జన్మకు మూలమైనదేదో గుర్తిస్తే , కృతఙ్ఞత , నీరాజనం పడుతుంది

జన్మకు మూలమైనదేదో గుర్తిస్తే ,
కృతఙ్ఞత , నీరాజనం పడుతుంది
****

అవసరానికి ఆదుకొన్నవాడిపట్ల కృతఙ్ఞత కలిగిఉండడం ఉత్తమ లక్షణం .. మాట యిచ్చినచోట మరచిపోకుండా నెరవేర్చడం , అప్పుచేసినచోట , తిరిగి చెప్పినమాటప్రకారం యిచ్చుకోడం నిజాయతీపరుడి లక్షణం ..గతితప్పి ప్రవర్తిస్తే , అవే ఋణానుబంధరూపంలో వెంటాడుతాయని శాస్త్రవచనం ..

తల్లి ఋణం , సద్గురువు ఋణం ఎన్నటికి సమసిపోలేనివని అంటారు .
ఒక విత్తనం నాటితే అది వృక్షంగా ఎదిగి , అనేక విత్తనాలందించి
వందల వృక్షాలకు మూలమైనట్లు , మనిషి జన్మకు అమ్మ మూలమైతే ,
సృష్టిఆదిలో ఈ మనిషి జన్మకు విత్తునాటిన మూలపురుషుల మూలమేదొ ఆ వంశవృక్షాన్ని ఎరిగినవాళ్లు భూమినిచుట్టి గాలించినా ఒక్కడైనా ఉంటాడు అంటే సందేహమే ..

మూలం అన్నది లేక జన్మ శాకోపశాకాలుగా విస్తరించే అవకాశమే లేదు .. ఆ అవకాశంలేక ఈ సృష్టికి , విస్తరించిన జీవరాశికి మనుగడేలేదు అన్నది నిస్సందేహమే
ఉన్నంతవరకు పుట్టిపెరిగిన ఊరును గుర్తించగలం ..

జన్మనిచ్చిన తల్లితండ్రులను , వారికి మూలమైన రెండుమూడు తరాలను తెలిసినవారు ఉండొవచ్చేమోకాని , ఆది మూలానికి కారకులెవరో ఊహకు కూడా సాద్యం కాని విషయం

పలాలను ఇచ్చే వృక్షాన్ని నాటినవాడెవరో లొకం గ్రహించలేదు .. కానీ ఆ ఫలితాన్ని మాత్రం లొకంలో అందరూ ఆస్వాదిస్తారు ..

అమ్మను తెలుసు , నాన్నను తెలుసు , ఆ వెనుక ఈ బీజాలకు కారణభూతులెవరో అన్వేషణలొపడ్డా అర్థంకాని ప్రశ్నగానే మిగిలిపొతుంది ..

ఒక గురువుకు పాదపూజా , అభిషేకాలతో తంతుముగిస్తే లెని ఫలితం , ఆ గురువు అందించిన జ్ఞానబోధను అనుసరిస్తె , అనుసరించరించినవాడు , వాడినివాడు ఉద్ధరించుకోడమేగాక , వాడివలన పరిసరాలవారు ఉద్ధరింపబడవొచ్చు ..

జన్మనిచ్చినవారినీ , జన్మలకు ఆదిమూలమైన వారిపట్ల కృతఙ్ఞతకల్గి , ఆ వంశవృక్షం అందించిన ఆచారాలకు అణుగుణంగా జీవనశైలిని పాటించటం అది పూర్వీకులపట్ల మనిషి నెరవేర్చగలిగిన కృతజ్ఞతాపూర్వక చర్య ..

జన్మనిచ్చినతల్లిని , జ్ఞానాన్ని పంచిన గురువును గుర్తుపెట్టుకుని అనుసరించి , ఆచరించటం కృతజ్ఞతాపూర్వక లక్షణం ..

ప్రతినిత్యం ఉషోదయంలో సృష్ఠికిమూలమైనవాడిని , సృష్టిలో ఆద్యులైనవారిని పూజావిధిలో సంకల్పంచెప్పుకోడం ఒక బాగం ..
ప్రపంచం లౌకికమాయలో పడి మరచిపోయినా , ఏడాదికోసారైనా వారసులకు , లోకానికి గుర్తుచేసే మాహాపర్వదినం ఈ మకరసంక్రాంతి రోజున ప్రారంభమయ్యే ఉత్తరాయణ పుణ్యకాలం ..

మనసా , వాచా వారిని స్మరించుకుని , వారి జీవనవిధానంలో మనసును మలుచుకోడమే వారికి
సమర్పించగల నిండునీరాజనం అని పెద్దలమాట …

మకరసంక్రాంతి శుభాకాంక్షలతొ

సర్వం శ్రీగురు , మాతాపితా
పాదార్పణమస్తు

Author : Kota Prakasam Ji
**

Latest Miracles:

• బాబురావు ఔరంగబాద్కర్
• మనిషిరూపంలో- శిరిడీ సమాధిమందిరములో వుండే బాబావారి విగ్రహంముఖములా…Audio
• భిక్షుని రూపంలో అన్న ప్రసాదం స్వీకరించిన బాబా!
• నిజ జీవితంలో బాబా లీలలు
• బాబా భోదామృతం (భక్తలీలామృతం చాప్టర్ 33) అరవ భాగం….