నాక్కావలసింది ఈ నాణేలు కాదు, నేను కోరేది నిష్ఠ, సబూరీ

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులకు బాబా వారి ఆశీస్సులు

రఘువీర్ పురందరే వద్ద బాబా ఎప్పుడూ రెండు రూపాయలు దక్షిణగా కోరేవారు. పురందరే బాబా పట్ల అమితమైన ప్రేమతో తరుచు షిర్డీ వెళ్తుండేవాడు. ప్రతీసారి బాబా పురందరేని రెండు రూపాయల కంటే తక్కువ గాని, ఎక్కువగాని కాకుండా ఖచ్చితంగా రెండు రూపాయలు మాత్రమే అడిగేవారు.

పురందరే ఒకసారి బాబా రెండు రూపాయలు మాత్రమే అడగటంలో ఉన్న రహస్యం ఏమిటో తెలుసుకోవాలన్న కుతూహలంతో అందుకు కారణమేమిటని బాబాను అడిగారు. అప్పుడు బాబా “నాక్కావలసింది ఈ నాణేలు కాదు, నేను కోరేది నిష్ఠ (దృఢమైన విశ్వాసం) మరియు సబూరీ (సంతోషకరమైన సహనం) లను” అన్నారు.

అప్పుడు పురందరే “బాబా నేను నా పూర్తీ విశ్వాసాన్ని మీకు సమర్పించి ఓపికగా పురోగతి కోసం వేచి ఉన్నాను” అని బదులిచ్చాడు. బాబా “నీ నమ్మకాన్ని ఎట్టి పరిస్థితులలో కోల్పోకుండా నిశ్చలంగా కొనసాగిస్తూ, చేసిన వాగ్దానాలన్నిటిని నెరవేర్చడానికి కఠినంగా, ఆత్రుతగా ఉండాలని” చెప్పారు.

ఇంకా “నీవు ఎల్లప్పుడూ సత్యాన్ని అంటిపెట్టుకొని వుండాలి, అలా నీవు సత్యానికి ధృడంగా అంటిపెట్టుకొని ఉంటే నీవు ఎక్కడ ఉన్న నేను ఎల్లప్పుడూ నీతోనే ఉంటాను” అని బాబా చెప్పారు.

అప్పుడు పురందరే వినయపూర్వకంగా “బాబా మీరు చెప్పినట్లుగానే నేను నా సాయశక్తుల ఉండటానికి ప్రయత్నిస్తానని వాగ్దానం చేస్తున్నాను, అందుకు తగినట్లుగా నా మనస్సును నియంత్రించటానికి బాబా మీరు కూడా మీ సహాయం చేయలాని వేడుకుంటున్నాను” అన్నాడు.

source: Ambrosia in Shirdi – Part-I (Baba’s Leelas before 1918)

సర్వం సాయినాథర్పాణమస్తు

 

Latest Miracles:

• నేను ఎల్లప్పుడు నీతో లేనా? ఇంట్లో ఉండు, నా నామం స్మరించు
• అన్నపూర్ణ సిద్ది …..సాయి@366 మార్చి 30….Audio
• గురువారం నాడు గృహప్రవేశం పెట్టుకో
• పురందరే బార్యకు పునర్జన్మ ప్రసాదించిన బాబా ఊదీ–Audio
• ‘‘నా కోసం నేను కాదు, మీ కోసమే నేను. ఈ ఉత్సవాలూ ఉత్సాహాలూ మీకోసమే! మీ ఆనందం కోసమే’’