జోగ్‌, నేను మరణించాననుకుని, హారతి ఇవ్వడం లేదు. నువ్వయినా వచ్చి హారతి ఇవ్వు.

అనంతకోటిబ్రహ్మాండ నాయకరాజాధిరాజయోగిరాజపరబ్రహ్మశ్రీసచ్చిదానందసమర్థసద్గురుసాయినాథ్మహరాజ్కీజై!!

ముందు భాగం కోసం ఇక్కడ  క్లిక్ చేయండి

(సాయి బాబా వారి భక్తులకి మనవి : బాబా జీవిత చరిత్రను చిన్న చిన్న కథల రూపం లో పిల్లలకు అందచేసే విధముగా రచయిత వ్రాశారు. కల్పితాలు అనుకోవద్దు అని మనవి.)

 

అదే రోజు లక్ష్మణ్‌ జోషికి కూడా కలలో కనిపించారు బాబా.‘‘జోషీ’’‘‘బాబా’’‘‘నాకు రోజూ హారతినిచ్చే జోగ్‌, నేను మరణించాననుకుని, హారతి ఇవ్వడం లేదు. నువ్వయినా వచ్చి హారతి ఇవ్వు. అయినా నాకు మరణం ఏమిటి జోషీ?’’ అడిగారు బాబా.

అవును! మీకు మరణం ఏమిటి? అని చెప్పాలనుకున్నాడు జోషి. ఆ మాట చెప్పేందుకే అవకాశం లేకుండా పోయింది. అదృశ్యమయిపోయారు బాబా.

మేలుకుని చూశాడు జోషి. అప్పటికే బాగా తెల్లారిపోయింది. మరి పడుకోలేదు. స్నానం చేసి, పూజాద్రవ్యాలు పట్టుకుని, ద్వారకామాయికి పరుగుదీశాడు జోషి. చేరుకున్నాడక్కడికి.

బాబాని సమీపిస్తోంటే మౌల్వీలు అడ్డుకున్నారు. ఖాతరు చేయలేదు జోషి. బాబా పార్థివదేహానికి పూజ చేసి, హారతి ఇచ్చాడు.‘‘శవాన్ని పూజించి, ఎవరయినా హారతిఇస్తారా? మీకేమయినా మతి ఉందా?’’ కోపగించుకున్నారు మౌల్వీలు.

జోషిని బాబా దేహం దగ్గర నుంచి వెనక్కి లాగే ప్రయత్నం చేశారు. అంతలో అక్కడికి చేరుకున్నాడు దాసుగణు.‘‘బాబా మరణించారని ఎవరు చెప్పారు? లేదు, బాబా మరణించలేదు.’’ అన్నాడు దాసుగణు.

అంతా అయోమయంగా చూశారతన్ని.‘‘నేను చెప్పేది నిజం. బాబా మరణించలేదు. మీరే ఆలోచించండి, బాబాకి మరణం ఏమిటి? సర్వాంతర్యామి సెలవు తీసుకుంటాడా?గుర్తు చేసుకోండి, తనకి మరణం లేదని బాబా చెప్పేవారా లేదా? చెప్పిన మాట ఎప్పుడయినా తప్పారా బాబా. లేదు కదా! అందుకే చెబుతున్నాను, బాబా మరణించలేదు.’’ అన్నాడు దాసుగణు.

జోషి తన కల గురించి శ్యామాకి ఎప్పుడు చెప్పాడో ఏమో! వెంటనే శ్యామా కల్పించుకుని ఇలా అన్నాడు.‘‘దాసుగణు చెప్పింది నిజమే! బాబా మరణించలేదు, మరణిస్తే తనకి పూజ చేసి, హారతి ఈయమని జోషిని ఎందుకడుగుతారు బాబా? బాబాకి మరణం లేదు.

బాబా మరణించలేదు.’’‘‘అవును! బాబాకి మరణం లేదు! బాబా మరణించలేదు.’’ ముక్తకంఠంతో అరిచారు భక్తజనం.

భౌతిక దేహానంతరం కూడా తాను అప్రమత్తుడనేనని చాటి చెప్పారలా బాబా.కోరిన విధంగానే బాబాని బూటీవాడాలో సమాధి చేసేందుకు సిద్ధపడ్డారంతా. ఆ నిర్ణయానికి ఆనందించాడు బూటీ.

Latest Miracles:

• “నీ దరిదాపుల్లో మరణం లేదు, నా బాధంతా వాడి గురించే”
• బాబా దేవుడు. ఆయనకి మరణం లేదు
• నువ్వు చెబితే నేను వినాలనేం లేదు. అలాగే నేను చెబితే పైవాడు వింటాడనుకోకు.
• ‘‘నా సమాధిని పూలతో కప్పు. నన్ను పరిమళభరితం చెయ్యి.’’
• అల్లా వెలిగించిన దీపం …..సాయి@366 జూన్ 4….Audio