూడు.. …. మహనీయులు – 2020… అక్టోబరు 3



Sai Baba   ...   Sai Baba ...   Sai Baba  ...   Sai  Baba (click here)

Those who chant my name repetedly, I will protect them always...Sai Baba


సాయిబాబాకు షిరిడీలో భిక్ష ఇచ్చిన గృహాలు ఉన్నాయి. కానీ, ఆ గృహాలు సాయిబాబాకు మాత్రమే భిక్ష ఇచ్చాయి. సాయి సందర్శకులకు, అతిధులకు, భక్తులకు కాదు.

ఒకసారి బుద్ధుడు భద్రి గ్రామానికి వెళ్లాడు. ఆయనను చూడటానికి ధనంజయుడు అనే ధనవంతుడు కుటుంబంతో వెళ్ళాడు.

ధనంజయునితోపాటు వెళ్లిన ఆయన కుమార్తె విశాఖను చూచి “ఈమె నా ప్రధాన శిష్యురాలై, అందరికి తల్లిలాగ ఉంటుంది” అన్నారు.

కొంతకాలం గడిచింది.

ఒక దినాన విశాఖ చెలికత్తెలతో నదీ స్నానానికి వెళ్లింది. దారిలో పెద్ద వర్షం వచ్చింది.

విశాఖ తప్ప తక్కిన స్నేహితురాండ్రందరూ పరుగెత్తి ఒక మండపంలో తలదాచుకున్నారు.

విశాఖ నడుచుకుంటు వెళ్లింది కాని పరుగెత్తి పోలేదు. ఈ విషయాన్ని గమనించిన ఒక వ్యక్తి “వానలో తడుస్తూ రావటం ఎందుకు? పరుగెత్తుకు రావచ్చుగా?” అని అడిగాడు.

విశాఖ ఆ మాటలకు బెదరక, వెరవక, సిగ్గుపడకుండా “సభకు వస్తున్న రాజు, పరుగులు తీస్తూ వస్తే అనుచితంగా ఉంటుంది. సన్యాసి పరుగెత్తటం సముచితం కాదు, స్త్రీలు పరుగెత్తటం అందంగా ఉండదు.

అదీ కాక పెళ్లికాని పిల్ల పరిగెత్తి, పడి, కాళ్లు విరగ్గొట్టు కోవటంకన్నా, వర్షంలో తడవటం నయం కదా? ఆ సంగతులన్నీ మీకు తెలియవా?” అన్నది విశాఖ.

ఈ సంఘటనను అతడు మిగారుడు అనే ధనవంతునికి చెప్పారు.

మిగారుడు తన కుమారునకు అందమైన, తెలివితేటలున్న కోడలు కోసం అన్వేషిస్తున్నాడు. మిగారుడు ఆమెను తన కోడలుగా చేసుకున్నాడు.

మిగారుడు తన కోడలికి ఎంతో గౌరవాన్ని ఇచ్చేవాడు. కోడలు కూడా అంతే.

ఒకనాడు ఒక బౌద్ధ భిక్షువు మిగారుని ఇంటికి భిక్షకు వస్తే, “ఇది ఎంగిలి కూడు, పాచిపోయిన అన్నం తినే యజమాని ఇల్లు. ఇంక మీకేం పెడతారు. వేరే ఇల్లు చూసుకోండి” అంది విశాఖ బౌద్ధ భిక్షువులతో, మిగారునికి కోపం వచ్చి విశాఖను ఇంట్లోంచి పొమ్మన్నాడు.

ఆమె శాంతంగా “మామ గారు మీరు జన్మ పరంపరలో చేసుకున్న కర్మ ఫలితంగా అనుభవిస్తున్నారు. అంటే ఈనాడు మీరు తింటున్నది, పూర్వ జన్మలో చేసుకున్న పుణ్య ఫలాన్ని ఇప్పుడు అనుభవిస్తున్నారంతే అనే అర్థంతో మాట్లాడాను” అంది.

అతడు తన తొందరపాటుకు నొచ్చుకున్నాడు. బౌద్ధం స్వీకరించాడు. ఇక ధార్మిక కార్యక్రమాలు చేసేవాడు, విశాఖ చేత కూడా చేయించేవాడు.

ఆమె పుబ్బారామ (తూర్పు తోటను) అనే ఆరామాన్ని నిర్మించి బుద్ధునకు (అంటే బౌద్ధ సంఘమునకు కూడా) ఇచ్చింది.

బుద్ధుడు తన 45 ఏండ్ల సుదీర్ఘ కాలంలో ఆరు వర్షఋతువులు అక్కడే గడిపాడు.

బుద్ధుడు “తమకు ప్రాప్తించిన సంపద ద్వారా ఎన్నో పుణ్య సుమమాలలను విశాఖ వలె తయారు చేయవచ్చు” అన్నాడు.

తేదీ వివరాలు లేవు.

విశాఖ వలె మనం కూడా ఉందుము గాక!

Written by: Mullapudi Panduranga Sainath &  Munnaloori Bose.

Collected and Presented By: Sreenivas Murthy

Latest Miracles:


Sai Baba   ...   Sai Baba ...   Sai Baba  ...   Sai  Baba (click here)

Those who chant my name repetedly, I will protect them always...Sai Baba


Satcharitra (Telugu Audio) by RCM Raju

Sai Satcharitra – English (USA and Indian Accent)

Shirdi Live Today

Sai Baba Miracles