సద్గురువు.

సాయి బాబా    …    సాయి బాబా    …    సాయి బాబా    …    సాయి బాబా

ఎవరయితే నా నామాన్ని సదా అన్ని వేళల మనస్పూర్తిగా ఉచ్ఛరిస్తారో  వారికి అన్ని విధాలా నేను సహాయపడతాను.

శ్రీ సచ్చిదానంద సద్గురు సాయినాథ్ మహరాజ్ కీ జై.

శ్రీ సాయి సచ్చరిత్రము 18-19 అధ్యాయములు.

సద్గురువు మొట్టమొదట తన శిష్యుల యోగ్యతను గనిపెట్టి,వారి మనస్సు కలత చెందకుండ తగిన బోధచేసి, తుదకు వారి లక్ష్యమైన ఆత్మసాక్షాత్కారమునకు దారి చూపునను విషయమందరికి తెలిసినదే.

ఈ విషయములో సద్గురువు బోధించిన దాని నితరులకు వెల్లడి చేయరాదని కొందరనెదరు.అట్లు గురువు బోధించినదానిని వెల్లడి చేసినచో ఆ బోధలు నిష్ప్రయోజనములగునవి వారి యాలోచన.ఇది సరైనది కాదు.

సద్గురువు వర్షాకాలపు మేఘమువంటివారు.వారు తమ అమృతతుల్యములైన బోధలను పుష్కలముగా విశాలప్రదేశములందు  కురిపించెదరు.వానిని మనమనుభవించి హృదయమునకు తృప్తికరముగా జీర్ణించుకొని, పిమ్మట నిస్సంకోచముగా ఇతరుల మేలుకొరకు వెల్లడి చేయవలెను.

ఇది వారు మన జాగ్రదవస్థలోనేగాక స్వప్నావస్థలో కూడ తెలియజేయు విషయములకు వర్తించును.

తన స్వప్నమందు గనిన ‘రామరక్షా స్తోత్రము’ను బుధకౌశికఋషి ప్రచురించిన యుదాహరణము నిచ్చట స్మరించవలెను.

ప్రేమగల తల్లి,గుణమిచ్చు చేదైన యౌషధములను బిడ్డ మేలుకొరకే బలవంతముగా గొంతులోనికి త్రోయునట్లు,ఆధ్యాత్మిక విషయములను బాబా తన భక్తులకు బోధించువారు. వారి మార్గము రహస్యమైనది కాదు.అది బహిరంగమైనది.

వారి బోధల ననుసరించిన భక్తుల ధ్యేయము నేరవేరెడిది.

సాయిబాబా వంటి సద్గురువులు మన జ్ఞాననేత్రములను తెరిపించి యాత్మయొక్క దైవీసౌందర్యములను జూపి మన కోరికలను నేరవేర్చెదరు.

ఇది జరిగిన పిమ్మట, మన యింద్రియవిషయవాంఛలు నిష్క్రమించి, వివేకవైరాగ్యములను జంటఫలములు చేతికి వచ్చును.

నిద్రలో కూడ ఆత్మజ్ఞానము మొలకెత్తును.

సద్గురువుల సహవాసము చేసి,వారిని సేవించి వారి ప్రేమను పొందినచో నిదంతయు మనకు లభించును.

భక్తుల కోరికలు నెరవేర్చు భగవంతుడు మనకు తోడ్పడి, మన కష్టములను బాధలను తొలగించి,మనలను సంతోషపెట్టును.

ఈ యభివృద్ధి పూర్తిగా సద్గురుని సహాయమువలననే జరుగును.

సద్గురువును భగవంతునివలె కొలువవలెను.కాబట్టి మనము సద్గురువును వెదకవలెను.వారి కథలను వినవలెను.

వారి పాదములకు సాస్టాంగ నమస్కారముచేసి వారి సేవ చేయవలెను.

శ్రీ సచ్చిదానంద సద్గురు సాయినాథ్ మహరాజ్ కీ జై.

సాయి బాబా    …    సాయి బాబా    …    సాయి బాబా    …    సాయి బాబా

ఎవరయితే నా నామాన్ని సదా అన్ని వేళల మనస్పూర్తిగా ఉచ్ఛరిస్తారో  వారికి అన్ని విధాలా నేను సహాయపడతాను.

Latest Miracles:

• ‘‘సద్గురువు కటాక్షం లభించిన వారికి కష్టాలు ఉండవు. బాబా మన సద్గురువు.’’
• మాతాజీ క్రిష్ణ ప్రియాను సద్గురువు చేసిన జగద్గురువు
• ఆత్మజ్ఞానాన్ని సద్గురువు మాత్రమే ప్రసాదించగలడు
• అల్లుడే సద్గురువు …. మహనీయులు – 2020… సెప్టెంబరు 1
• ప్రపంచంలోని జనులందరు హాయిగా ఉండవలెనని బాబా ఉద్దేశము.