తెలియగ లేరే నీ లీలలు …..సాయి@366 అక్టోబర్ 17….Audio

---

Voice support by: Mrs. Jeevani

---

సాయి తన మహా నిర్యాణాన్ని ఎన్నో విధాలుగా తెలియచేశారు, ఒకొక్కరికి ఒకొక్క విధంగా.

పురుషోత్తమ అవస్తే సాయినాథుని భక్తుడు. రేగేతోపాటు మొదటి సారిగా సాయిని దర్శించాడు. ఇక అనేకసార్లు షిరిడీకి వచ్చి సాయిని దర్శించాడు.

పురుషోత్తమ అవస్తే తన కుటుంబ సభ్యులతో సత్సంగం చేసేవాడు. ఒకసారి ఆయన, ఆయన గృహంలోని మహిళా భక్తులు భజన, సత్సంగం పూజా మందిరంలో చేసుకుంటున్నారు.

రాత్రి గడుస్తోంది. ఉన్నట్టుండి గులాబీ పరిమళం ఆ గదినంతా విరజిమ్మింది. ఇక ఆ గులాబీ పరిమళంలోని ఘాటు పెరగసాగింది. ఆ గులాబీ పరిమళపు వాసనకు తట్టుకోలేక భజనను ఆపుచేశారు.

కాని దానికి కారణం ఎవరికీ తెలియలేదు. ఊహించలేక పోయారు.

ఆ రోజునుండి మూడో రోజున అవస్తేకు ఒక బలమైన కోరిక కలిగింది. ఏదైనా ప్రసాదాన్ని తయారు చేయించి సాయికి నివేదించాలని.

అనుకోకుండా ఆ ఇంటిలోని మహిళలు పొరపాటున ఒకరికి తెలియకుండా ఇంకొకరు బియ్యాన్ని నానబెట్టారు.

అంతలో అవస్తే అక్కడకు వచ్చారు. సంగతి అంతా తెలుసుకున్నాడు. వారికి ఆయన ఆ బియ్యంతో చక్కెర పొంగలిని తయారు చేయమన్నాడు. అందులో కొంచెం సుగంధ ద్రవ్యాలను కూడా కలపమన్నాడు.

ఆ చక్కెర పొంగలి (పరమాన్నము)ని సాయి దేవునికి నివేదించారు మనస్ఫూర్తిగా.

అప్పుడే అవస్తేకు ఉత్తరం వచ్చింది షిరిడీలోని సాయి మహా సమాధి చెందారని. అదే సమయంలో అవస్తే స్నేహితుడు వచ్చాడు.

అతను ముస్లిం మతస్తుడు. అన్ని విషయాలను విన్నాడు. ముస్లిం సాంప్రదాయం ప్రకారం పరమపదించిన మూడవ దినాన మీఠా చావల్‌ (కేసరీ బాత్‌) సమర్పించటం జరుగుతుందనే విషయం చెప్పాడు.

గులాబీ పరిమళం వెదజల్లిన రోజును సాయి మహా సమాధి చెందాడు. సరిగ్గా మూడవ దినాన మీఠా చావల్‌ను నివేదింప చేసుకున్నాడు సాయిబాబా.

తెలియగ లేరే

నీ లీలలు!

Compiled  By:- ముళ్ళపూడి పాండురంగ సాయినాథ్ & మున్నలూరిబోస్

Collected and Presented By: Mr: Sreenivas Murthy

Latest Miracles:

• రాత్రి నిద్రించని సాయి…..సాయి@366 డిసెంబర్ 21….Audio
• ఏమి ఇచ్చేది? .. …. మహనీయులు – 2020… డిసెంబరు 17
• తెలియగలేరే నీ లీలలు! …..సాయి@366 ఆగస్టు 26….Audio
• తెలియగలేరే నీ లీలలు …..సాయి@366 డిసెంబర్ 2….Audio
• భక్తి చాలు – సిద్ధులు వద్దు…..సాయి@366 సెప్టెంబర్ 12…Audio