విదేశాల్లో ప్రథమ సాయి మందిరం…..సాయి@366 జూలై 29….Audio

---

Voice support by: Mrs. Jeevani

---

లండన్‌ మహానగరంలో అనాథ అయిన ఆజీబాయిని సాయి సచ్చరిత్ర పారాయణ కాపాడింది. మరల గౌరవప్రదంగా లండన్‌ మహానగరంలోనే నిలువ నీడ కల్పించాడు సాయి.

ఆమె నిలదొక్కుకున్నది. ఆమె నడిపే భారతీయ వసతి గృహం మంచి పేరు తెచ్చుకున్నది.

ఆమె తనను సాయి మార్గానికి పరిచయం చేసిన డాక్టర్ తుకారాం కాకడేను, సాయిబాబాను మరువలేదు.

కృతజ్ఞతగ సాయిబాబాకు లండన్‌ మహానగరంలో మందిరం నిర్మించానికి సంకల్పించు కున్నది.

ఈ విషయాన్ని డాక్టర్  కాకడే కు తెలిపింది. డాక్టర్  కాకడే తన మిత్ర బృందాన్ని కలిశాడు. వారిలో ఒకరు ఆబాపాన్సీకర్‌. ఈయన సాయి భక్తుడు.

ఈయన సాయిబాబా వెండి పాదుకలను తయారు చేయించి, షిరిడీ తీసుకుని వెళ్ళి సాయిబాబా సమాధి వద్ద ఉంచి పూజలు, అభిషేకము జరిపించి వాటిని ఒక సాయి భక్తునకు ఇచ్చే వారు. ఇది ఆయన వ్రతం.

ఆజీబాయిని గురించి డాక్టర్  కాకడే అబాపాన్సీకర్‌తో చెప్పగానే ఆయన అంగీకరించారు.

ఆ పాదుకలను స్వయంగా లండన్‌ మహానగరం తీసుకుని వెళ్ళి ఆమె తలపెట్టిన దేవాయంలో ప్రతిష్టింప దలచాడు. సాయి కాదంటాడా?

ఇంకా శ్రీ మేఘరాజ్‌ భాయిగాలా అనే పెద్ద మనిషి తన వంతుగా సాయి దేవాలయానికి మూడు అడుగుల పాలరాతి విగ్రహాన్ని తయారు చేయించి ఇవ్వటానికి ముందుకొచ్చాడు.

విదేశాలలో సాయి మందిరం ఇదే ప్రథమం కాబట్టి, ఏర్పాట్లన్నీ పెద్ద ఎత్తున జరిగాయి.

ఆ ప్రతిష్ట జూలై 29, 1965న జరిగింది. అది హుప్ లేన్‌, గోల్టర్‌ గ్రీన్‌ ఏరియా, లండన్‌లో ఉన్నది.

సాయి మందిర ప్రారంభోత్సవం ఒక పండుగలాగా సాగింది. ఉత్సవము జయప్రదంగా, శోభాయమానంగా జరిగిందని, ఇంగ్లాడులోని ప్రముఖ పత్రికల దృష్టి నాకర్షించి ఈ విశేష వార్త ప్రచురితమైంది.

ఆ రోజుల్లోనే గురువారపు ఆరతులకు 500 నుండి 700 వరకు భక్తులు హాజరయ్యేవారు.

ఆనాడు ఆ సాయి మందిరం లండన్‌లోని భారతీయలకు స్వగృహంలాగా ఉండేది.

సాయి విదేశాలలో లీలలు చూపటం అది మొదలు కాదు కానీ విదేశాలలో సాయి మందిర నిర్మాణానికి నాంది పలికింది.

ఇదంతా ఆజీబాయి అనే మహిళతో సాయి చేయించారు.

ఇది సాయి సర్వాంతర్యామి అని తెలుపుతోంది మనకు!

Compiled  By:- ముళ్ళపూడి పాండురంగ సాయినాథ్ & మున్నలూరి బోస్

Collected and Presented By: Mr: Sreenivas Murthy

Latest Miracles:

• పారాయణ ఫలం…..సాయి@366 జూలై 7….Audio
• ప్రకృతిని శాసించే సాయి …..సాయి@366 జూలై 12….Audio
• షిరిడీలో ప్రథమ గురుపూర్ణిమ…..సాయి@366 జూలై 3…..Audio
• పశు వైద్యుడు…..సాయి@366 జూలై 30….Audio
• సాయి సాహిత్యవనంలో పాశ్చాత్య పుష్పం …..సాయి@366 మే 8….Audio