పశు వైద్యుడు…..సాయి@366 జూలై 30….Audio

Sai Baba ... Sai Baba ... Sai Baba ... Sai Baba (click here)

Those who chant my name repetedly, I will protect them always...Sai Baba

Voice Support by: Mrs. Jeevani

సాయిబాబా సకల జీవులకు దైవమే – మనుజులకే కాదు, జంతుకోటికి కూడా.

సాయినాథునివి గాని ఏ ఇతర మహనీయునికి సంబంధించినవి గాని, మనుష్యులతో సంబంధం ఉన్న సంఘటనలే ఎక్కువగా కనబడతాయి.

సాయి సాహిత్యంలో కొన్ని జంతువులకు సంబంధించిన సంఘటనలు కూడా ఉన్నాయి.

అంతేకాదు ఊది మానవులకు ఎంత సహాయకారిగా ఉంటుందో అలాగే జంతువుల విషయంలో కూడా.

సాయిబాబా, మైనతాయి వంటి మహిళల ప్రసూతి విషయములను మాత్రమే పట్టించుకొన లేదు.

రజబాలి మహమ్మద్‌ ఖోజా, సాయి భక్తుడు. ఆయనకు పాడి ఉండేది. 1931వ సంవత్సరంలో ఒక గేదె ఈనలేక కష్టపడుతోంది.

దాని బాధను చూడలేక ఆయన ఒక డాక్టర్ ని పిలిపించాడు. ఆయన గేదెకు చికిత్సచేశాడు. ప్రయోజనం లేకపోయింది.

ఇక రజబాలి బాబాను ప్రార్ధించి ఆ గేదె తలపై ఊదిని పూసాడు. కొంత సమయం గడిచింది. అది సునాయాసంగా ఈనింది.

ఇది సాయి దయార్ధ్రతకు నిదర్శనమని రజబాలి నమ్మకం. ఆయనే కాదు, ఇతరులు కూడా నమ్ముతారు ఇటువంటి సాయి లీలలను చూసి.

జూలై 30వ తేది (1978) న సంఘటన. బెంగళారు నివాసి శ్రీ రామచంద్రన్‌. ఆయన సాయిబాబా భక్తుడు.

ఒక ఆల్సేషన్‌ కుక్కను పెంచుకుంటున్నాడు. అది సామాన్యంగా అన్నము, పాలు, అన్నము- మజ్జిగపైననే ఆధారపడేది. ఎప్పుడైనా మాంసము తినేది.

ఒకసారి ఆ కుక్కకు విరోచనాలయ్యాయి. అది దేనినీ జీర్ణించుకొనలేకపోతున్నది. రక్తం కూడా ప్రతి అరగంటకు ఒకసారి మలములో పోతున్నది.

దాని పరిస్థితి ఆందోళనకరముగా ఉన్నది. ఆ ఇంటిలోని వారు ఆయనను పశువుల డాక్టరుకు చూపమన్నారు.

నా డాక్టరే అందుబాటులో ఉండగా వేరొక డాక్టర్ ఎందుకు? అని ఆయన తన డాక్టరయిన సాయినాథుని ఊదిని దినమునకు మూడుసార్లు పాలతోను, ఆహారంతోను ఇచ్చాడు.

ఒకసారి ఆ కుక్క పరిస్థితి విషమించింది. అయినా ఆయన తన డాక్టర్ సాయిని కాదని వేరొక డాక్టర్ వద్దకు పోలేదు.

ఒక వారం ఊదిని ఆహారంతోపాటు ఇవ్వటం వలన, అది మామూలు ఆరోగ్యాన్ని పొందింది.

సాయి మానవులకే కాదు, పశువులకు కూడా డాక్టరే!

Compiled By:- ముళ్ళపూడి పాండురంగ సాయినాథ్ & మున్నలూరి బోస్

Collected and Presented By: Mr: Sreenivas Murthy

Those who chant my name repetedly, I will protect them always...Sai Baba