నేను బాబాకి హారతినిచ్చి చేసిన విన్నపాలు మాత్రమే మమ్మల్ని ఆపద(యాక్సిడెంట్)నుండి కాపాడాయి.

మా అమ్మాయి వాళ్ళ మరిదికి పెళ్లి కుదిరింది. ఎగేజ్మేమెంట్ తెనాలిలో పెట్టుకున్నారు.

మేము ఇక్కడ నుండి ఒక ప్రైవేటు టాక్సీ మాట్లాడుకొని బయలు దేరాము.

మొత్తం ఎనిమిదిమందిమి హైదరాబాద్ నుండి బయలుదేరేముందు, బాబాకి హారతి ఇచ్చి పూజ చేసి మమ్మల్ని ఏ ఆపదలు లేకుండా ప్రయాణం సుఖంగా జరిగేటట్లుగా చూడమంటూ అనేక నమస్కారాలు పెడుతున్నాను.

మా వాళ్ళు అందరూ సమయం అయిపోతోంది, ఒక్కసారి బాబాకి దండం పెట్టుకుంటే సరిపోదా? ఇంత సేపు ఆయన్ని పూజ చేయాలా అంటూ అందరూ విసుక్కున్నారు.

సూర్యాపేట దాటంగానే మేము వెడుతున్న ఇన్నోవా, ముందుగా వెడుతున్న సెవెన్ సీటర్ ఆటోను గుద్దేసాడు,

రోడ్డుకి అటూ ఇటూ లోయలాగా ఉంది, అసలు మేము ఆలోయలో పడిపోవాలి కానీ ఆ ఆటో పల్టీలు కొట్టుకుంటూ క్రిందికి పడిపోయింది. మాకంతా చాలా భయం వేసింది. ఎందుకంటే అందులో పాపం ఎంతమంది ఉన్నారో ఏమిటో అని అనుకుంటూ కంగారుగా దిగి చూసాము.

ఆ ఆటో నుండి డ్రైవర్ నెమ్మదిగా బయటికి వచ్చాడు. మా ముందు వెనకా చాలా వాహనాలు ఆగిపోయి ఉన్నాయి.

అందరూ కలిసి అతనిని పైకి తీసుకువచ్చారు. అతనికి ఏమి దెబ్బలు తగలలేదు కానీ ఆటో మాత్రం తుక్కు అయింది.

మేము ఎక్కిన ఇన్నోవా కూడా బాగా డామేజ్ అయింది, కదిలే పరిస్థితి లేదు.

అది ప్రవేట్ టాక్సీ కాబట్టి అక్కడ మేము దిగేసి బస్సు ఎక్కి బయలుదేరాము.

మేము విజయవాడ వెళ్ళేలోపు నాలుగు యాక్సిడెంట్లు చూసాము. అందరూ స్పాట్ డెడ్ కేసులే. మేము భయపడి పోయాము.

విజయవాడ నుండి తెనాలి వెళ్ళేటప్పుడు కూడా ఒక ఘోరమైన ప్రమాదం చూసాము.

నేను బాబాకి హారతినిచ్చి చేసిన విన్నపాలు మాత్రమే మమ్మల్ని ఆపదనుండి కాపాడాయి. లేకుంటే ఎదో ఒక యాక్సిడెంట్ లో తప్పక మేము బాలి అయ్యి ఉండేవారం.

అదీ! బాబా కరణ అంటే.

Latest Miracles:

• బాబాకి పేద, ధనిక, కులం, మతం, తేడాలు లేవు, కావలసింది కేవలం బాబా మీద భక్తి, ప్రేమ, శ్రద్ధ మాత్రమే!
• నేను చేసిన పని నాకు బాబాకి మాత్రమే తెలుసు.
• సమస్యను బాబాకి చెప్పుకున్నంతనే చికిత్స మొదలు
• సాయినాథులవారు గజదొంగల నుండి మమ్మల్ని రక్షించారు,నా ఆరోగ్యం బాగు చేసారు మరియు ప్రాణం తీసే జబ్బు నుండి మా పాపను కాపాడారు.
• చేస్తూన్న ఉద్యోగాన్ని పర్మినెంట్ చేసి, ఆర్థిక ఇబ్బందులను దూరం చేసిన బాబా వారు.