శ్రీ సాయిబాబా దయతో నాకు కొత్త జీవితాన్ని ప్రసాదించారు

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులారా మరియు దివ్యాత్మ స్వరూపులారా అందరికీ సాయి శుభాశీస్సులు

అది 31.8.1978 గురువారం. బాబా గొప్ప కరుణతో ఆరోజు నాకు పునర్జన్మను ప్రసాదించారు. ఆరోజు ఉదయం నా భార్య, నేను అనారోగ్యంతో ఉన్న మా బంధువుని చూడటానికి హరి కిసాన్ దాస్ ఆసుపత్రికి వెళ్ళాము. తరువాత మేము కొన్ని పత్రాలను సమర్పించడానికి ఆదాయ పన్ను కార్యాలయానికి వెళ్ళాము.

అక్కడ నుండి లాల్ బాగ్, పరేల్ నుండి మేము నివసిస్తున్న శాంతాక్రూజ్ బస్సులో వెళ్దామని  వేచి ఉన్నాము. అది మధ్యాహ్న సమయం, పైగా ఆరోజు చాలా వేడిగా ఉంది. కాసపట్లో ఒక డబుల్ డెక్కర్ బస్సు వచ్చింది. మొదట నా భార్య బస్సు ఎక్కింది.

నేను కూడా బస్సు ఎక్కడానికి అక్కడ ఉన్న హ్యాండిల్ పట్టుకోన్నాను అంతలో బస్సు కదిలింది, దానితో నేను పట్టును కోల్పోయి రోడ్డు పైకి విసిరివేయబడ్డాను. అలా పడిపోతున్నప్పుడు నేను బాబాని తలుచుకున్నాను.

అదృష్టవశాత్తు, బాబా యొక్క దయ వలన, నేను రోడ్డు మీదకి విసిరివేయబడ్డప్పటికి నా తల రోడ్డుకు గుద్దుకోలేదు. నా భార్య మరియు ఇతర ప్రయాణీకుల అరుపులతో బస్సు ఆగింది. అప్పటికే బస్సు నేను పడిన స్థలం నుండి ఇరవై అడుగుల దూరం వెళ్లిపోయింది.

నా భార్య మరియు కొందరు ప్రయాణీకులు నేను చనిపోయనెమో లేక శరీర భాగాలపై పలు గాయాలు తగిలి ఉంటాయేమోనని అని అనుకుంటూ నా వైపు పరుగెత్తుకుంటూ వచ్చారు. కానీ బాబా యొక్క కృపతో, అక్కడ నేను ఎటువంటి గాయం లేకుండా సజీవంగా ఉన్నాను.

బాబా యొక్క దయ వలన ఒక వాహనం కూడా బస్సు వెనుక లేవు. ఒకవేళ బస్సు వెనుక వాహనాలు ఉండి ఉంటే నేను ఆ వాహనాల కింద పడి తీవ్రంగా నుజ్జు నుజ్జు అయిపోయే వాడిని. ఆ రోజు నాకు మరియు నా కుటుంబానికి ఒక గొప్ప రోజు.  ఆరోజు శ్రీ సాయిబాబా దయతో నాకు కొత్త జీవితాన్ని ప్రసాదించారు.

శ్రీ అరవింద్ జె మెహతా

ముంబాయి

శ్రీ అరవింద్ గారి మరో అనుభవం రేపు

source: సాయి లీల మ్యాగజైన్ జనవరి_ఫిబ్రవరి 2004

సర్వం సాయినాథర్పాణమస్తు 

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• బాబా దయ వల్ల బ్యాగు లో కాష్ తీయలేదు.—Audio
• సాక్షాత్తు శ్రీ సాయిబాబావారే నాకు ఆయుష్యును ప్రసాదించారు.
• నా   బ్యాగ్   తప్పిపోయింది   అని తెలిసి   నాకు  కన్నీళ్లు   వచ్చాయి   బ్యాగ్ లో   నా  సర్టిఫికెట్స్ ఉన్నాయి.
• ఉద్యోగం తో నువ్వు నా దర్శనానికి రావాలి అనుకున్నాడు కాబోలు అప్పుడు నాకు దర్శన భాగ్యం ప్రసాదించాడు
• నా కోరిక ప్రకారం బాబా వారి వెన్నముద్ద ప్రసాదాన్ని గురువుగారు నాకు ప్రసాదించారు.