బాబా! నా జీవితాన్ని నీచేతిలో పెడుతున్నాను. నీదే భారం తండ్రీ” అని ఏడ్చేశాను—Audio

అనంతకోటి బ్రహ్మాండ  నాయక రాజాధిరాజ యోగిరాజ పరబ్రహ్మ శ్రీ సచ్చిదానంద సమర్థ సద్గురు సాయినాథ్ మహరాజ్ కీ జై.

This Audio Prepared by Mrs Lakshmi Prasanna

శ్రీ శిరిడి సాయినాదునికి నా సాష్టాంగ నమస్కారములు. మాది కోట గ్రామం మా వారు కోట గ్రామంలోని హైస్కూల్ నందు ల్యాబ్ అటెండర్ గా పనిచేసి 5 సంవత్సరాల క్రితం రిటైర్డ్ అయ్యారు.

అయన వయస్సు 65 సంవత్సరాలు. రిటైర్డ్ అయిన తర్వాత మావారు న్యూస్ పేపర్ వేసేవారు.

రోజు ఉదయం సైకిల్ మీద వెళ్ళేవారు.ఒక రోజు మా వారికీ కాలు లాగడం పక్షవాతం లాగా నొప్పిగా వచ్చింది.

మేము హాస్పిటల్ కి వెళ్లి చూపించి డాక్టర్ గారు ఇచ్చిన మందులు వాడుతున్నాము.

తర్వాత కాలునొప్పి తగ్గిపోయింది. మా వారికీ హై.బి. పి ఉంది.

కాలు నొప్పి తగ్గిన 1 సంవత్సరం తర్వాత ఒక వెకువఝామున 4:30 గంటల సమయంలో నిద్రలోనే ఒక వెర్రీకేక పెట్టారు.

అంతే ఇంక మనిషిలో చలనంలేదు. కనురెప్ప కూడా ఎత్తలేదు. మంచంమీద అలాగే ఉన్నారు.

అప్పటికే నేను మా కోడలు మా వారి దగ్గరకు వచ్చి వున్నాము.

ఈలోగా మా అబ్బాయి డాక్టర్ ని తీసుకుని వస్తానని వెళ్ళాడు.

నాకు ఏమి చేయాలో తోచలేదు. తర్వాత మా ఇంటిలోని పూజగదిలోకి వెళ్ళి బాబా పటం నా చేతిలోకి తీసుకుని నా గుండెలకు హత్తుకుని “బాబా! నా జీవితాన్ని నీచేతిలో పెడుతున్నాను. నీదే భారం తండ్రీ” అని ఏడ్చేశాను.

ఈలోగా మా కోడలు మావారిని తలపట్టుకుని పైకి లేపింది.

అది ఎలా ఎత్తిందో ఆమెకు తెలియలేదు. అంతే ఒక్కసారిగా మావారు ఊపిరి పీల్చడం, లేచి కూర్చోవటం జరిగింది.

20 నిమిషాలు మా వారు అలా ఉండి మళ్ళీ మామూలు మనిషి అయ్యారంటే నిజంగా మావారికి బాబా వారు  మళ్ళీ ప్రాణం పోశారనిపించింది.

ఈలోగా మా బాబు డాక్టరుని తీసుకుని వచ్చారు. డాక్టరు గారు వచ్చేసరికి మావారు మామూలు మనిషిగా ఉండటం చూసి నిజంగా మీ అదృష్టం.బాగుంది ఈయనకి తలకి హై.బి.పి.వచ్చింది. మీ అదృష్టం బాగుంది అని చెప్పారు. అంతా బాబావారి దయ. 

డి. సరస్వతి
టెంకాయ తోపు, కోట.

సంపాదకీయం: సద్గురులీల
ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• జీవితంలో నా భర్త నడవటం కష్టం అని చెప్పిన డాక్టర్ మాటలను, అసత్యం చేసి, త్వరలోనే మామూలు మనిషిని చేసిన బాబా వారు
• బాబా ఏదో రూపంలో తమ ఇంటికి వస్తారు అని భావించిన భక్తుల నమ్మకాన్ని నిలబెట్టిన బాబా వారు
• నా బాబా యే కేప్టెన్ రోడ్రిగుజ్ రూపంలొ వచ్చి బిడ్డనూ నన్నూ కాపాడారని—Audio
• సాయి మహారాజ్ పై భారం వేసి చేసిన నా భర్త Heart ఆపరేషన్ success అవ్వుట
• బాబా ఊదీ మహిమతో ఇంట్లో ఉన్న దృష్ట శక్తులు మాయమగుట.