‘‘ఈ చేతుల్ని చూసిన గుర్తుందా నీకు?’’

అనంతకోటిబ్రహ్మాండ నాయకరాజాధిరాజయోగిరాజపరబ్రహ్మశ్రీసచ్చిదానందసమర్థసద్గురుసాయినాథ్మహరాజ్కీజై!!

ముందు భాగం కోసం ఇక్కడ  క్లిక్ చేయండి

(సాయి బాబా వారి భక్తులకి మనవి : బాబా జీవిత చరిత్రను చిన్న చిన్న కథల రూపం లో పిల్లలకు అందచేసే విధముగా రచయిత వ్రాశారు. కల్పితాలు అనుకోవద్దు అని మనవి.)

 

 

తమ్ముణ్ణి వెదుక్కుంటూ సాకోరీకి చేరుకున్నాడు. అక్కడ ‘ఉపాసిని బాబా’గా ప్రఖ్యాతుడయిన తమ్ముణ్ణి కలుసుకున్నాడు. ఆనందించాడు.‘‘సాధించావు నాయనా, గొప్పవాడివయ్యావు.’’ తమ్ముడి అభివృద్ధికి పొంగిపోయాడు బాలకృష్ణ.

‘‘నేను ఈ స్థితిలో ఇలా ఉన్నానంటే దానికి కారణం ఎవరో తెలుసా?’’‘‘ఎవరు నాయనా?’’‘‘బాబా! షిరిడీ సాయిబాబా’’ చెప్పాడు కాశీనాథ్‌. ఆశ్చర్యపోయాడు బాలకృష్ణ.‘‘షిరిడీకి వెళ్ళి, బాబాని దర్శించు. నీకంతా తెలుస్తుంది.’’ అన్నాడు కాశీనాథ్‌. కాదనలేదు బాలకృష్ణ.

షిరిడీకి ప్రయాణం అయ్యాడు. బాబా ముస్లిం, మసీదులో ఉంటాడు. పట్టించుకోలేదిప్పుడు బాలకృష్ణ.

బాబా దేవుడు. తన తమ్ముణ్ణి ఉద్ధరించాడు. గొప్పవాడనుకున్నాడు. ద్వారకామాయికి చేరుకుంటూనే బాబాకి జేజేలు పలికాడు బాలకృష్ణ.

బాబాని దర్శిస్తూనే చేతులు జోడించాడు. తనకి జోడించిన చేతుల్ని ఆప్యాయంగా అందుకున్నారు బాబా. తన చేతుల్ని చూపించారు.‘‘ఈ చేతుల్ని చూసిన గుర్తుందా నీకు?’’ అడిగారు. బాలకృష్ణ తదేకంగా బాబా చేతుల్ని పరిశీలించాడు. గుర్తొచ్చిందతనికి.‘‘ఇవి…ఈ చేతుల్ని గయలో నదిలో చూశాను.’’ అంటూ బాబా చేతుల్ని అందుకున్నాడు బాలకృష్ణ.

‘‘నిజమే చెప్పావు. అక్కడ నదిలో నువ్వు వదలిన పిండాల్ని అందుకున్నది నేనే.’’ అన్నారు బాబా.ఆశ్చర్యపోయాడు బాలకృష్ణ.‘‘నదినీ నేనే, నీ మదినీ నేనే. పూజల్నే కాదు, పిండాల్ని కూడా నేనే స్వీకరిస్తాను. ’’ అన్నారు బాబా.అనుమానం లేదు, బాబా సర్వాంతర్యామి అనుకున్నాడు బాలకృష్ణ.

బాబా చేతుల్ని కళ్ళకద్దుకున్నాడు ఎవరికి ఎప్పుడు బాబా అనుగ్రహం లభిస్తుందో చెప్పడం కష్టం అంటారు సాయి భక్తులు. దాన్ని నిజం చేస్తుంటారు బాబా. నిజం చేసి చిద్విలాసంగా నవ్వుతుంటారు.

తరువాత భాగం కోసం ఇక్కడ క్లిక్ చేయండి

 

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• బాబా వారి యొక్క అమృతతుల్యమగు పలుకులు (మీ రెక్కడ నున్నప్పటికి నేమి చేసినప్పటికి నాకు తెలియునని బాగుగా జ్ఞాపకముంచుకొనుడు)–Audio
• ఊధీ మహిమ – ఊపిరితిత్తుల వ్యాది మటుమాయం–Audio
• ‘‘చరాచర జీవకోటినంతా రక్షించే మీకేమిటి బాబా ఈ బాధ?
• శుభ దినాన శుభ సంకల్పం – మహనీయులు – 2020 – జనవరి 1
• షిరిడీకి వెళ్ళి బాబాని దర్శించండి. వారు మీ తమ్ముడి జాడ తప్పక చెబుతారు.