రాలిన నక్షత్రం!…..సాయి@366 మార్చి 19….Audio

---

Voice Support By: Mrs. Jeevani

---

తాత్యా సాహెబ్‌ నూల్కర్‌ షిరిడీలోని సాయి సన్నిధికి చేరాడు. ”తాత్యా (నూల్కర్‌) వచ్చావు. బాగుంది. ఎన్ని రోజులు ఉంటావు?” అని అడిగాడు సాయిబాబా.

నూల్కర్‌ వినయంగా ”బాబా! నాకిక పండరీపురం వెళ్ళాలని లేదు. దయచేసి నన్నింక షిరిడీలోనే ఉండనివ్వండి.

కోర్టులో పాండురంగ ఆలయానికి సంబంధించిన కేసుకు తీర్పు చెప్పి వస్తున్నాను. మళ్ళీ మామూలు మనుష్యుల కక్షలు, కార్పణ్యాల (కేసు) గొడవలపై తీర్పు రాసేందుకు, నన్ను కలం పట్టుకోనివ్వక, ఆ దైవ సంబంధమైన తీర్పే నా చివరి తీర్పు కానివ్వండి” అని వేడుకున్నాడు.

ఇక సాయి సన్నిధిలో ఉండిపోయాడు. నూల్కరే  ప్రధమ గురుపూర్ణిమకు కారకుడయ్యాడు.నూల్కరే ఆరతుల వ్యవస్థలో మొదటగా ఆరతులిచ్చిన వ్యక్తి అయ్యాడు.

మధుమేహం వల్ల రాచకురుపు లేచింది. అది చాల బాధింపసాగింది. రాచకురుపులు రాసాగాయి అతని శరీరంపై. ఆనారోగ్యం తీవ్రమైంది.

మంచానికే అంటిపెట్టుకొని ఉండవలసిన స్థితి వచ్చింది. ఆయన కుమారులు వామనరావ్‌, విశ్వనాథ్‌, స్నేహితుడు నీలకంఠ రామచంద్ర సహస్రబుద్దే సేవలు చేయసాగారు.

జబ్బు నయమైపోవాలని సాయిని ప్రార్ధించలేదు ఆయన.

రాను రాను ద్వారకామాయికి వెళ్ళి సాయిని దర్శించటం కూడ వీలుకాకుండా పోయింది ఆయనకు. కనీసం లెండీకి పోయేటప్పుడైనా సాయిని దర్శించే భాగ్యం కలగటం లేదాయనకు.

ఇందుకు ఎవరినీ, చివరకు తన కర్మను కూడా నిందిప లేదాయన. సాయికి తెలియదా! అనేది ఆయన భావన.

ఒకసారి సాయి దర్శనం ఇప్పించమని కుమారుని పంపాడు సాయి వద్దకు. సాయికి ఆ విషయం చెప్పాడు నూల్కరు కుమారుడు.

ఈలోగా నూల్కర్‌కు దూరదర్శన సిద్ధిని ఇచ్చాడు. సాయి ద్వారకామాయిలో ఒక పిల్లవానితో ఆడే ఆటంతా కన్నులకు కట్టినట్లు కనిపింపసాగింది. ఇక సాయిని ఆయన ఏమి కోరేను?

చివరి ఘడియలు సమీపిస్తున్నాయని ఆయన గ్రహించాడు. సాయి పాద తీర్ధం తీసుకున్నాడు చివరగా మార్చి నెలలో. మసీదులో సాయి ”మన మసీదులో ఒక పెద్ద నక్షత్రం రాలిపోయింది” అన్నారు.

నూల్కర్‌ ఆకాశంలో ఒక తారగా మిగిలిపోయాడు.

Compiled  By:- ముళ్ళపూడి పాండురంగ సాయినాథ్ & మున్నలూరి బోస్

Collected and Presented By: Mr:Sreenivas Murthy

Latest Miracles:

• ఎన్నటికీ వీడని బంధం …..సాయి@366 డిసెంబర్ 19….Audio
• కోరని వరాలిచ్చు కొండంత దేవుడు…..సాయి@366 నవంబర్ 25…Audio
• షిరిడీలో ప్రథమ గురుపూర్ణిమ…..సాయి@366 జూలై 3…..Audio
• శివమ్మతాయి…..సాయి@366 మే 29….Audio
• సాయి స్పీడ్ పోస్ట్…..సాయి@366 జూన్ 27…Audio