మహనీయుల బోధలు , సద్గ్రంథాలు కల్పవృక్షంలాంటివి.

సాయి బాబా   …   సాయి బాబా   …   సాయి బాబా   …   సాయి బాబా

Author:Kota Prakasam Garu

మహనీయుల బోధలు , సద్గ్రంథాలు మనిషి మనో సంస్కారాలను తీర్చిదిద్దే కల్పవృక్షంలాంటివే
******

ఎదగడానికి ఒక ఆదారం కావాలి , యే ఎత్తుకు ఎదిగినా , వొదిగి ఉండడానికి ఒక ఉత్తమ సంస్కారం ఉండాలి ..

ఒక పూలతీగకు ప్రక్కనే ఒక చెట్టు అదీ లెకుంటే అధారంగా ఒక గుంజనో నాటితే , ఎవరి ప్రమేయం లేకుండా అది అల్లుకొంటూ ఎదిగిపోతూంటుంది.ఇంత ప్రయత్నంచేసి , ఆ ఎత్తుకు ఎదిగినా , ఆశించిన ఫలమో , పుష్పమో అది అందించకపోతే , అలంకార విద్యార్థిలా , ఇదొక అడ్డం దేనికని నిర్ధాక్ష్యన్నంగా పీకి అవతలపారేస్తుంటారు …

ప్రతి జంతువుకు సంతానం కలిగాక , వాటి తిండిని అవి సముపార్జించుకొనే అవగాహన కుదిరేంతవరకు , ప్రాణంకన్నా ఎక్కువగా వాటికి అధారంగా నిలిచి సంరక్షించుకొంటూ ఉంటాయి ..వాటికాళ్ళమీద అవి నిలబడ్డాక అవి , మమకారాలు , వావివరసలు పట్టించుకోవు ..

అమ్మ నాన్నల అండ లేనిదే పుట్టినవాడు సంరక్షింపబడడం కష్టమే చెట్టు ఎదిగేంతవరకు పాదులుకట్టి నీరుపోయడం యజమాని కర్తవ్యం ..

ఎదిగి , ఎవరిమీద ఆధారపడక , భూమిలో సారాన్నిగ్రహించి ఫలాలను అందివ్వడం ప్రకృతి సహజంగా జరిగే  ప్రక్రియ ..

మనిషి అవగాహనకుదిరాక , తన జీవితాధారానికి ఎన్నో ప్రయత్నాలు చేసి , కష్టపడితేకానీ తాను తన సంసారానికి ఆదారం కాలేడు ..

తాను తన సంతతికి ఒక ఆధారమై , ఒక స్థాయికి వారిని తీర్చగలిగితే , ఒక వయసులో వారు తనకు ఆధారంకాలేరు , ఇదో సృష్టిక్రమం …దీనిని అధిగమించగలిగినవారు ఎవరూ లేరు ..

డబ్బులేనిదే జీవితం సాగదు , అది అధిక స్థాయిలో కూడితే సమాజంలో ఒక స్థాయిని , అధికారాన్ని అందించవొచ్చు కానీ మనో ప్రక్షాళనకు , ఒక ఉత్తమ నడవడికి ఒక సమర్థుడైన సద్గురు ఆధారంలేక , అది గడ్డిపరకతో సమానమే ..

భగవద్గీత పుట్టి దాదాపు ఐదువేల సంవత్సరాల పైచిలుకే అయింది , అప్పటినుండి ఇప్పటిదాకా వేలకు వేలమంది గతంలో ప్రచారాలనందించినవారుఉన్నా , కోటానుకోట్లమంది శ్రోతలుగా విన్నవారున్నా , ఆ తర్వాతికాలంలో అది శంకరులనుండి బాబా వరకూ ఎందరో మహాత్ములు ప్రకటమై జన్మ సాఫల్యఆధారానికి వెంటాడి ప్రబోధిస్తున్నా , తీగలై ఆ ఆధారంతో ఎదిగినవారు ఎందరున్నా , ఆ ఆదారంతో సత్ఫలాన్ని పొంది , చరిత్రలో ఎందరుంటారో , నిలిచి నిదానంగా ఆలోచిస్తే అర్థమౌతుంది ..

సృష్టికి మూలం , సృష్టికి ఆధారమైంది , అది జన్మ సాఫల్యానికి ఎలా ఆధారమైందో వివరించి చెప్పేవే సద్గురు బోధలు , సద్గ్రంథాల సారాలు..అవి సాక్షాత్తు కల్పవృక్షంలాంటివి , ఆ ఆధారంతో ఎదిగిన తీగలాంటి ప్రతి సాధన , జన్మ సాఫల్యమనే మధుర ఫలాన్ని దక్కించుకోగలుగుతుంది మహాత్ములనోట వినిపించె మాట …

అదే బాబా చెప్పిన మాటకూడా ” “ఒక్క అడుగు  నావైపు వెస్తే , పది అడుగులునీవైపుని ..కు వేస్తాను” అని

ఒక్క జన్మలో గట్టి ప్రయత్నం , 72 జన్మల సంబంధాన్ని యిచ్చింది శ్యామాకు ..

ఇలా సచ్చరిత్రలో జన్మ రుణాల ప్రస్తాపనలు అనేకం ప్రస్తావించబడ్డాయి , సద్గురువుతో అలాంటి ఋణానుబంధం పెంచుకొనే ప్రయత్నం ఉంటె , ఆయన మహాసమాధికూడా విధిగా కదిలి జవాబుచెప్పగలదని పెద్దలమాట ..

జయ్ సాయి గురుదేవ
******

Latest Miracles:

• దైవానుగ్రహము
• నేను గొప్ప భక్తుడని అనే అహంకారము నాలో రాకుండా ఉంటేనే తగ్గించండి
• సత్యాన్వేషణ .. …. మహనీయులు – 2020… డిసెంబరు 15
• సద్గురువు.
• మేలుకో! మేలుకో!! …. మహనీయులు – 2020… జూలై 15