ప్రాణ గండం నుండి కాపాడిన కాలాతీతుడు

                                                      భక్తురాలు: రజిత                                                         

                                                        నివాసం: హన్మకొండ

శ్రీ సచ్చిదానంద సద్గురు సాయినాథ్ మహారాజ్ కి జై !

సద్గురు శ్రీ సాయినాథుని శరత్ బాబూజీ కి జై !!

 గురుబంధువులందరికి నమస్కారం.

నా పేరు రజిత. మేము  హన్మకొండలో ఉంటాము. జూన్ 3 , 2016 న నేను మా అయన తో కలిసి ఒక పెళ్ళికి వెళ్ళాము.

అప్పుడు మా ఆయనకి ఒక ఫోన్ వచ్చింది. తాను ఇప్పుడే వస్తాను అని నాతో చెప్పి ఒక హాస్పిటల్లో కరెంటు పని నిమిత్తం వెళ్ళాడు (మా అయన ఎలట్రిషన్) కొద్దీ సేపటికి ఆ హాస్పిటల్లో డాక్టర్ నాకు ఫోన్ చేసి మీ ఆయనకు షాక్ కొట్టింది, మీరు ఇక్కడికి రండి అని చెప్పారు.

నేను అక్కడికి వెళ్ళాను. అక్కడి వారంతా నన్ను చూసి “ఏ దేవుడి కి ఏమి పూజలు చేసావో అమ్మ నీ అదృష్టం వల్ల మీ అయన ప్రాణగండం నుండి తప్పించుకున్నాడు అని అన్నారు.

బాబానే నా భర్తను కాపాడారు అని నేను అనుకున్నాను. అప్పటిదాకా చిన్న సమస్య అనే అనుకున్నాం. కానీ ఒక 12  గంటల   తరువాత  అది ఆపరేషన్ దాకా వెళ్ళింది.

మొహానికి చేతులకి ప్లాస్టిక్   సర్జరీ చేయాలనీ డాక్టర్ లు చెప్పారు. ఇది చాలా ఖర్చుతో పని అని చెప్పారు.

అప్పుడు నా దగ్గర డబ్బులు కూడా చాలా తక్కువ ఉన్నాయి. అయినా కూడా నేను బాబాను స్మరించుకొని వారికి ఇలా చెప్పాను. మీరు చేసే ట్రీట్మెంట్ మీరు చేయండి.

నా భర్తను కాపాడింది నా బాబా. మిగతా అంతా నా బాబానే చూసుకుంటారు అని చెప్పాను.

తరువాత సర్జరీ అయింది. 15  రోజుల్లో మా ఆయన ఇల్లు చేరుకున్నారు. 3 ఫేస్ కరెంటు షార్ట్ సెర్క్యూట్ నుండి చిన్న చిన్న గాయాలతో కళ్ళకు ఏమి కాకుండా మా అయన క్షేమంగా ఉండడం ఖచ్చితంగా బాబా లీల అని నాకు తెలుసు.

    ~~~~సర్వం సాయినాధార్పణమస్తు~~~~

***సాయిసూక్తి:

 

     “సదా భగవంతుని నామ జపం, సద్గ్రంథ పఠనం శ్రేయస్కరమైనది”.

Latest Miracles:

• ఎన్నో ప్రమాదాల నుండి కనిపెట్టుకు కాపాడిన బాబా ;
• కాన్సర్ బారి నుండి కాపాడిన బాబా 1వ బాగం…
• కాన్సర్ బారి నుండి కాపాడిన బాబా 2వ బాగం…
• మా బాబుకు ప్రాణ బిక్ష పెట్టిన బాబా వారు
• భక్తునిపై ఆకారణముగా వచ్చిన ఆపదల నుండి కాపాడిన బాబా వారు.