గురువారం నాడు గృహప్రవేశం పెట్టుకో

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులకు బాబా వారి ఆశీస్సులు

ఒకప్పుడు సొంత ఖర్చుతో తన కోసం, తన కుటుంబం కోసం ఇల్లు నిర్మించుకోమని బాబా పురందరేకు చెప్పారు.  పురందరే అతి కష్టము మీద బాంద్రా శివార్లలో ఏకాంత ప్రదేశంలో భూమిని కొని, నిర్మాణాన్ని ప్రారంభించాడు. కాని తీవ్రమైన తలనొప్పితో బాధపడుతుండేవాడు.

ఇంకా ఆ భాదను భరించలేక, ‘అటువంటి భరించలేని నొప్పిని ఇవ్వడానికి బదులు మీరు నా జీవితాన్నే ముగించేస్తే బాగుంటుంది’ అని బాబాకి ఒక లేఖ వ్రాసాడు. ఆ లేఖను డాక్టర్ పిళ్ళైకి ఇచ్చి, దానిని బాబాకు ఇవ్వమని కోరాడు. లేఖను అందుకున్న బాబా హృదయం కరిగిపోయింది. ఆయన ఊధి తోపాటు ఒక చిన్న ప్యాకెట్లో ఒక మెత్తని పొడిని కూడా పంపించారు. ఆయన పురందరేను ఆ పొడి పీల్చమని చెప్పారు.

పురందరే బాబా చెప్పినట్లు చేయడంతో అతని తలనొప్పి తగ్గిపోయింది. కొద్దిరోజుల తర్వాత అతను ‘గ్రహ ప్రవేశం’ ఎప్పుడు చేయాలని ఆయనను అడుగుతూ బాబాకు లేఖ వ్రాసాడు. బాబా “మీరు గురువారం గృహప్రవేశం చేసుకోండి, నేను కూడా మీతో పాటు వస్తాను” అని జవాబిచ్చారు.

కాబట్టి, గురువారం నాడు పురందరే బాబా కోసం ‘నైవేద్యం’ తాయారుచేసాడు. అప్పుడు బాబా ఛాయాచిత్రం అతని ఛాతీకి హత్తుకొని అతను కొత్త ఇంటికి బయలుదేరి వెళ్లాడు. పేదవాడైన కారణంగా అతను ఎటువంటి ఆచారాలు పాటించలేదు, ‘పూజ’ తంతు కూడా ఏమి పెట్టుకోలేదు.

బాబా ఛాయాచిత్రం,  ఉన్నంత వరకు ఆయనకు నైవేద్యం పెడితే చాలు, ప్రతిదీ చక్కగా సాగుతుంది అని అనుకున్నాడు. అలా అతను దత్త మందిరాన్ని దాటి వెళ్తుండగా, ఆశ్చర్యకరంగా అతను అక్కడ బాబాను చూశాడు. అక్కడి నుండి బాబా పురందరే తోపాటు కొత్త ఇంటికి వచ్చారు. కొత్త ఇంటిలో పురందరే బాబా చిత్రపటాన్ని ఆసనంపై ఉంచేవరకు ఉండి తరువాత బాబా అదృశ్యమైపోయారు.

source: Ambrosia in Shirdi – Part-I (Baba’s Leelas before 1918)

సర్వం సాయినాథర్పాణమస్తు

Latest Miracles:

• నేను ఎల్లప్పుడు నీతో లేనా? ఇంట్లో ఉండు, నా నామం స్మరించు
• నాక్కావలసింది ఈ నాణేలు కాదు, నేను కోరేది నిష్ఠ, సబూరీ
• గురువారం భక్తులను గురు భక్తులుగా బాబా వారు మార్చుకొనిన వైనం
• ఎంత వడ్డించిన ఎంతకీ తరగని ఆహరం – అద్భుతమైన బాబా లీల
• మళ్ళీ   ముంబై  వెళ్ళు,కానీ   ఈ  సారి షిర్డికి   వెళ్ళి   బాబా   దగ్గర   మొక్కుబడి   పెట్టుకో.