బైకు యాక్సిడెంట్ వల్ల అవధూతల దర్శనము

బైకు యాక్సిడెంట్ వల్ల అవధూతల దర్శనము.

సాయిబంధువులందరికీ సాయిరాం. నా పేరు సాయిమూర్తి. నేను హైదరాబాదులో ఉంటాను. మొన్నటి వరకు బాబాగారు నాకు చూపించిన లీలలు మీ అందరికీ షేర్ చేసాను. ఇప్పుడు బాబాగారి ఇంకొక లీల మీకు షేర్ చేస్తున్నాను. ఇదే సంవత్సరం 2016 మార్చి నెలలో సాయిబంధుడైన బండి రాము నాకు ఫోన్ చేసి అన్నయ్యా రేపు ఘటకేసర్, రాంపల్లిలో బాబాగారి విగ్రహ ప్రతిష్ట ఉంది. ముమ్మడివరం నుంచి, శ్రీ కాళహస్తి నుంచి ఇంకా వేరే ప్రదేశాల నుంచి అవధూతలు వస్తున్నారు, నీవు తప్పక రావాలి అని చెప్పాడు. సరే రాము ఇంతవరకు అవధూతల్ని చూడలేదు. నేను తప్పక వస్తానని చెప్పాను. మరుసటి ఉదయం నేను బైక్ మీద ఆఫీసుకి బయలుదేరాను. ఉదయం 8.30 కి రాము ఫోన్ చేసి అన్నయ్యా మీ ఆఫీసు దగ్గరికి 10.30 కి వచ్చి మిమ్మల్ని తీసుకెళ్తాను అని చెప్పాడు. ఇంత ఎండలో నేను రాను నువ్వు వెళ్ళు అని చెప్పాను. అదేంటన్నయ్య మీరు వస్తారని చాలా ఆశ పడ్డానని రాము బాధ పడ్డాడు. లేదబ్బ నేను రాను అని ఫోన్ పెట్టేసాను. బైక్ స్టార్ట్ చేసి ఒక్క రెండు నిమిషాల దూరం వెళ్ళిన తరువాత నా బైక్కి అడ్డుగా(సడన్ గా)ఒక మనిషి అడ్డు వచ్చాడు. వెంటనే బైక్ అతన్ని డీ కొట్టింది. మైనర్ accident అయ్యింది.

వెంటనే రాముకి ఫోన్ చేసి 10.30 కి మా ఆఫీసు దగ్గరకు వచ్చేసెయ్ నేను పర్మిషన్ తీసుకొని వస్తాను అని చెప్పాను. ఇద్దరం కలిసి మధ్యాహ్నం 12.30 కి రాంపల్లి చేరుకున్నాము. నిజంగా ఆ రోజును నేను మర్చిపోలేను. ఐదుగురు అవధుతలు వచ్చారు. వాళ్ళందరు వింతగా ప్రవర్తిస్తున్నారు. నాకు మొదట భయం వేసింది. తర్వాత ఒకరి దగ్గరికి వెళ్ళి పాదాలకు నమస్కారం చేసాను. కూర్చోరా అని గట్టిగా అరిచారు. వెంటనే క్రింద కూర్చున్నాను. అక్కడ ointment ఉంది నా కాలుకి రాయి అన్నారు. అలానే సేవ చేస్తూ పాదాలు నొక్కుతూ “స్వామీ” నన్నెప్పుడూ బాబాగరి సేవలో ఉండేటట్లు చేయండి అని వేడుకున్నాను. నువ్వు బాబాని వదిలినా, నిన్ను బాబా వదలరు రా అని అన్నారు. చాలా సంతోషం స్వామి అని సేవ చేస్తూనే ఉన్నాను. స్వామి గురించి ఇస్తరాకులో భోజనం తెచ్చారు. కొంచెం తిని వదిలేసారు. మిగతాది అక్కడున్న అందరము ప్రసాదంగా స్వీకరించాము. అలా మిగతా అవధూతలకి సాష్టాంగ నమస్కారము చేసి వారి ఆశీర్వచనాలు తీసుకున్నాను. అందులో ఒక స్వామి మటుకు దిగంబరుడు. 2016 మార్చి నెల నేను జీవితాంతం గుర్తు పెట్టుకుంటాను. అదే నెలలో నా పుట్టినరోజు. ఇంకా నాకు జరిగిన బాబాగారి లీలలు ఉన్నాయి. కాళీ దొరికినప్పుడు నా సాయిబంధువులందరికీ షేర్ చేస్తాను.[గమనిక: ఐదుగురి ఆశీర్వాదము తీసుకున్న రెండు నెలల తర్వాత “శ్రీ సాయిసచ్చరిత్ర” బాబాగారి ఆశీర్వాదముతో దిగ్విజయంగా ఎటువంటి ఆటంకం లేకుండా పోస్ట్ చేస్తున్నాను.]రాము సెల్  నెం. 9985726768.

“అంతా సాయి మయం, జగమంతా సాయిపధం.”

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• కష్టాలలో ఉన్న భక్తుని ఆధ్యాత్మిక మార్గంలోనికి తీసుకొని వచ్చిన అవధూతల దర్శనం…Audio
• చిన్న దెబ్బ కూడా తగలకుండా, పెద్ద యాక్సిడెంట్ నుంచి కాపాడిన బాబా వారు
• యాక్సిడెంట్ జరిగే సమయానికి మా పాప నాతో ఉండకుండ చూశారు బాబా–Audio
• బాబా వారి దయ వల్ల గుండె నొప్పి నయమగుట—Audio
• బాబా దయ అనుగ్రహం వల్ల మా పాప క్షేమంగా ఉంది–Audio