భక్తుని యొక్క ఉద్యోగ విరమణ వయస్సును 10 సంవత్సరములు పొడిగించిన బాబా వారు.

నేనింకా పూర్తిగా నడవలేక పోతున్నాను. నాకు చేతులతో పాటు నడుముకి కూడా బాగా దెబ్బ తగిలింది. దాని వలన నేను పూర్తిగా నడవలేను.

మా మరిది, తోడికోడలు వారి వారి ఉద్యోగాలు వదిలేసి కేటరింగ్ చేసుకుంటూ వున్నారు.

మా ఆడపడుచు ఒక బిజినెస్ విమెన్, తాను తన పనిలో బిజీగా వుంది.

మా రోజులు వెళ్లిపోతున్నాయి. మా వారు హార్ట్ పేషెంట్, నేనో యాక్సిడెంట్ పేషెంట్ ని, బాబా దయతో మేమంతా సంతోషంగా వున్నాము.

నాకెప్పుడైనా నొప్పి వస్తే బాబాను తలచుకుంటాను, వెంటనే నొప్పి తగ్గిపోతుంది.

నా వంట నేను చేసుకోవడమే కాకుండా పచ్చళ్ళు కూడా నేనే తయారు చేసి NRI లకి పంపుతాను.

అసలు బాబా మార్గం లోకి ఎలా వచ్చామో? ఎందుకు వచ్చామో? ఆయనేంటి? అంటూ ఎవరైనా అడిగితే, దానికి నా సమాధానం చెప్పాలని నేను సంకల్పించుకున్నాను.

బాబాయే నా చేత ‘ శ్రీ సాయి చరిత్ర ‘ పారాయణం చేయించారు. మా వారికి తెలుగు చదవటం రాదు.

నేను ఉదయం పూట చదువుకుని, తను సాయంత్రం ఆఫీస్ నుంచి రాగానే నేను తనకి మళ్ళీ చదివి వినిపించేదాన్ని. ఇప్పుడు సత్చరిత్ర లోని అన్నీ సంగతులు మాకు తెలుసు.

మా వారు బోర్డింగ్ స్కూల్ లో చదవటం వలన ఆయనకి రికార్డు లో వయసు ఎక్కువ వేసారు. ఆ రికార్డు ప్రకారం 10 సంవత్సరాల క్రితమే రిటైర్ అవ్వాలి.

కానీ తను రిటైర్ అయ్యేముందు నాకు అనవసరంగా ఏజ్ బాగా ఎక్కువ వేసారు, అసలు నాకింకా 10 సంవత్సరాలు సర్వీస్ వుండాలి, అని బాగా డిప్రెస్ అయిపోయారు.

ఆ సమయంలో ” నేను ఎందుకు అనవసరం గా దిగులు పడుతున్నావు, మనకి బాబా వున్నారు అయన చూసుకుంటారు, నువ్వు ఒక్కసారి పై అధికారులని కలవవచ్చు కదా! ” అన్నాను.

మా వారు వెళ్లి పై ఆఫీసర్ ని కలిసారు. ఇలా నా రికార్డులో వయసు ఎక్కువ పడింది. నా అసలు ఇది, ఇంకా నాకు 10 సంవత్సరాలు సర్వీస్ ఉండాలి దీని ప్రకారం అని చెప్పారు.

ఇది అంతా విన్న పై ఆఫీసర్ గారు ఆలా ఎలా వీలవుతుంది, ఆలా కుదరదు, రికార్డ్స్ ప్రకారం నువ్వు ఈ నెల చివరకి రిటైర్ అవ్వాల్సిందే అని అన్నారు.

మా వారు ఒక్కసారి బాబాను తలచుకుని అది కాదండీ నేను అసలు పనిచేస్తోంది ఫారిన్ కొలాబరేషన్ తో కాబట్టి అక్కడ రూల్స్ ప్రకారం రిటైర్మెంట్ వయసు 65 సంవత్సరాలు వుండాలి, ఆలా చూసుకున్నా నేనింకా 10 సంవత్సరాలు కొనసాగాలిగా  అన్నారట.

ఆ ఆఫీసర్ నువ్వు నాకిదంతా వివరిస్తూ మెయిల్ పెట్టు చూద్దాం అన్నారట. మా వారు ఇంటికి వచ్చి ఫారిన్ లో అయితే ఎలా ఉంటుందో అలాగే అదే రూల్ ఇండియా లో కూడా వర్తింపచేయవచ్చు కదా! అంటూ పై ఆఫీసర్ కి మెయిల్ పెట్టారు.

కేవలం 3 రోజులలో ఈ రూల్ ఇండియాలో మా వారి బ్యాంకులో పని చేస్తున్న వాళ్లందరికీ కూడా ఇది వర్తిస్తుంది అంటూ ఆర్డర్ పాస్ చేసారు.

ఈ విషయం లో మాకు ఒక్కళ్లకే లాభం కాకుండా మాతో పాటు పనిచేసే వారందరికీ కూడా లాభం పొందేలాగా చేసారు ‘ బాబా ‘.

The above Telugu text has been typed by : Mr. Sai Krishna

Latest Miracles:

• తనకు ఆరోజు నైవేద్యం పెట్టలేదని భక్తుని కలలో కనిపించి గుర్తుచేసిన బాబా వారు
• సాయి బాబా వారు ఒక భక్తుని కోరిక ఇంకొక భక్తుని ద్వారా తీర్చుట.–Audio
• సమాధి మందిరములో 5 నిమిషాలైనా గడపాలనుకున్నా భక్తుని, 3 గంటలపాటు అనుగ్రహించిన బాబా వారు–Audio
• ఆరతి పాడాలి అని కోరుకున్న ప్రతిసారి, భక్తుని కోరికను నెరవేర్చుతున్న బాబా వారు.
• గృహ ప్రవేశానికి ఆహ్యానించిన భక్తుని ఇంటికి, ముసలమ్మ రూపంలో వెళ్ళిన బాబా వారు.