నన్ను చావు నుండి తప్పించింది. నన్ను మనీషిగా మార్చింది–Audio

This Audio prepared by Mr Sri Ram

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ సచ్చిదానంద సద్గురు సాయినాథ్ మహారాజ్ కి జై

కొర్హాలే గ్రామస్తుడైన రాహుల్ 2003నాటికి 18 సంవత్సరాల యువకుడు. అతనక్కడి సాయిబాబా మందిరం బాగోగులు చూసికునే వాడు.

రాత్రిపూట మందిరానికి చేరుకునే యాత్రికుల బాగోగులు చూడడం అతని విధి.

ఓ ఎండాకాలపు రాత్రి ఎనిమిది గంటలయింది. అతను మందిరానికి వెడుతూండగా ఏదో కుట్టునట్టనిపించింది.

ఆ గ్రామమంతా విషపు పురుగులు వ్యాపించి వుండడంతో అతను అది తేలు కాటు అనుకున్నాడు.

అయితే నొప్పి చాలా ఎక్కువయింది, పాదమంతా మంటగా వుంది.

ఆ పక్కగా వెడ్తున్న రాహుల్ స్నేహితుడు ప్రశాంత్ రాహుల్ నొప్పితో మూలుగుతూ వుండడం చూసాడు.

అది తేలు కాటు అనే భావంతో తేలు మంత్రం వేసే వ్యక్తి దగ్గరకు అతనిని తీసికుని వెళ్లాడు.

అలా రెండు గంటలు గడిచేసరికి నొప్పి పెరిగిపోయింది, పాదం నీలిరంగుకి మారింది.

ప్రాధమిక వైద్య కేంద్రంలో పని చేస్తున్న ప్రశాంత్ రాహుల్ పాదం రంగు నీలంగా మారడంతో రాహుల్ పాదాన్ని కోల్ఫోవచ్చునన్న అనుమానం కలిగి వెంటనే షిరిడీకి తీసికుని వచ్చాడు.

షిరిడీకి చేరిన వెంటనే సదా ని పిలిచాడు, ఇద్దరూ కలిసి రాహుల్ ని సాయినాధ్ ఆసుపత్రిలో ఇంటేన్సివ్ కేర్ యూనిట్ లో చేర్పించారు.

రక్తపరీక్షలో రాహుల్ ని రక్త పింజరి జాతి పాము కరిచినట్లుగా వచ్చింది. అరుదైన, మరియూ అత్యంత భయంకరమైన పాము ఎక్కడనుండి వచ్చింది?

రాహుల్ కి విషపు విరుగుడు మందులివ్వబడ్డాయి, కానీ మరో గంట గడిచేసరికి రాహుల్ పరిస్థితి మరింత విషమించింది.

వైద్యం చేస్తున్న వైద్యుడు తన తలని అడ్డంగా ఊపుతూ ’పక్షవాత లక్షణాలు కనిపిస్తున్నాయి, స్పృహను కోల్పోయి కోమా పరిస్థితిలోనికి వెళ్లబోతున్నాడు,

అతను జీవించడం చాలా కష్టం, అతని తల్లితండ్రులకు తెలియపరచండి’ అన్నాడు. ’డాక్టర్! బాబా విభూతి ఏ వ్యాధినయినా తగ్గిస్తుంది,

 

ఏ బాధనైనా తొలగిస్తుంది. బాబా రాహుల్ ని రక్షిస్తాడు’ అన్నాడు సదా.

 

ఈ లోగా రాహుల్ శరీరం చల్లబడడం ప్రారంభించింది, పల్స్ అందడం లేదు. సదా ఇంటినుండి విభూతి ని తెచ్చి రాహుల్ శరీరమంతా విభూతితో మర్దనా చేయసాగాడు .

 

రాత్రంతా అలా చేస్తూనే ప్రార్దిస్తూ వున్నాడు. తెల్లవారు ఝామున అయిదుగంటలకి నిద్రలోకి జారుకున్న సదా ఎవరొ తనని తట్టి లేపడంతో మెలుకవ వచ్చింది.

 

ఎవరా లేపింది అని చూస్తే, లేపుతున్నది రాహుల్. మంచం మీద కూర్చున్న రాహుల్ తనని ఇంటికి తీసికుని వెళ్లమని అడుగుతున్నాడు.

రాహుల్ లో ఆశ్చర్యకరమైన మార్పు కనిపించింది. పాముకాటుకు మునుపు రాహుల్ చాలా బాధ్యతా రహితంగా వుండేవాడు.

మందిరం గురించి అంత పట్టించుకునే వాడు కాదు.

కానీ పాముకాటు నుండి కోలుకున్న తర్వాత అతను ఎంతో బాధ్యతాయుతమైన వ్యక్తిగానూ, దయగల వ్యక్తిగానూ రూపొంది అందరి పట్లా ఎంతో జాగరూకత తీసికునే వాడు.

’బాబా విభూతి ఏమిటి చేయలేదు? నన్ను చావు నుండి తప్పించింది. నన్ను మనీషిగా మార్చింది, నాలోని మార్పుకి నేనే, నేను ఆ రాహుల్ నేనా అని ఆశ్చర్యపోతూ వుంటాను’ అన్నాడు రాహుల్.
సదా మరియూ ప్రశాంత్ ల సమక్షంలో జరిగిన సంఘటన
విన్నీ చిట్లూరి సంకలీకరించిన బాబాస్’ డివైన్ సింఫనీ గ్రంధం నుండి సేకరణ మరియూ అనువాదం
సాయిబాబా చాగంటి

csaibaba@gmail.com
whatsapp 7033779935
Voice call: 9437366096

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• ” ఓ దత్త సాయి” నా బాబు రాహుల్ ను మీరే రక్షించాలి
• భవిష్యత్తు ని చూపించి నన్ను చావు నుండి తప్పించిన బాబా వారు ……..!
• 22 సార్లు చెక్ బౌన్స్ కేసులైతే నన్ను ఒకసారి కూడా కోర్టు బోను ఎక్కకుండా, నాకు సమస్యలేమీ రాకుండా బాబాగారు నన్ను కాపాడారు.
• ఎన్నో క్లిష్ట పరిస్థితుల నుండి నన్ను బయటపడేసిన బాబా వారు …..!
• నన్ను శరణుజొచ్చు వారిని రక్షించుటయే నా కర్తవ్యం–Audio