బాలగంగాధర్ తిలక్ & మహర్షి శుద్ధానందభారతి & శివమ్మతాయి–Audio

This Audio has been prepared by Mrs Lakshmi Prasanna

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులకు బాబా వారి ఆశీస్సులు

బాలగంగాధర్ తిలక్

వీరు భారతదేశ స్వాతంత్రోద్యమమును నడిపిరి. జైలు జీవితమును గడిపిరి. ఖపర్డే వీరికి మిత్రులు. 1917 మర్చి 17వ తేదిన వీరు షిర్డీ దర్శించిరి. బాబా గురు స్థాన్ లో వేపచెట్టు క్రింద కూర్చొని యుండగా బాబాను దర్శనం చేసుకొనెను.

బాబా అతనిని ఆశీర్వదించి “సోజా! స్వరాజ్ ఆతా హై (స్వరాజ్యం వస్తుంది)” అని వీరితో అనిరి. అదే రోజు తిలక్ గారు తిరిగి వెళ్ళిపోయిరి.

మహర్షి శుద్ధానందభారతి

ఇతను కవి, యోగి. 1917లో బాలగంగాధర తిలక్ తోపాటు ఇతను బాబాను దర్శించెను. ఆసమయమున బాబా గురుస్థానంలో వేపచెట్టు క్రింద కూర్చొని యుండెను. ఖపర్డే వారికీ బాబా దర్శనం చేయిన్చిరి.

బాబా శుద్ధానంద భారతిని ప్రేమతో తన వద్దకు పిలిపించిరి. “ఊరుకో! దేవుడు మేలుచేస్తాడు” అని అతనితో అన్నారు.

బాబా వీరికి అచటి వేపచెట్టు వేపాకులు కొన్ని ఇవ్వగా ఆయన నోట్లో వేసుకుంటే అవి తీయగా ఉన్నట్లు ఆయనకు అనిపించాయి.

శుద్ధానంద భారతిలోని నిశ్శబ్ద ధ్యాన వదనము, నెమ్మది స్వభావము బాబాకు నచ్చాయి.

ఆరతి సమయంలో వీరు బాబాపై హిందీలో మంచి పాట పాడారు. అప్పుడు బాబా శుద్ధానంద భారతితో “నోరు మూసుకో. హృదయం తెరుచుకో.

భయపడకు, నేనున్నాను. ప్రశాంతంగా ఉండు. నీవు తుపానునైన ఎదుర్కొన గలవు. ఈ శరీరం త్వరలో నశించవచ్చు. నేను శరీరం కాదు. సాధకులకు సాయం చేసేందుకు నేను అన్ని చోట్ల ఉంటాను” అని అన్నారు.

“బాబా నాకు చైతన్య నిశ్శబ్దాన్ని, అంతర్ వాణితో సంబంధాన్ని ఇచ్చారు. దానితో నేను రమణ మహర్షి, అరవిందులు వంటి మహనీయుల కరుణకు పాత్రుడనైనాను.

నా జీవిత లక్ష్యం సాధించాను. సాయినాధుల జీవశక్తి, సాధకులకు అంతర్ మార్గదర్శియైన శాశ్వత జ్యోతి” అని శుద్ధానంద భారతి అన్నారు.

శివమ్మతాయి

తమిళనాడులోని కోయంబత్తూరు జిల్లా వేళ్ళకిడారు గ్రామస్తురాలు. ఈమెను రాజమ్మ అని కూడా పిలిచేవారు. ఈమె బాబాను స్వయంగా 1915 లో దర్శించినది.

ఒకసారి బాబా చెన్న బసప్ప –వీరభద్రప్ప కధ మశీదులో చెప్పుచున్నప్పుడు ఈమె అచటనే యుండి ఆ కధను విన్నది. 1915 ప్రాంతంలో ఈమె 24వ యేట బాబా ఖండయోగము చేయగా స్వయంగా చూచినది.

అలాగే ధౌతి యోగ క్రియ కూడా చూచినది. బెంగుళూరులోని మడివాల ప్రాంతంలో రూపెన్ అగ్రహారములో శివమ్మతాయి షిర్డీ సాయి ఆశ్రమం ఉన్నది. ఈ వివరం మై లైన్ విత్ షిర్డీ సాయి అను పుస్తకంలో ఉన్నది.

source: షిర్డీ సాయి సన్నిధి ద్వారకామాయి లీలలు, రచన: అల్లూరి గోపాలరావు గారు

సర్వం సాయినాథర్పాణమస్తు

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు

Latest Miracles:

• ప్రేమ బీజాన్ని నాటిన సాయి ….. సాయి@366 మార్చి 7….Audio
• మాకు షిర్డీ వెళ్లి బాబా ని దర్శించుకోవటమే పెద్ద పండుగ.
• సుబ్బారావు గారు సాయి మందిరమును ఏర్పాటుచేయుట—Audio
• బాబా మాట వినక జ్వరము పాలగుట (తుకారాం బర్కు)
• బాబా గురువుగారి అనుగ్రహం వల్ల మగ బిడ్డ ప్రసవం.